يا ليت القى الرد قطوطتي ضعيفه وابي حل لها :(

[عشووووقه]

http://www.upload.ps/uploads250307/689f093761.jpg

يا ليت تذكرون ربكم اول ما تشوفون الصوره :)
السلام عليكم جميعا

شلونكم وشخباركم عساكم طيبين :)


عندي استفسار اذا ممكن تردون علي


قطوتي عمرها شهرين ونص شنو الاكل المناسب حق عمرها ؟
لاني استعملت ويسكاس واحس انه ما يشبعها وما قامت تشتهي الاكل وكله نايمه فا اغصبها على الاكل واحس انها صارت ضعيفه

ويا ليت اعرف شنو انواع الاكل اللي يزيد وزنها ويخليها متعافيه

ابيها اتصير بومبا ويا ليت اتفيدوني :)




تحياتي لكم

عشوووقة الكويت &_&

[Dominique]

هاااي

اول شي لااله الا الله عليها وايد حلوة

ثاني شي

روحي مركز سلطان اللي بالشويخ ( الجملة ) قسم اكل الحيوانات

فيه اكل وايد حق القطاوة ومنوع

دوري اللي يناسب عمرها من كلنوع اخذي علبة وحدة

وجربيلها كليوم علبة او 2 وشوفي شنو اللي حبته اكثر وخلصته بسرعة

بعدين روحي البيطري خل يوصفلها مشهيات وفيتامينات

ترى اكل القطاوة بروحه مايغذيهم عدل

صح يشبعهم بس مايغذيهم عدل

حطي الفيتامينات بالكمية المناسبة مع الحليب اللي تشربه

وخليها تشرب ماي وايد لأنه زين حق الكلية ينقيها من الميكروبات والرواسب الملحية

وانشالله تسمن

في هالسن يبيلها دراي فود

فنوعيلها يعني
.
.
.

[عشووووقه]

هايات

اول شي مشكوره على الرد

وبعدين انا شريت لها اكل من المركز ولاحظت انها تحب اللحم اللي يكون معاه نفس المرق او شي جذي :) وقمت اكثر لها منه واخلط معاه البسكوت وتاكله ما شاء الله عليها وهم احط معاه فيتامينات بس كل ما تاكل على طول تروح عزج الله التواليت مودري ليش :(

فا ماني عارفه شنو اسوي لها او شنو اوكلها عشان تتعافى ؟


اتمنى اني احصل على اكل يزيد وزنها اكثر

تحياتي لج


عشووقه &_&

[Dominique]

حبوبة العفو ماسوينا شي

خلاص دامها حبت اللحم عطيها مثلا وجبة لحم باليوم وحاولي تغصبينها تاكل خضار مسلوقة ( الجزر والبزاليا والذرة اللي تكون بجيس مثلجة ) تسلقينها وتصفين مايها وتعطينها اياه بارد او دافي

اذا تبينها تاكله

يوعيها 4 ساعات لاتعطينها اكل

وبعدين حطيلها صحن الخضار وخلطي معاه شوية من المعلب اللي باللحم ( نوع فانسي فيست اللي بالبيف ترى وايد دمدم يحبه ) وريحته قوية صج لحم مشوي

بعدين حياتي عادي تروح الحمام وانتي بكرامة من عقب الأكل

دمدم مايمديه يخلص صحنه الا ويصف بالدور حق التواليت :p

بطنه متبري منه لووووووووووول

بس الحمدلله صحته زينه لولا المرض اللي ياله

يعني قبل لا يمرض تخيلي وزنه كان 5.7 او5.8 :eek: كان بفة وثقيل حيل

بس الحين ضعف وايد

بس قاعدة اعوضه بالفيتامينات والخضار
.
.
.

[عشووووقه]

مشكوره مره ثانيه عالرد

والله يشفيه انشاء الله


وموفقه حبوبه ^_^


تحياتي لج


عشووووقه :)

[loli]

انا بعمل الاكل لقططي منزليا... فراخ مسلوقه... او كبدة فراخ مسلوقه.. ممكن تحطي عليهم شويه بطاطس مسلوقه وجزر ويتضرب بالخلاط... والقطط عموما بتحب الغموس :) يعني اي صوص فراخ او سمك او كبده مسلوقه حتلاقيها تاكله اكتر من الاكل السوليد....

البطاطس والعيش الصمون بيتخنوا القطط... وكمان بسكوت الكراكرز بتاع القطط بيشبعهم وبيتخنهم وكله فيتامينات... وممكن هي عشان لسه صغيره تلحسيها جبنه مثلثات... بيحبوها اوي.....ومع الوقت حتعرفي الاكل الي بتحبه وتبقى تعطيها منه على طول...

[3aloe]

مشالله حلوه القطوه بس من وين شريتيها
من العضوه ليو لانه مره ليو اعرضت
قطوه نفسها للبيع؟؟؟

[قطو_Q8te]

ماشالله الله يحفظها لج
وانصحج بالدراي فود موجود بكل مكان بس مكتوب عليه Kitten
هذا انسب شي يغذي ويشبع ويمتن .

[عشووووقه]

مشكورين على الرد

والله يعطيكم الصحه والعافيه

وبالنسبه حق قطوتي روز اي انا شاريتها من العضوه ليو وما شاء الله عل انتاج قطاوتها تبارك الرحمن

وهذي اهي متواصله معاي بالرسايل :)


واخ قطو كويتي انشاء الله انك بتحصل ولد الحلال اللي يدلك على قطوتك وترجع لك ما تستاهل اللي صار لك :(


تحياتي لكم


عشووووقه