استفسار عن مشكلة التنفس !

[مجرد زائر-]

السلام عليكم

الموضوع واضح من عنوانه .. حطيت امس موضوع عن بيطري فلم يجب احد !!
فقررت استكشف واحل المشكله بنفسي .. عندي ببغاء نوع كاسكو نزلت من فتره صوره ، لاحظت عليه اثناء التنفس يطلع صوت ازيز والببغاء جدا خامل ما يلعب ولا يتكلم واكله قليل
قررت اروشه لاكن خفت يتعب اكثر .. عطوني حل او علاج اشتريه من اي مكان
او احد حصلت له نفس مشكلتي يلحقني لان احس نهاية قربت :(*

[eaglesa38]

عليكم السلام
يجب تعطيه مضاد حيوي للجهاز التنفسي
الطير عنده زكام وبسرعة وديه للبيطري
ويجب ان تغره من شان لا يموت
سوي له خلطة من ذرة وبازاليا خضراء مثلجين بالاضافة الى بسكوت الشاهي
حطهم بالخلاط وشيف عليهم شوي ماء من شان يصير المزيج مثل الروب وغره بابرة الغر

اعطيه كل اربع ساعات مقدار 10 مل من الخلطة
واشتري له مع المضاد الحيوي فيتامينا تضاف الى الماء


تحياتي

[مجرد زائر-]

طيب الذره والبازيلا والبسكويت كيف اعطيه مو راضي امسكه !!
عادي امسكه بفوطه واعطيه غصب ولا لا :(

[صوغة]

الله يشافيه

اي عادي امسكه وغره

بس لازم علاج طبي للجهاز التنفسي قبل لا يستفحل الامر

وانتبه تروشه اتزيد الطين بله

حافظ عليه بمكان دافي

اذا مدينتك مافيها بيطري اشتري علاج التايلان

هنا صورته وكيفية استخدامه
http://www.2zoo.com/vb/showthread.php?t=228093


والله ما احب انصح بأي علاج طبي دون فحص البيطري بس شكلك مو لاقي بيطري لذلك أسعف طائرك بهذا العلاج

والله يشافيه

[مجرد زائر-]

eaglesa38 جزاك الله خير طبقت اللي قلته وانتظر النتائج

اختي صوغه جزاك الله خير شريت اللي قلتي لي عنه تايلان وحطيت نص ملي وانتظر النتائج

عفواً على السؤال بس التايلان لمدة ٥ ايام ولا ٧ ايام ؟! *

[شاقي]

اخوي لمدة 5 ايام كــل 12 ســأعه

والله يشفي طيرك وطيورنا

[مجرد زائر-]

اخوي لمدة 5 ايام كــل 12 ســأعه

والله يشفي طيرك وطيورنا

انشاءالله

جزاك الله خير

[صوغة]

أجابك الاخ شاقي

بس تأكد أنه فعلا يشرب

حتى يكون للعلاج مفعول

[fawzi]

الله يشفي طيرك ان شاء الله والاخوان ماقصرو معاك

[ابوغزل]

مشالله

افادوك الاخوان جزاهم ربي الخير

وعفوا ما شفنا موضوعك امس واي استفسار اخوي احنا بخدمتك


تقبل مروري ابو غزل

حبتيييييييييييييييييييييييييييييييييين

:88:

[مجرد زائر-]

الله يجزاكم الف خير

بس حبيت أستفسر عن بعض الأشياء

عطيته تايلان وهذاني باليوم الثاني وبقى 3 ايام وبيني وبينكم .. اليوم اكتشفت فيه إكتشاف جديد بروز عظمة الصدر وطبعاً يدل على وجود ديدان :(

ومشكلة التوازن عنده والضعف بالحركه بدت توضح :(

كثرت مشاكله فقررت إن شاءالله اوديه للرياض لواحة الحيوان ..
إستفسار بسيط :

تنصحوني أوديه لواحة الحيوان ؟ واذا وديته عندهم فحص شامل وتحليل وإلخ ؟
وبما إن عظمة الصدر بارزه ما ادري اوقف تايلان وأعالج الديدان او ادمجهم ؟

وشكراً مقدماً ..

[شاقي]

اخوي مجرد زائر المشربيه الوحده فيها جزاين صح

حط بس في جز اوحد مويه وحط العلاج عشان الطير يشرب وانا جربها والطير الحمد لله تعافى ولله الحمد

[ابوغزل]

اخوي اذا العظمه بارزه قد يكون مرضه الاساسي مقلل من شهيه الطير وبالتلي ما ياكل

وقد يكون انه الطير اصلا مصاب بالاسهال وانت ما انتبهت له وبالحاله هاذي تحتاج الباي تريل اضافه للتايلان


انا انصحك توديه بيطري يشوف ايش وضعه بالظبط


تقبل مروري ابو غزل

حبتييييييييييييييييييييييييييييييييييييين

:88:

[مجرد زائر-]

اخوي ابو غزل

كان معه اسهال وتعالج بفضل الله ما اشوف عليه شي سليم من ناحية الإسهال

بس يمكن صح كلامك بروز عظمة الصدر هي المؤدية لتقليل الشهية !

طيب وش الحل ؟


أخوي شاقي
معليش ما فهمت اعطيه تايلان وعلاج الديدان مع بعض واذا على المشربيه مافيه إلا جزء واحد بس ؟ مافيه ثاني :(

اللهم شافه وعافه يارب إدعوا له :(

[ابوغزل]

الحل اخوي انه تعطي طيرك فيتامينات تدعم صحته وكثر له من الشمسي والفول السوداني لانها فيها كميه كبيرة من البروتين الازم لبناء جسم الطير


تقبل مروري ابو غزل


حبتييييييييييييييييييييييييييييييييييييييييييييييييين

:88:

[مجرد زائر-]

أبو غزل الله يعطيك العافيه ما تقصر

أجل بنزل هالحين أعطيه كل اللي في الثلاجه من صفار البيض لـ الطماط :)

[ابوغزل]

ههههههههههههههههههه بس لا تكثر ربي يجزاك الخير

:88:

[مجرد زائر-]

الله يجزاكم الف خير


تنصحوني أوديه لواحة الحيوان ؟ واذا وديته عندهم فحص شامل وتحليل وإلخ ؟
وبما إن عظمة الصدر بارزه ما ادري اوقف تايلان وأعالج الديدان او ادمجهم ؟

وشكراً مقدماً ..

بالإنتظار :rolleyes:

[بووسلطان]

طيري مثل حال طيرك اكيد طيرك فرخ الفروخ دائما تشوفهم بالسوق نشيطين بس يتغير عليهم المكان يومين وتبدا الامراض فيهم وانت وحظك انا الحين طيري حالته مثل حالة طيرك واردى شوي حطيت له كل شئ وماودي احطمك طيري كل يوم اردى من اللي قبله وشكل اليوم ان شاءالله بوديه البيطري يعطيه ابرة لانه خامل مرة ولايقدر يوقف على العصى وبطنه ضعيف مرة ويطلع صوت في تنفسه وهذي المشاكل اللي تموت الطير في الغالب والله يكون بعونك وعوني

[مجرد زائر-]

طيري مثل حال طيرك اكيد طيرك فرخ الفروخ دائما تشوفهم بالسوق نشيطين بس يتغير عليهم المكان يومين وتبدا الامراض فيهم وانت وحظك انا الحين طيري حالته مثل حالة طيرك واردى شوي حطيت له كل شئ وماودي احطمك طيري كل يوم اردى من اللي قبله وشكل اليوم ان شاءالله بوديه البيطري يعطيه ابرة لانه خامل مرة ولايقدر يوقف على العصى وبطنه ضعيف مرة ويطلع صوت في تنفسه وهذي المشاكل اللي تموت الطير في الغالب والله يكون بعونك وعوني

اول شيء طيري مو فرخ عمره بحدود السنه وخمس شهور

ثاني شيء اذكر الله ولا تفاول على طيري ضيقت صدري :(

بقى له يوم من علاجه تايلان وببدا بعلاج الدود اللي فيه .. بديت اعطيه صفار البيض وتفاح وياكل وان شاء الله مع العلاج والأكل يطيب << يواسي نفسه :(

[صوغة]

انصحك تروح لبيطري يتعامل مع المختبرات لتحليل أعزك الله فضلات الطير ويعطيك علاج سريع اذا فيه دود

لانه علاج الدود السريع حبة يدفها البيطري ببطن الببغاء ووراها قطرتين فيتامين وثاني يوم حبة ثانيه بعد يدفها الطبيب ليمن معدته وتتكرر بعد اسبوعين

هذا اسرع علاج اذافعلا فيه دود وبعد العلاج بنفس اليوم بتلاحظ اسهال بني اعزك الله لاتخاف هذا طرد الدود من المعدة

وبعد مايتشافى ان شاءالله من كل شي

تبدأ تعطيه وقائي من الدود

والله يشافيه

[مجرد زائر-]

انصحك تروح لبيطري يتعامل مع المختبرات لتحليل أعزك الله فضلات الطير ويعطيك علاج سريع اذا فيه دود

لانه علاج الدود السريع حبة يدفها البيطري ببطن الببغاء ووراها قطرتين فيتامين وثاني يوم حبة ثانيه بعد يدفها الطبيب ليمن معدته وتتكرر بعد اسبوعين

هذا اسرع علاج اذافعلا فيه دود وبعد العلاج بنفس اليوم بتلاحظ اسهال بني اعزك الله لاتخاف هذا طرد الدود من المعدة

وبعد مايتشافى ان شاءالله من كل شي

تبدأ تعطيه وقائي من الدود

والله يشافيه

شكراً لك ما قصرتي :o

فيه امكانيه اشتري العلاج من الصيدليه وابدأ فيه :(

ولا لازم بيطري يحلل له ؟!

[صوغة]

الطبيب أفضل

لانه بتضمن دخول الحبة للمعدة عن طريق ملقط خاص يستخدمه الطبيب

وثانيا عشان المختبر بيحلل نسبة تواجد الدود بالمعدة وعلى أساسها يقرر الطبيب مدة ومقدار العلاج

وثالثا علاج ليومين مضمون على يد الطبيب أفضل من علاج اسبوع على يدك وماتدري شرب من العلاج أو لا

بعد الشفاء ان شاءالله انت بنفسك سوي له كورس علاجات ورعايه

هذا الرابط راح يفيدك وايد

http://www.2zoo.com/vb/showthread.php?t=228093