دجاج الزينه

[ابومحمد@]

السلام عليكم
ياخوان ابطلب منكم طلب وياليت تجاوبون علي لني بشتري دجاج الزينه
وابي منكم الفضل نوع من مقومته للحر والمراض وسعر مناسب
والافضل اشتري الدجاج.اوصوص.اوبيض

1/كم اسعار البراهما .الدجاجه.الديك.الصوص بلعمر.البيض.وكل مستوى ولون الخخخخخ
2/السبرايت .الدجاجه.الديك.الصوص بلعمر.البيض.وكل مستوى ولون الخخخخخ
3/القطني.الدجاجه.الديك.الصوص بلعمر.البيض.وكل مستوى ولون الخخخخخ
4/الكورك.الدجاجه.الديك.الصوص بلعمر.البيض.وكل مستوى ولون الخخخخخ
5ا/لفارسي القز.الدجاجه.الديك.الصوص بلعمر.البيض.وكل مستوى ولون الخخخخخ
6/البولنديه.الدجاجه.الديك.الصوص بلعمر.البيض.وكل مستوى ولون الخخخخخ
7/المسحب.الدجاجه.الديك.الصوص بلعمر.البيض.وكل مستوى ولون الخخخخخ
8/البلوشي.الدجاجه.الديك.الصوص بلعمر.البيض.وكل مستوى ولون الخخخخخ

الكتب الي تعرف
واسف على الطاله

[صمت الأمل]

وعليكم السلام ورحمة اللهـ وبركاتهـ .


طلبكـ شوي صعب عن الأسعار لأن هذا يعتمد من وين راح تشتري هالدجاج والأنواع .. :rolleyes:


وايضا هل راح تشتريها كبيض أم دجاجات بالغات أو بشاير . :)


لكن عموما انا راح أتكلم لكـ عن مميزات هالأنواع بكلام عام وأنت حدد المناسب لكـ :


أرخص شيء هو البيض .. اذا عندكـ فقاسهـ جاهزهـ ومضمونهـ بالتفقيس ومادتكـ محدودهـ ماتقدر تشتري دجاج بالغ فالفقاسهـ خيار حلو .. عيبها قد تكون في الفقاسهـ عطل ويصبح الفراخ مشوهين .. أو لايكون كل البيض مخصب أو يموت الصوص قبل خروجهـ من البيض لأسباب مختلفهـ .


بعدها الفراخ اذا ماعندكـ فقاسهـ ,, تربيتها حلوهـ وحجمها صغير وماتحتاج مساحهـ كبيرهـ لكن لاااازم تحميها بالمضادات ومن عوامل الجو لأنها ضعيفهـ .. عيبها انها تاخذ وقت حتى تشوف الإنتاج تقريبا 6 _ 7 شهور + لاتستطيع التمييز بين الجنسين وهم صغار .


اللي بعدهـ هو البشائر ,, هذي سعرها مثل الدجاج البالغ اذا مو أغلى .. تكون أعمارها 4_ 5 شهور وستنتج قريبا بإذن اللهـ .. مميزاتها انها شبهـ دجاج بالغ وتستطيع تمييز الذكور والإناث منها ,, وتضمن انها تنتج لكـ ان شاء اللهـ .
عيبها انكـ لاتستطيع ان ترى مستواها بوضوح بسبب تبدل الريش والحجم وأعراض البلوغ الا اذا كنت تعرف مستوى الوالدين سابقا .


الدجاج البالغ واضح ولايوجد أي مشاكل في تمييز الجنس والمستوى ,, لكن لاتستطيع تمييز عمر الدجاجات بشكل جيد .. ممكن يعطيكـ البائع دجاج كبير بالعمر وانتهى انتاجهـ أو من المشاكل الأخرى .


هذي كلها المميزات والعيوب اختر منها مايناسبكـ في المساحهـ أو اذا عندكـ خبرهـ سابقهـ بتربية الدجاج .


الأسعار تعتمد هل راح تشتري من مربين خاصين لهالأنواع أم من السوق ؟؟


اسعار المربين أعلى لكن بإذن اللهـ هم أفضل لأنهم غالبا يحصنون دجاجهم ويعطوهم الشعير الخاص بالإنتاج ,,


أعتقد ان اغلى الأنواع اللي ذكرتها سعرا هو القطني والسبرايت والفارسي (( البلوشي )) .


بعدها البراهما والبولندي والمسحب والفارسي القزم .


عفوا وش هذا النوع الكورك ؟؟ عندكـ صورهـ لهـ ؟؟ لأن المسميات كثيرهـ وممكن يقصد بها نوع آخر . :confused:


اذا تقصد كوري فهو مو غالي جدا .. تقريبا الجوز 150 أو على حسب لونهـ وحجمهـ . :rolleyes:


اذا تبي أرقام بعض المربيين اللي أعرفهم وتسألهم بنفسكـ وانت موجود بالرياض بلغني هنا حتى ارسلها لكـ مع عينهـ من دجاجهم :) (( طبعا مستوى دجاجهم رائع ماشاء اللهـ ))


ونصيحهـ لكـ أخي حدد هدفكـ بالضبط وارسم في بالكـ مخطط واضح لوجهتكـ حتى ماتصير في ورطهـ لاحقا ..


لأن رعاية البيض والفراخ والدجاج مختلفهـ عن بعضها والأفضل ان تبدأ بأفضل نوع تعرف تتعامل معهـ .


لاتعتمد على غلاء النوع فقط وأسعارها .. لو تبدا بنوع واحد وتركز عليهـ وتتعلم طريقة رعايتهـ أفضل لكـ كبدايهـ .


ايضا معروف ان دجاج الزينهـ أقل مناعهـ من الدجاج البلدي وأقل رجن لذا يتطلب أهتمام أكثر .. ;)


هذي نصيحهـ لكـ من أخت ترغب بمصلحتكـ يمكنكـ أخذها أو تركها .


أي سؤال آخر تفضل أخي بطرحهـ .

[ابومحمد@]

شكرا على الرد الجميل
الأسعار تعتمد هل راح تشتري من مربين خاصين لهالأنواع أم من السوق ؟؟
بشتري من مربي لكن ان شفة النتاجه الصوص مونضيف لان المساحه صغيره والارضيه للمحاكر ليست رمل ولانشاره
لكن المربي لااعرفه من حيث الامانه والله حسيبه
ولكن ارسل ارقام المربين وعينهـ من دجاجهم على الخاص وشكر

[صمت الأمل]

شكرا على الرد الجميل
الأسعار تعتمد هل راح تشتري من مربين خاصين لهالأنواع أم من السوق ؟؟
بشتري من مربي لكن ان شفة النتاجه الصوص مونضيف لان المساحه صغيره والارضيه للمحاكر ليست رمل ولانشاره
لكن المربي لااعرفه من حيث الامانه والله حسيبه
ولكن ارسل ارقام المربين وعينهـ من دجاجهم على الخاص وشكر


خلاص دقائق بس وأرسل لكـ لأني لازم أرفع الصور . :)