كـآسكـو . . ندـآء للخ'ـبراء . .

[شيخـة آلوفـآ]

السلـآآم عليكم ورحمة الله . .

بدـآآية اشكر جميـع منتسبي المنتدى
من اعضاء ومشرفين ع الموـآآضيع الحلـوه واللي صدق استفدت منها . . :88:





الموهيــم .. :88:


قبل شهريـن اشتريـت كاسكو . . ع قولـة الهندي ف المحـل خبر اخويـه انه عمره سنة وشي تقريبا


ومن كثر الموـآضيع اللي اقراها عن اعمار الكاسكو عن طريق العين ادهدهت ماعرفت اذا هذا صدق عمره سنة وشي او اكثر . .


لـآن عينه صفرـآ . . احسـه عمره فوق السنتين بس مادري عاد . . :confused:

انا صورتـه عسبت تحكمون هذا كم عمره بالضبط . . :D



http://im9.gulfup.com/2011-09-01/1314870667743.jpg (http://www.gulfup.com/)



http://im9.gulfup.com/2011-09-01/131487066712.jpg (http://www.gulfup.com/)



http://im9.gulfup.com/2011-09-01/1314870667561.jpg (http://www.gulfup.com/)



وثـآآنيـآ . .

الحبيب اللي عندي ماياكل غير الحب الشمسي ويموت ع البيدام . .

حاولت اعطيه فواكـه بس ماشي فاايده يعضه ويفره . .

ومرـآت اليهال يعطونـه شيبس وبسكوت ياكل النص وآخر شي يفره . .



وخوـآآآآآآآآآف لدرجه فظيييعه وـآآآيد يخاف من اخواني الكبار اذا قربوا من صوبـه . .
واذا كنت حاطتنه ع الستاند او اي مكان . . اذا سمـع اي صوت ينقز من مكانه :confused:



وشكله يوم كان عند الهندي . . حذالـه انواع كثيرة من الطيور . .
ههههههههه لـآن الحينه من شهر بدا كله يصفر ويقلد اصوات طيور غريبة وعجيبة . .

بس متى برمس الحبيب مادري :64:





واسمحولــي ع القرقرة :p وان شاء الله احصـل ردودة طيبـة ع اسئلتي . .

[احمد اباالخيل]

عمره فوق السنتين اذا ماخاب ظني :rolleyes:

والسؤال الثاني

خليه عندكم فالصاله على مستوى راس أطول واحد فيكم :) :12:

عشان يحس بالامان :freind:

ولاتخلينه بغرفة لحاله عشان ما يصير انطوائي :freind:

[امل المدينة]

عمر ببغائك كبير سنتين او اكثر لان عينه صفراء تدل على ذلك

[شيخـة آلوفـآ]

مشكورين ع الردود ..

يعني كلامي صح فوق السنتين :rolleyes:




والكاسكو كنت بداية اخليه ف الصاله ف مكان مرتفع لين ماتأقلم عليه

والحينه عندي عادي مايخاف ومايخاف من اليهال ياكل من ايدي ومن ايد اليهال

بس اذا اخواني قربوا منه واايد يخاف ويجعر مع انه عندي واليهال موليه مايجعر

شواسوي فيه عسبت مايخاف من الكل مع انه مرات ياكل من ايدهم بس بعد يجعر ويخاف

[احمد اباالخيل]

اذا كانوا لابسين شمغ خليهم يفصخون الشماغ

عشان ما يخاف منهم

[شيخـة آلوفـآ]

ب قنادير جلابية سبورت ف كل الحالات ههههههه والله ماعرفت شوسالفته وياهم

[احمد اباالخيل]

اجل يمكن لاعبين فيه او مسوين له حاجة خلته يكرههم هههههههه

ترا الكاسكو اذا أخذ موقف من الشخص اللي قدامه يصير ما يطيقه

[شيخـة آلوفـآ]

امممم احيدهم بدايه شوي كانوا مطفررين منه مادريبهم يمكن مسوين به شي وانا مادري هههههههه


المهم مشكور الشيخ ع الردود ماقصرت ^^

[احمد اباالخيل]

العفو

حنا فالخدمة دايماً

[تشآرلي]

اولا

مبروك الطير وكل عام وانتي بخيــــرر

ثانيآ

مثل ماذكرو الاخوان عمره يتجاوز السنتين

ومن ناحية الخوف ( كان عندي واحد مثل الي عندك يخاف بسرعه ولو احد فتح الباب يخاف بشكل فضيع )

لكن مع مرور الوقت تأقلم وصار مايخاف لكن لاحد يطق الشبك حق القفص لانه يزيد من رعبه ويكره احد يقرب منه ،

وحاولو قدر الامكان لاحد يقرب منه للقفص بكثره في الايام الاولي الين يحس بالامان الكامل
ومن ناحية الكلام ،، ماراح يتكلم من نفسه

الا لازم احد يلقنه الكلام وطبعا يفضل انه انتي

مثلا تاخذينه بزياره لغرفتك ومايكون فيها احد الا انتي وهوا

واول يوم قولي له كلمه صغيره او اسمه الي ناويه تسميه فيه

وكرري الكلمه اكثر من 8 مرات وانتظري ربع ساعه وكرري الاسم مره اخرى

وانتي تلقينه الكلام لازم تكوني صوبه وعيونك اتجاهه

بعدها ان شاء الله راح يتكلم بنفس الكلمه

والفتره ان شاء الله خلال 3 او 4 ايام فقط وبعدها بيتكلم

(( كل كلامي الي سبق من تجربتي ))

[شيخـة آلوفـآ]

مشكور اخوي هاوي ع ردك الطيب


امممم يعني هالكاسكو كم يباله لين مايتعلم انه يتكلم ؟ اللي اعرفه اذا كبير صعب انه يتكلم بسرعة

لان الصراحه افكر ابيعه وآخذلي فرخ