هل للجيرمن رائحه ؟؟ كريهه نوعا ما

[m6n65]

السلام عليكم ورحمة الله وبركاته اخواني كيف حالكم طيبين

كل عام وانتم بخير

اخواني انا شريت جيرمن لاكن للجيرمن رائحه كريهه في شعره او في معطفه زي ماتقولون


اانا حممته يومين ورى بعض لاكن كل ماحرك شعره والمسه الاقي ريحة تخرج غريبة

وكم واحد قال هذا الشيء طبيعي :confused:

انتظر ردودكم اخواني

[Abo_fahed]

وعليكمـ السلامـ ورحمهـ الله وبركاتهـ

اخوي الغالي

الرائحة الي تشمها اذا كانت .:

1 - بعد التحميم مباشرة ( أي دون لعب وبذل مجهود ) »» فيمكن سببها القراد لانه يسبب رائحة كريهة للمعطف

2 - بعد اللعب / التعرض للشمس مدة »» فهذا شي طبيعي جدآ

وبإمكانك استخدام بخاخات لتعطير المعطف

موجود بالمحلات المتخصصة في بيع ادوات الكلاب

وحاول تشتري شي ذو جودة عالية

عشان مايأثر على معطف الكلب وينشفه


----

اانا حممته يومين ورى بعض

يالغالي

الجيرمن خااصة يحمم بالكثير مرتين في الشهر

أي مرة كل اسبوعين

لإحتواء معطفه على طبقة زيتية

والتحميم المتكرر »» قدم يفقد المعطف هذه الطبقة

وأرجوا منك استخدام شامبو خااص »» للكلاب

[m6n65]

ابو فهد الكلب محبوس مافي اي حركة والتكييف شغال بس الريحة استفزازية

[Abo_fahed]

افحص جلده هل فيه قراد او حشرات

واذا فيه عالجه باقرب وقت

واشتر له بخاخ معطر للريحة

[m6n65]

ابجرب وارد لك بكرة

[Abo_fahed]

بانتظارك على خير

وماكو الا الخير

لاتحاتي

واهتمامك واضح للكلب

هذا شي يعجبني فيك

[azooz-gz]

والله ابو فهد انتا مللللللللللللللللللللللللللللللللك

[RED~MOON]

متاكد انها من الشعر ؟ او ممكن تكون فى الغدد الشرجية ممكن تكون ملتهبه واتمليت
هي السبب في الريحه اغلب الحالات فتروح عند اقرب دكتور ويفضيلك الغدد الشرجية

[Musab Pro]

ابو فهد الكلب محبوس مافي اي حركة والتكييف شغال بس الريحة استفزازية

فيه شي ظروري غير التكييف ..

هل فيه مروحة شفط ؟؟

التكييف يعيد تدوير الهوا و ضروري جدا جدا جدا .. انك تحط شفاطه .

والجزء الثاني المهم .. هل هو يقظي حاجته في بيته ؟

اذا كانت الاجابه نعم فهذا السبب ( اذا عرف السبب بطل العجب !)

تأكد من هذا الشي .. خصوصا التبول تراه مشكله .

تقبل مروري .

[الهولي]

وعليكم السلام
صحيح كلام اخوي بوفهد واخوي مصعب ماشاالله عليهم اتفق معاهم حرف حرف
ولاننسا ان الكلب يفتق الغدد العرقيه في كثير من جسمه
خذو مثال وببلاش ههههه
المنشفه أو البطانيه المبلوله اذا تركتها في مكان مغلق بعد يوم او يومين تخرج رائحه جدآ كريه ولو غسلناها ورجعناها الي الغرفه نفس الشي الرائحه موجوده وعلى هل موال
هاااااااااااااااااااااا اكيد فهمتو قصدي
الي بوصله ياحلوين لازم ترويش الكلب بطريقه الصحيحه في موضوع كيف ترويش الكلب
لازم اخراج السعر الميت والتمشيط قبل ومع وبعد الترويش
والاهم من ذالك التجفيف والشمس الشمس الشمس
اذا تأكدنا تجفيف الكلب ميه ميه لازم التشميس ميه ميه
انا اسف على الايطاله وتقبلو مروري