مشاهدة النسخة كاملة : محتاج مدربين ببغاءات أمازونية
القيصر دون
14-08-2011, 06:23 AM
السلام عليكم ورحمة الله وبركاته
ياشباب اريد ان اعرف هل يوجد مدربين للطيور
يعني اودي ببغائي لأحد يعلمه كلمات جديدة مقابل مبلغ مالي
الي يعرف مدربين موثوقين في مكة يقولي.... و هل تنصحوني بهم؟؟ وكيف اسعارهم
وهل يؤثر في نفسية الطير أقصد انتقال الطائر من مربيه لشخص آخر للتدريب؟؟؟؟؟
medozoom
14-08-2011, 08:14 AM
ليه ياخوي الله يهديك
بتودي طيرك لمحل عشان يدربه على الكلام
يعني انتم في البيت ما تتكلمون
ليش الواحد منا يشتري طير
عشان يدربه ويستمتع في تدريبه ويحس انه انجز شي وسوا شي حلو
بس بتودي طيرك عشان يدربه على الكلام
ياخي روح قدام الطير وبهدوء ورواقه
واجلس تكلم وقول مثلا بابا بابا واجلس كرر الكلمه وراح تلاحظ الطير مركز معاك يبغى يلقط الكلمه
وكذا حبه حبه الين يصير يتعلم جمل
نصيحتي لك انت درب طيرك احسن لك
يالله علمتك الطريقه وين الفلووس خخخخخخخخخخخخخخخخخ
تقبل طلتي
اخوك
ابو نايف
احمد اباالخيل
14-08-2011, 08:30 AM
مثل ما قال ابو نايف
المتعه مو ان يكون عندك ببغاء يتكلم
المتعه انك انت تدربه على الكلام
وبالتوفيق لك
إكليكتوس
14-08-2011, 08:53 AM
أنا شفت الملقنين الكبار راعين الطيور الغاليه إللي تبيع نفسها عندهم غرفه مافيها تلفزيون ولا أثاث ولا أطفال ولا شي ....... ماغير الطير يشوفك وتشوفه ويسمع صدى صوتك ....... بدون وجود أي شي يشتت إنتباه الطير ....... والأهم إنك تبني علاقه حلوه مع الطير وتخليه يثق فيك ويرتاح لك ....... بعدها تحدد نص ساعه يوميا للتلقين وتلتزم بالوقت ولا تشغل نفسك بأي شي ثاني غير الطير ....... وحبذا يكون التلقين في وقت يكون الطير مبطي ماشافك بعد توطيد العلاقه معاه ....... بحيث يكون مشتاق لك وملعلع .......مثلا بعد الفجر - الصبح بدري - بعد الدوام - قبل المغرب - بعد الصلوات الخمس - ..... إلخ ..... تحدد وقت وتلتزم فيه قدر المستطاع ...... وأحسن شي للتلقين الفروخ ...... تبدأ معاه بكلمات سهله ..... بابا ..... تكررها عليه في مكان التلقين مع شوية أكل يحبه علشان يتفاعل معاك ....... إذا الطير ماتفاعل معاك ماراح يلقط ولا كلمه لو تكررها عليه سنه كامله ....... وإذا خلص وقت التلقين تطلعه مكانه المعتاد ...... وتردد عليه الكلمه علشان يجي دور الترديد لأن الحفظ في مكان التلقين فقط ....... وإذا الطير إعتبر التلقين لعبه وتفاعل ومكافئه بيصير يشتاق ويردد الكلام خارج مكان التلقين ....... وهذا إللي نبغاه
إستمر على الطريقه هذي نص ساعه يوميا قد ماتقدر .......
القيصر دون
14-08-2011, 08:16 PM
شكرا جزيلا للأخوان بس انا محتاج احد يعلم الطير الصفات الطيبة
مثلا يخلي الطير يبطل يعض لأن طيري عضاض
تشآرلي
15-08-2011, 12:05 AM
اخوي العزيز
مثل ماذكرو الاخوان قبلي
الافضل انت تربيه
اعطيك على سبيل المثال
انا في بدايتي اخذت واحد غير الليف وذبحني عض وتعبني لكن هذي هوايه لازم نتحمل
وفي مره اشتريت واحد اليف وكان قدامي صاحبه الاول يبوسه ومايعض
وبعد ماشريته انا صار يعض !!! ليه ؟؟ لانه لسى ماعرفني ولا انا خليته يثق فيني ويحبني مثل ماانا احبه
حتى لو احد دربه لك
راح يكون يميل حبه للي دربه
صحيح بيكون هادي شوي لكن مو مثل انت تربيه
اتحمل العض مره ومراااات
دام العض مايموت ولا يكسر العظم تحمل ياخوي ههههههه
انت لو تقدر توقفه علي يدك بيكون شي حلو
استمر كل يوم تطلعه على يدك ولف داخل البيت واتحمل شوي حاول تخليه يطول على يدك بدون ماتلمسه ورجعه مكانه
وبعد اسبوعين حاول تمسح على راسه لكن لا تسحب يدك بسرعه لو حاول العض وان رفض خليه يعضك
واعرف اول عضه راح تكون خفيفه حاول تشيل يدك ببطء
لكن لا تبين له انه لو عضك انت راح توقف استمر بالمسح لكن حاول تتفادا العضه بشكل مو واضح
لمدة اسبوعين ( طبعا كل مره حاول تمسح على راسه لمده دقيقه الي دقيقتين )
بعدها راح تشوف فرق كبيررررررررر وتنصدم وش هالمحبه الي نزلت عليه
راح يعض غيرك وانت لا
ومن ناحية النطق
مثل ماذكر ( خليه بغرفه منفرده مافيه الا انت وهوا وحاول تكرر له الكلام بصوت واضح )
واعلم الطير راح يتعلم على الكلمه وانت مانت موجود لانه ينحرج
وبعد كذا راح تحصل يقولها عادي
واسف على الاطاله لكن حبيت اوضح لك تجربتي
Powered by vBulletin Version 3.8.8 Alpha 1
Copyright ©2000 - 2025, Jelsoft Enterprises Ltd