عاجل الله يجزاكم خير الحقو ببغائي

[عبدالله000]

اخواني الطير فيه اسهال والبيطريين قفلو الان

متى يبدأ دوامهم الصباحي برمضان نبي الحق عليه قبل لايروح حالته مزريه

[*هاوي البادجي*]

انت الحين

خل عنده بس حب شمسيي


وعلى ما تصبح الدنيا طياره للبيطري

واخذ

baytril10% or 5%

بس كلهم يوأدون نفس العلااج



تحياتي

*فواز*

[عبدالله000]

هاوي البادجي

يالغالي عندي الباي تريل 5% بس الطير مو راضي يشربه ولا فيه حيل ياكل شي

وش الحل

[*هاوي البادجي*]

انت الحين حط ماي دافي وجديد


وحط عليه الباي تريل



وهو غصب بيشرب

وتأكد هل فيه امراض ثانيه ولا لا


وشلون صدره بارز او لااه


تحياتي

*فواز*

[ابو محمــد]

ممكن من الاكل انت معطية فواكه؟

[عبدالله000]

الطير عليه علامات الخمول كلها ولا له صوت ماتوقع الفواكه لها دخل

[عبدالله000]

ابو محمد اغره سيريلاك ولا كورن فليكس ؟ مع المويه اللي فيها المضاد

[ابو محمــد]

الطير اسهالة وش لونة والحالة هذي كم لها والطير كم عمرة وعطني صورة له

[عبدالله000]

الطير ياطويل العمر اسهاله لونه اخضر قليل مره واغلبه ابيض مصفر

الحاله مالها الا اليوم باديه فيه وقويه

الطير عمره تقريباً 7 شهور مايتعداها

[abadi75]

هل الطير هولندي؟يعني محجل؟ واسف عزيزي على السؤال والله يقوم طيرك بالسلامه

[عبدالله000]

لا ماهو محجل صيد

[abadi75]

عزيزي اذا الطير يرفض الاكل تماما ممكن تغره اكل الاطفال الموجود في الصيدليات وهو عباره عن فواكه مشكله سائله في قوارير صغيره لايحضرني اسمه الان هذا راي دكتور او انك تغره بطاطس مسلوقه لمدة 3 ايام حتى ينتهي الاسهال وهذاعن تجربه وننتظر رأي الخبراء وبالله التوفيق

[abadi75]

عفوا عزيزي نسيت اقول ضع الطير في مكان دافي بعيد عن اي تيارات بارده

[عبدالله000]

الله يعافيك يالغالي

انا طحنت كورن فليكس وخلطه مع الماء الله فيه الدواء وغريته والله يستر

اتمنى تقولون لي الكورن فليكس ينفع ولالا ؟

[abadi75]

اخي عبدالله طمني عن الوضع بشكل عام وبالنسبه للكورن فليكس مافيه مشكله احيانا يعطى للفروخ ولكن البطاطس المسلوقه فائدتها اكبر في هذا الوضع لانها تمسك معدة الطائر عن الاسهال الى حد ما ومن ثم يعود تدريجيا الى وضعه الطبيعي

[عبدالله000]

الله يعطيك العافيه اخوي abadi75


والله الوضع الى الان مافيه شي واضح غريت الطير بالكورن فليكس وخليته ينام لأنه مره تعبان

وبأذن الله اليوم اوديه لبيطري اول مايفتحون

دعواتكم له بالشفاء

[ابو محمــد]

اخوي اذا لونه اصفر هذا يحتاج الى بيطري ضروري

للكشف عليه والتأكد من المرض اللي عنده