ابي اشتري كوكاتو او افريقي محتار

[ستريفي]

بسم الله الرحمن الرحيم

السلام عليكم ورحمة الله وبركاته

كيفكم يا اعضاء منتدى 2زوو

انا كاتب موضوع من قبل فتره اني بشتري افريقي الى بيجيب الافريقي ما جابهم وانا نطرته فتره طويله
المهم الحين جات دفعة فروخ افريقي محجل او الى انسميه هولندي بس انا ما احب الهولندي لانه حساس وسريع المرض المهم بعد كم يوم بتجي افريقي وبتجي 10 حبات كوكاتو امبريلا
الكوكاو هذا الببغاء حلمي من يوم كنت صغير
المهم انا حاليا جدا محتار هل اخذ لي افريقي ولا الكوكاتو
انا ابي الكوكاتو بس مشكلته غاليا وما ادري عن مناعته اخاف يموت
فما ادري ايش نصيحتكم اخواني والى عنده خبرة بالكوكاتو ياليت يفيدنا بمعلومات
للمعلومية اذا باخذ طير بيضل عندي 4 او 5 شهور بعدها راح ابيعه لاني بروح ادرس بعثه

[Skippy]

انصحك كاسكو لأنه متكلم اما الكوكاتو مايتكلم .. وان تكلم قال كلمه وحده بس
اما الكاسكو ماشاء الله عليه ذكي
بس اذا يتاخذه خذ لك واح صغير (فرخ) يعني عمره من 6 الى 9 اشهر بالكثير .
او كبير لكن اليف ومايجعر (بس بيكون غالي طبعاً)
وهذا اللي عندي
تقبل مروري اخوك ابو فيصل

[*هاوي البادجي*]

اخوي

الكوكاتو يعر

بس هو الافضل

هي مو من ناحيه الكلام من ناحيه الذكاء واللعب والتعلق الشديد


والكوكات رائع

ولا تقارن الثراا بالثريياا


بي اخذ رخ وتأكد من صحته و يكون الييف

وانشاء الله يكون تمام


تحياتي

*فواز*

[محبة ,الكوكاتيل]

,
الكوكاتو افضل
لعوب ودلوع جداا وذكي
في موصفات احلى من الافريقي
انصححك فيه
مودتي
,

[alz3eem09]

الكوكاتو اجتماعي
و بيونسك اما الكاسكو صحيح انه متحدث ولكن انت تبيه بس حق 4 شهور
انصحك بالكوكاتو

[الذكي]

انصحك كوكاتو بس بعد ما تخلص الدراسه لان بيتعلق بيك واذا بعته بيموت وبرايك عاد ان خبرتك

[ابوغزل]

مساء الخير بسراحة الخيارين ممتازين

لكن انا احب الكوكاتو لكن موب الامبريلا انا احب التريتون او السلفركريستد كوكاتو لانهم فعلا طيور راقيه

ومتعلقه بالشخص ولعوبه جدا

تقبل مرويري ابو غزل

حبتييييييييييييييييييييييييييييييييييييييييييييييين

:88:

[ابو فيصــل]

تبي نصيحتي لا تشتري شي نهائيا بالفتره هذه
ياخوي وراك بعثه ومدة اربع اشهر وش بتسوي بس بتتعلق فيه وهو بيتعلق فيك وبعدها بتسافر وصدقني بيصر فراقه صعب وراح تندم كثر عدد شعر راسك انك شريته وتعلقت فيه
دمت بحفظ الله

[سعود حائل]

انصحك بالكوكاتوو ..

[m_jood]

آنصحك مَ تآخذ آي شيء فـي الفترةة هذي لان ورآك بعثةة !

لكن لو انت مررة صآمل ..

خذلك افريقي = )

لآن آلكوكآتوو , آذآ تعود عليك بيكون فرآقةة صعب عليك و عليةة ! = ( ..

و بينتف ريشة و و .. }

فـ خذلك افريقي آفضل لك = )

, و في البلد اللي بتروح له آشتر من منهآ كوكآتو :p ,

ب التوفيق = )

[عاشق الانكوندا]

اوافق اخوي ابو فيصل

وزيادة تقدر تجمع فلوس تشتري كوكاتو ابو عرف اصفر او مكاو بلو اند قولد

لنو الوحيد وجميع انواع المكاو الكبير الي لو ربيته فرخ تطيره لو بغابة او جنة يرجع فيدك ولعوب وملون

[moody-lonely]

انصحك بالكاسيكو ولكن بعد ما ترجع من البعثة وربي يوفقك في البعثة وفي شرااااء طير بالمواصفات اللي انت تبيها

[طالب الاميري]

انا انصحك بكاسكو مثل ما قالو الاخوان

[ستريفي]

Skippy - *هاوي البادجي* - محبة ,الكوكتيل - alz3eem09 - الذكي - ابو فيصــل - سعود حائل - m_jood - عاشق الانكوندا - moody-lonely - طالب الاميري

اشكركم اخواني واحبائي على مشاركتكم معي وتقديم ارائكم الجميلة

عجبني حيل كلام بعض الاخوان الى قالوا لي لاتشتري طير لان وراك بعثه بس اظن اني بتهور

من ناحية المكاو انا ما احبه اهو صح حلو ولعوب ووفي بس مشكلته دفش واكره شي فيه صوته يفجر الاذان

انا ادري ان الكاسكو اذكي وكلامه اكثر بس انا ابي طير يونسني ولعوب ويضحك العيال

ان شاء الله اذا وصل الكوكاتو وكان سعره مناسب او متوفر مبلغه عندي ان شاء الله باخذه
واذا ما توفر المبلغ راح اخذ لي فرخ افريقي واذا رحت امريكا راح اشتري هناك الكوكاتو

دعواتكم لي بالتوفيق حبايبي

[شاقي]

وقف وقف لا تشتري الهولندي المحجل ما انصحك خذ طير صيد بدون حجل لان مناعة الهولندي ضعيفه بعكس المصيود

الهولندي تربيت مزارع مو من فم امه ماكل اكل عن طريق الابره وهذي تفقد الطير الهولندي المناعة القويه

ولا هو حبوب ومنظره خطير

والله يوفقك في بعثتك ..

|| ودي ||

[إكليكتوس]

الكاسكو طير شعبي وشخصيته قابله للتغيير ويصلح للمبتدئين .....

الكوكاتو طير مرهف وحساس جدا فوق ماتتخيل ...... لاتشتري كوكاتو يحب صاحبه ...... تتورط معاه !!

يمكن يموت ويمكن يضرب عن الأكل ويمكن يكسر ريشه إذا فقد أهله وأحبابه ...... وإذا مصمم على كوكاتو خذ لك فرخ تحت السنة ...... ترايتون أو سلفر كرستد طيور إجتماعيه وتحب الرقص واللعب وقابله للكلام بسهوله ...... لاتاخذ دوكيرب أو جالا أو ملوكان أو أمبريلا ...... الأنواع هذي نفسيتها معقده ويبغالها خبره شوي ......

[ستريفي]

وقف وقف لا تشتري الهولندي المحجل ما انصحك خذ طير صيد بدون حجل لان مناعة الهولندي ضعيفه بعكس المصيود

الهولندي تربيت مزارع مو من فم امه ماكل اكل عن طريق الابره وهذي تفقد الطير الهولندي المناعة القويه

ولا هو حبوب ومنظره خطير

والله يوفقك في بعثتك ..

|| ودي ||

اخوي انا كاتب في الموضوع انا ما احب الهولندي لانه حساس وسريع المرض
على العموم يمكن ما اتبهت للجمله او شي
يعطيك العافية اخوي وما قصرت واذا بشتري باخذ لي فرخ افريقي واروضه
والله يوفق الجميع

[ستريفي]

الكاسكو طير شعبي وشخصيته قابله للتغيير ويصلح للمبتدئين .....

الكوكاتو طير مرهف وحساس جدا فوق ماتتخيل ...... لاتشتري كوكاتو يحب صاحبه ...... تتورط معاه !!

يمكن يموت ويمكن يضرب عن الأكل ويمكن يكسر ريشه إذا فقد أهله وأحبابه ...... وإذا مصمم على كوكاتو خذ لك فرخ تحت السنة ...... ترايتون أو سلفر كرستد طيور إجتماعيه وتحب الرقص واللعب وقابله للكلام بسهوله ...... لاتاخذ دوكيرب أو جالا أو ملوكان أو أمبريلا ...... الأنواع هذي نفسيتها معقده ويبغالها خبره شوي ......

تسلم حبيبي الغالي إكيكتوس
مشكلة الكوكاتو طير نادر وقليل جدا نحصله بسبب سعره
انا احب اكثر شي الامبريلا يوم كنت صغير كنت كلا اروح محل احد اقربائي كانت هناك في امبريلا و2 كوكاتو الى عرفه اصفر وتعلقت في الامبريلا ويوم بيعت حزنت حيل ومن ذيك الايام سنين وانا ابي امبريلا