باركولي اشتريت قط جديد ونصائح منكم واستفساراتي لكم اتمنى المساعده

[muhannad2]

مرحبا
تتذكرون القط الي خبرتكم عنه انه عقيم وعمره سنتين قررت ابيعه لان صابني احباط:( و دايما راقد ومايلعب
قررت اشتري قطه جديده

:12:اشتريت انثى تركيه عيونها بلونين مختلفتين وحده لونها ازرق ووحده اصفر وعمرها 10 شهور

والقطه لونها ابيض وكيوت

المهم عندي مشاكل معاها


خايفه ومو متأقلمه مع الكل بس معاي مو مشكله
ماتاكل كثير وماتحب الويت فود مع اني مضطر اعطيها الويت فود لان الدكتور عطاني فيتامينات لها واحطيها مع الاكل علشان تساقط الشعر كيف اخليها تاكل الويت فود وامس خذيتها للبيطري عطاها تطعيم الثلاثي وسعار الكلاب وتطعيم الديدان ولما رجعتها البيت كانت حرارتها مرتفعه وكسوله وشهيتها زيرو
وايضا تمر بفترة الشبق لما المس ظهرها ترفع ذيلها وتعمل وضعية التزاوج لكن متى تنصحونني اجعلها تحمل ؟
ومن اي نوع بالضبط اخليها تحمل منه الشيرازي ولا نفس النوعيه؟
وكيف اخليها تاكل الويت فود ؟
وهل ارتفاع الحراره طبيعي بعد التطعيم؟



المهم بغيت نصائح مفيده منكم وان شاء الله لما اكتسب خبره اكثر راح اكتب لكم تجاربي
لكني مبتدء في المجال اتمنى مساعدتي وساكون شاكر لكم

[muhannad2]

اهلا اخوي القط مش عايش عندي كثير غير اسبوع وشوي بس انا اهتميت فيه كثير وعالجته من امراض وعملت له تطعيم غير لما كان عند صاحبه وبعدين بعته
بس انا اريد قطه اقدر اشوف منها اعيالها واربيهم لاني احب هالشي
واحب القطط الزياده
اتمنى تفهمت علي

[فاتـــو]

مبرووووووووووووووووووووووووووك والله يخليها لك
لو تزوجها من نفس نوعها يكون احسن يعني بيطلعون اطفالها نفس نوعها
وبالنسبه للوايت فود فيه قطط ماتحبه وانت مايصير تغصبها على الاكل اللي ماتحبه
يعني عطها اي نوع اكله ثانيه وحط فيها الفيتامينات اللي قال لك عليها الدكتور
وبالنسبه الى انها مو متعوده على احد فهذا شي طبيعي لقطه جديده بالمنزل
انت خليها تستكشف البيت والافراد اللي فيه على راحتها
وانا اللي اعرفه عن تطعيم الديدان انه له اعراض جانبيه سيئه اعتقد من ضمنها ارتفاع درجه الحراره

[دلوعةقطوتي]

الف مبروك عالقطوطه

خايفه ومو متأقلمه مع الكل بس معاي مو مشكله
ماتاكل كثير وماتحب الويت فود مع اني مضطر اعطيها الويت فود لان الدكتور عطاني فيتامينات لها واحطيها مع الاكل علشان تساقط الشعر كيف اخليها تاكل الويت فود وامس خذيتها للبيطري عطاها تطعيم الثلاثي وسعار الكلاب وتطعيم الديدان ولما رجعتها البيت كانت حرارتها مرتفعه وكسوله وشهيتها زيرو
وايضا تمر بفترة الشبق لما المس ظهرها ترفع ذيلها وتعمل وضعية التزاوج لكن متى تنصحونني اجعلها تحمل ؟
بالنسبه للخوف وعدم التأقلم شي طبيعي لانها جديده دايما تكلم معاها بصوت هاديء ولاتمسكها بالغصب وتعامل معاها حنان هي بتجيك من نفسها
بالنسبه للحمل عمرها كويس اهم شي انها ماتكون اقل من 9 شهور والافضل التزاوج بعمر السنه
ومن اي نوع بالضبط اخليها تحمل منه الشيرازي ولا نفس النوعيه؟
خليك على نفس النوع لو مو حاب التهجين
وكيف اخليها تاكل الويت فود ؟
لو تبي رايي ابعد عن الويت فود كله مواد حافظه وبلاوي اعطيها منه بالاسبوع مره واعتمد هعلى اكل البيت افضل وصحي اكثر
ممكن تعطيها دراي فوود
وعلى فكره لو لسه جديده ماراح تاكل او لو مو متعوده على نوع الاكل اخلط لها دايما الشي اللي تحب مع اللي ماتحب بكميه بسيطه وزيده تدريجيا
جرب اكلات كثيره دجاج زبادي اجبان لبنه خبز الخ
وهل ارتفاع الحراره طبيعي بعد التطعيم؟
ايوه طبيعي بتجلس كم يوم خامله وشهيتها ضعيفه

[muhannad2]

مشكوورين فاتو ودلوعة قطوتي على ردودكم
نصايحكم مفيده
فعلا انها تعبانه وشهيتها ضعيفه التطعيم مأثر على نشاطها وخلاها 24 ساعه نايمه
ان شاء الله ترجع عافيتها