ضروري البغبغاء مريض

[ذيب قطر]

السلام عليكم

البغبغاء كل يوم الفجر يصفر اما من يومين الطير ساكت وقاعد وما يصفر قلت عادي اليوم الثاني نفس الشيء واليوم الثالث رحت اشوف الطير ولا احصل تحت منقارة كورة كبيرة قلت يمك انفلونزا الطيور فعشان هشكل الحين محد يقرب من الطير

ولي يعرف يقولي شسوي
واسمحولي اني طولت

[كاسكو البحرين]

اخوي اولاً يكون في علمك لو لا سمح الله كان طيرك فيه فلونز الطيور ما راح يعيش حتى لحظه وبكون موت الطير (دايركت) وهذا اللي في طيرك يحصل مع الكاسكو نظراً لضعف مناعته عن بقية الطيور وانت ما ذكرت إسم طيرك بس انا اتوقع ان الأفريقي الرمادي ، وهذه عباره عن غده تظهر بسبب تغير الجو او تعرضه الى الهواء القوي (تيار)
مكان الغده

http://www.9q9q.org/index.php?image=TdjZ3YZXWKmia1

روح البيطري بيعطيك (مرهم) لونه أخضر تدهن الطير قبل النوم (يعني وقت الليل)+مضاد حيوي تخليه مع إناء الماء وبنص ملعقه وبماء حلو ويكون تبدل الإناء كل يوم لحد نفاذ الكمية او لفترة اسبوعين .

النصائح المطلوبة منك :
-لاتحاول تغير الجو على الطير من الجو البارد الى الجو الحار مره واحده
-هذه الغده ان لم يتم معالجتها بالبرهم سيكون لها جراحه خفيفه بواسطة البيطري لستأصالها (نزعها)
-سيكون معرض لقلة الأكل بسبب مضايقة الغده حاول تشتري فيتامينات مع الماء عوضاً من الأكل والأفضل مراقبة أكل الطير اذا ما ياكل خذ فيتامينات واذا أكله جيد فلا داعي
-عرض القفص الى التدفئه الجيده اذا مو متوفر (لمبى) حرارة غط القفص بغطاء مناسب وجيد التهوية
-لاتفكر انك تحمي الطير(تسبحه)في هذا الوقت

ملاحظة: عدم تغريد الطير هذا شي طبيعي لأنه الغده تضايق القصبه الهوائية مثل ماتعرف الكاسكو لايملك أحبال صوتية

عموماً لا تتأخر بزيارة الطبيب (البيطري) تدارك الأمر

بالتوفيق

[بحراني]

اخوي ذيب قطر , اسمع كلام كاسكو البحرين
وعجل بروحتك للبيطري
وخطاك السوء