تسجيل الدخول

مشاهدة النسخة كاملة : ردو ضروري الفرس في خطر :(

عمير
22-08-2011, 07:45 AM
ياجماعه ساعدوني
والله اخاف على الفرس لاتردوني ماني خبره في الخيول الفرس كلش من شهر تقريبا ماتاكل ودينها البيطري وعطينها هم ابره مشهي للكل هم مانفع ومو عارفين السبب ضاربه عن الاكل في اليوم كامل تاكل تقريبا مقدار كف ايد انسان بس


ساعدوني ياجماعه :(
c-ll
22-08-2011, 07:59 AM
شيكت على اسنانها وفمها يمكن فيه شي يالمها جب لها بيطري يفحصها وش ناطر انت عشان انت وهي ترتاحون
عمير
22-08-2011, 08:44 AM
جبت لها بيطري و مافاد معاها بس ماضنتي جيك على اسنانها اليوم باجيك لكن مو معقوله ماتكل لي هل درج
الايمن
22-08-2011, 11:43 AM
صح ممكن اسنانها بغى برد (تنضيف)

او شي بس مو الى هالدرجه


(بشرنى باخر الاخبار)
الايمن
22-08-2011, 11:46 AM
طيب سو تحليل دم شامل

انا تذكر حاله عند احد الاصحاب جاه تسمم

الفرس ما صارت تاكل كلش

جلسه اربع ايام بعدين الحمد الله تحسنت شوي

طيب (سو لها تعويض املاح وفتمينات)
Zebras
22-08-2011, 02:37 PM
أخوي أنصحك تسوي تحليل عن الديدان في البطن

وتعطي فرستك أبرة أسمها ايميزول

وهذا المرض دايماً يجي الخيل في الحر

وراح تنظف بطن الفرس أن شاء الله
الخبراء
22-08-2011, 07:31 PM
الله يعينك

بس سو تحاليل دم وبراز
با النسبه للتحاليل تروح لم فرع الزراعه و تطلب منهم يعطونك ورقه تحليل
بس المشكله يتاخرون با النتيجه و الحين اجازه عيد يوم الاربعاء الجاي يعني النتيجه بعد العيد

و الافضل تروح لم مختبر اضنه طريق الخرج او مختبر با الثمامه


او اتصل على مركز ديراب و اسال عن الدكتور و قله عن الاعراض الي عندك وهم اعرف من دكاتره الشوارع الي همه بس تشريه منه ادويه مستعد يعطيك اي علاج عنده و ياخذ فلوس

و فيه دكتور با الثمامه اسمه نجم اسال عنه
خيال العروبه
22-08-2011, 09:57 PM
أخوي أنصحك تسوي تحليل عن الديدان في البطن

وتعطي فرستك أبرة أسمها ايميزول

وهذا المرض دايماً يجي الخيل في الحر

وراح تنظف بطن الفرس أن شاء الله


انا اوافق اخي الغالي

وحتى بالبرد يصيبهم بعد ماله وقت محدد :(

لاكن عندي سؤال >> هل الفرس تخرج او لا ؟

وهذه من علامات المغص !!!!!

وانصح بتحصنها عن الدود كل 6 اشهر

الله يشفيها ان شاء الله وياليت تخبرنا بكل التغيرات
عمير
23-08-2011, 01:26 AM
اليوم جيكناها يعني جفنا متغيره تاكل اشوي احسن ماتاكل الى خلطه و لاكن من جم يوم ماتخرج كلش كلش ولا تشرب ماي من العصر اليوم بس كلت اشوي
الخبراء
23-08-2011, 02:38 AM
يا الغالي اذا الفرس ما تنزل ( روث ) معناته منمغصه

يبيلك تعطيه ابره ( با الرقبه ) علشان تفك

و خل الفرس تتحرك و تمشي علشان يفك الي با بطنه

استفسار صغير
الفرس تنسدح على ضهره و تتقلب و تقوم وتجدع نفسه على الارض و ترفع رجلينه فوق
اذا كذا و الله العالم مغص يبيلك ابر


بغيتك تشيك عليه هي به حراره او لا تشيك على الفم رطب او لا اذا تحسه ناشف رش الفرس با الماء كل شوي خله تبرد لا تشربه ماء با الغصب خله بس ترطيب الفم با اليد


وهذي ارقام مركز ديراب استفسر من الدكتور عندهم سعودي وسوداني ومصري
و اتوقع ان السوداني افضلهم ناسي اسمه
015240380 / 015240385
خيال العروبه
23-08-2011, 02:56 AM
اليوم جيكناها يعني جفنا متغيره تاكل اشوي احسن ماتاكل الى خلطه و لاكن من جم يوم ماتخرج كلش كلش ولا تشرب ماي من العصر اليوم بس كلت اشوي

كما ذُكر بالسابق هذه اعراض المغص

وفعلاً الفرس دامها ما تخررج و ماتشتهي الطعام معناتها فيها مغص !!

ولاحظ بطنها اذا كان كبيير زيادة عن اللازم يعني اكييد الفرس مصابة بالمغص

عجل بمراجعة البيطري علشان يعالجها

بس اخي الكريم علشان ما يتكرر المغص

انصحك تخلط زيت الزيتون مع الاكل مقدار نصف فنجان فقط

وانتبه لنظافة مكان اكل الفرس (( المعلف )) لازم يكوون نظيف وخاالي من التراب

والماء ايضاً لازم يكون نظيف

وعلمنا بكل تغير يالغاالي

دمت بحفظ الرحمن :)
عمير
23-08-2011, 10:20 AM
مشكورين ياجماعه والله الليله باروح المزرعه و اجيك عليها ان شاء الله يطلع كلامكم عدل و يكون مغص ولا انها اتحيرني لهدرجه

بس بطنها مو كبير بعد