حبيت اعرف نوع الكلب..وبعض المعلومات..لو ما عليكم امر

[تركوازية]

السلام عليكم و رحمة الله وبركاته

عندنا كلب معطينا اياه هديه

وحابين نعرف نوعه وبعض المعلومات و بنكون لكم شاركين عشان نعرف كيف نتعامل معاه وكيف نظامه

الكلب قالوا لنا عمره 3 شهور..هل هذا العمر مناسب للتطعيمات؟ وشو انواع التطعيمات اللي لازم نتاكد انه عطاه الدكتور و كم ممكن تكلف في عيادات دبي و الشارجه لو حد عنده علم
..

هذه صور الكلب...حاولت اصوره من عنده نواحي بس ما شاء الله وايد حركي ومن يشوفني يقعد يسوي حركات يبغيني العب معاه و ما يقعد مكان واحد ما شاء الله عليه

http://www6.0zz0.com/2011/08/09/07/773409424.jpg

http://www6.0zz0.com/2011/08/09/07/490076651.jpg

http://www6.0zz0.com/2011/08/09/07/713336335.jpg

http://www6.0zz0.com/2011/08/09/07/772099744.jpg

[Octopus]

اول شي رمضان كريم عليك و شو اخبارك كلنا مشتاقين لش قصدي قسم القطط و الكلاب :)


المهم مفروض لو سائلتي الذي عطاك الكلب لو عنده صور ل اهله :)

بنسبة للتطعميات بيفدك الاخوان

[Abo_fahed]

السلام عليكم ورحمة الله وبركاته ،،

اخوي / اختي تركوازية

بالنسبة للكلب فهو جميل نوعآ ما >> ما احب اجامل :D

وضعيف يحتاج لزيادة الأكل

وهذا جدول يوضح لك تقييم وزن الكلب من حيث >> هزيل / ضعيف / معتدل الخ..

http://www3.0zz0.com/2011/08/09/11/818192126.jpg (http://www.0zz0.com)


-ـ-ـ-

بالنسبة لنوعه >> ماابي اظلمه بالتقييم :eek:

ولاتنسى ان عمره للحين صغير يفضل يكمل الــ 6 شهور ليكون هناك تقييم أفضل

-ـ-ـ-ـ-

الكلب قالوا لنا عمره 3 شهور..هل هذا العمر مناسب للتطعيمات؟

طبعآ مناسب وهو في بداية التطعيمات

ويفضل انك تذهب الى البيطري الخاص ببلدك لانه سيكون

عارف التطعيمات الازمه >> لان لكل دولة امراض متفشيه معينة

ولا يعرفها الا العيادات البيطرية

-ـ-ـ-ـ-

وفقك الله ورعاك

ومسك الختام السلام

وعليكم السلام ورحمة الله وبركاته ..

[pitbull terrier]

http://img541.imageshack.us/img541/3385/whu76397.gif


هلا بيكي اختي الغالية ..

اختي اسمعي ..:

http://img163.imageshack.us/img163/4954/67426609.gif

ببساطة النوعيــة يستحسن ان نعطيك اجابتها بعد الــ 4 اشهر من الان ..

و لكن عندي شك و الله اعلم ان يكون من انواع الكلاب التي لا تطول ( كالبينشر ) ..

او الكلب بلدي !

و لكن قلت الله اعــلم فقط هذه اجابة اولية ولا تعتمديها ..

والاجابة الاصح باذن الله ستكون بعد شهر او شهرين من الان ..

http://img163.imageshack.us/img163/4954/67426609.gif

وبالنسبة للتطعيمات نعـــم يستحسن اعطاء التطعيمات من الان ..:

بالنسبة للتطعيمات اللازمة والتحصينات للجراء ..:

http://img339.imageshack.us/img339/5260/95863490.jpg


فيا الغالية يجب ان تعلمي ان

التطعيمات مهمة جدا للجراء وللكلاب بشكل عام فهي تحميها من الامراض

المعدية التي يمكن ان تسبب امراض خطرة او الموت احيانا

ويتم اعطاء التطعيمات للكلاب عن طريق الحقن او احيانا الفم ...

وهذه بعض التطعيمات اللازمة للجراء مع اوقتها ..:

في اليوم ال 45 يتم تطعيم الجراء ضد (( الدستمبر .. بارفو .. )) 3 انواع

في اليوم ال 65 يتم تطعيم الكبار (( دستمبر .. بارفو .. الهيباتايتس .. ... )) 5-6 انواع

في اليوم ال 90 يعاد التطعيم مرة اخرى .. بعد ذلك يعاد التطعيم كل سنة

اما و بخصوص حبوب الدود فيتم اعطاء الكلاب الحبوب

على معدة فاضية و الانتظار بضعة ساعات حتى ياخذ المفعول


والاوقات كالاتي ..:


في عمر الشهر جرعة واحدة


في عمر الشهرين جرعة واحدة


في عمر ال 3 شهور جرعة واحدة


في عمر ال 4 شهور جرعة واحدة


و بعدها كل 3 شهور جرعة


بعد عمر السنتين يكون كل 6 شهور جرعة

ولكن ذلك ليس فقط بل يجب معرفة وزن الكلب ..

اي ان كان وزن الكلب بحدود ال 10 كيلو يستحسن اعطائه حبة واحدة ..

اما اذا كان 20 كيلو يستحسن اعطاء الكلب حبتين ..

كذلك ..الخ ..

http://img163.imageshack.us/img163/4954/67426609.gif

بالتوفيق اختي ..

و

في حفظ الرحمن ..

[تركوازية]

مشكورين يا رب على الردود الطيب و منكم نستفيد
..

اخوي الاخطبوط قطعت لانه ما عندي قطاو :( الاهل جبروني اتخلص منهم و نفس الوقت ا عندي وقت لهم
رغم اني مدربتنهم احسن تدريب و مؤدبين بس يالله شو نقول هههه ...

...

بالنسبه للكلب الكلب لعيال اختي و ربيع ولد اختي معطنا اياه و قايل نوعه سلوقي و من ام و ابو سلوقي و الله العالم...

كاسر خاطري الكلب وايد ملعوزينه عيال اختي و يحبسونه ما يعرفون يتصرفون معاه ولا انا اعرف لتدريب الكلاب...
اختي حابه وجوده للحمايه..بس متلعوزين منه انه يقضي حاجته كل مكان...ومافي حد بالبيتن يدربه يقضيه في مكان معين..وانا ما اقدر ازورهم يوميا
والاكل حطوا له القطواي اكل يومين و بعدها عافه...يابوا له اكل جاف اكله يومين و عافه ...واليوم انا عندهم حطيت له اكل بيت و اكله كله ما شاء الله

منو عنده كلب مثله يعاونا و يشور علينا

[m6n65]

اذ الكلب سلوقي من ام واب فهذا ماينفع للحراسة مثل ماتقولين اختي

لان طبعا للصيد مو للحراسة

ومن ناحية الاكل دام تاكل من اكل البيت خلاص اعطوها الباقي

وترى السلوقي لاكبر وتعلم على الصيد مايحتااج معروف بطل

يتربى بعزك

[كـش مـلك]

...

بالنسبه للكلب الكلب لعيال اختي و ربيع ولد اختي معطنا اياه و قايل نوعه سلوقي و من ام و ابو سلوقي و الله العالم...

كاسر خاطري الكلب وايد ملعوزينه عيال اختي و يحبسونه ما يعرفون يتصرفون معاه ولا انا اعرف لتدريب الكلاب...
اختي حابه وجوده للحمايه..بس متلعوزين منه انه يقضي حاجته كل مكان...ومافي حد بالبيتن يدربه يقضيه في مكان معين..وانا ما اقدر ازورهم يوميا
والاكل حطوا له القطواي اكل يومين و بعدها عافه...يابوا له اكل جاف اكله يومين و عافه ...واليوم انا عندهم حطيت له اكل بيت و اكله كله ما شاء الله

منو عنده كلب مثله يعاونا و يشور علينا


يؤ يؤ يؤ :wao: :wao:

يا اختي اتمنى تهتموون في الكلب الكلب باين عليه ما ياكل زيين انا اتمنى تهتمون في التغذيه

ومو كل اكل البيت ياكله الكلب

حاولي تسوين له اكل بدون ملح ولا بهارات

وفي اكل ممنوع يا ليت تنتبهين عليه

انا انصحك انك تشترين له دراي فوود فيه كل الي يحتاجه

وانتبهو على الشركه

اما لو كان الكلب سلوقي <.. مثل ما قال اخوي ما ينفع للحراسه

وانتي اضاهر تبغينه للحراسةة لو تبغين كلب حراسه اشتري جيرمن شيبرد

اما قضاء الحاجه

هذي الرواابط بــ تفيدك

سؤال عن التغذية الصحية

http://www.2zoo.com/vb/showthread.php?t=116287 (http://www.2zoo.com/vb/showthread.php?t=116287)


http://www.2zoo.com/vb/showthread.php?t=127167 (http://www.2zoo.com/vb/showthread.php?t=127167)



http://www.2zoo.com/vb/showthread.php?t=124552 (http://www.2zoo.com/vb/showthread.php?t=124552)


انعدام الشهيه

http://www.2zoo.com/vb/showthread.php?t=120566 (http://www.2zoo.com/vb/showthread.php?t=120566)



كيف اجعل الكلب يقضى حاجته فى المكان الذى انا اريده ؟


http://www.2zoo.com/vb/showthread.php?t=133331 (http://www.2zoo.com/vb/showthread.php?t=133331)


اتمنى اني افدتك بــ قدر المستطاع

انتضر ردك ..

[تركوازية]

مشكورين عالردود الطيبه

صدقكم شكله مول ما ينفع للحراسه...كله يبغي يلعب ههه اون انه بعده صغير

كش ملك
ادريبه مسكين ضعيف وايد .. يايبينه و هو جيه ...والله يهديه ولد اختي حبسه يومين في غرفه والام لمخلص عنه ضعف زياده ...

مافي حد يربيه ....شكله بخبرهم يعطونه يعرف لتربية الكلاب حرام ياخذون ذنبه لا اكل عدل ولا بيدربونه بيصير حاله حال جلب شوارع

[pitbull terrier]

اختي الله ايوفقك ان الكلب كائن حي ..

اذا لم يسطتع ابن اختكي تربيته يجب عليكي اخذه منه ..

اما ان تعرضيه للبيع او تعطيه لشخص بالفعل يريد تربيه الكلاب ..

بالتوفيق ..

[تركوازية]

كلمتهم يعطونه حد او يبيعونه ....حرام والله قلبي غامضني عالكلب

لانه وايد حبوب و كيوت ولعوب يجنن...المشكله اهلي ما يبونه في بيتنا ولا كنت باخذه لبيتنا

زين لو عرضته للبيع مب متاكده هل هو سلوقي بيور ولا مهجن ولا شو نوعه عشان اقيم سعره

..

انا كلمت اختي انه تعطيه حد يتبناه او توديه عيادة البلديه يحصلونه له متبني..وقاعدين نقنع ولد اختي وان شاء الله يقتنع

[كـش مـلك]

اختي اذا مو مقتنع ولد اختك

قولي له انو الكلب متعلق في رقبته لازم يأكله ويهتم فيه يبغى كلب يتحمل كل شي مو بسس يلعب معاه

اذا مو قد المسؤليه لا ياخذ كلب

[تركوازية]

ومات الكلب

:(

[Abo_fahed]

الله يعوضكم ان شالله

-ـ-ـ-

يغلق الموضوع ..

*البند رقم 6

من قوانين قسم هواة الكلاب

http://www.2zoo.com/vb/showthread.php?t=133795