اليلوكراون مات و شرينا هولندي(للخبراء و المحترفين فقط)

[Magican]

كل عامو انتم بخير مات فرخ اليلوكراون بالسالمونيلا بعد علاج اكثر من اسبوعين هاذا ما قاله الدكتور يوم وديتله الطير ينازع و مات و في نفس اليوم اخذت هولندي كاسكو سوبر جامبو حجل راس طير لون ذهبي عمره تفريبا 6 شهور و ابي مشورتكم

1)كيف احمي الطير من الامراض خاصه ان الشباب خوفوني و قالو ان الهولندي يمرض و ما يكمل اسبوع.

2) هل مزرعه راس الطير انتاجها جيد و وين مكانها و معلوماتها و هل هالمزرعه تعتني بالفروخ و تطعمها ضد الامراض.

3) هل احط الطير في الصاله و المكيف شغال و مضبطه علي درجه 25 و مو في وجه المكيف ولا اخطه بدون مكيف بس الجو حار و كلكم تعرفون كيف تصير حراره الغرفه اذا طفينا المكيف في الرياض

الفزعه يالخبراء

[Magican]

وينكم يا اخوان

[شاقي]

الله عوضك ياغالي

والهولندي نعم مناعة ضعيفه ولكن اخوي شوف اشتري مضاد حيوي شامل تعطي الطير لمدة 5 ايام عشان لو كان فيه مرض او شي لا سمح الله يروح لو يكون علاج التايلان عندك يكون افضل

بنسبه للمكيف شوف انا افضل انك تبعده عنه حطه في غرفه فيها مروحه هذي طريقتي في التكيف << :)

ما افتيلك في الحجل ان شاء الله يفيدونك الشباب

|| ودي ||

[Magican]

لكن الطير دايما يبي يكون في وسط العاذله مو غرفه لحاله

[مـحـمـاس الـمـنـحـاس]

الله يعوضك عن اليلوكراون
ويبارك لك فالهولندي

اخوي صحيح وشي كلنا نتفق عليه ان الهولنديات مناعتها ضعيفه
وانها غالبا ماتطول عند اللي شاريها
لكن كل شي بيد الله سبحانه وتعالي

اقترح عليك تروح لبيطري مختص ومايكون اي بيطري وتفهمه انك تبي تبدا معه كورسات دوريه للمضادات الحيويه
يعني تبدا من الان ويصير عندك كورس كل شهر او كل شهرين بالكثير

لا تقول لي ان الطير نشيط وصحته تمام مايحتاج الحين ولا خلها بكره وكذا
ياصاحبي اغلب الهولنديات تكون حامله للفايرس ولا يبين عليها
واصلا كل الببغاوات تقاوم الفايروسات ولا توضح عليها انها مريضه الا في مراحل متقدمه مرره ووقتها ماينفع الندم
(راح ارشح لك طبيب بيطري عالخاص من افضل الاطباء فالرياض)

اما سؤالك عن مزرعه راس الطير وانها جيده وتطعم الفروخ
اخوي مزرعه راس الطير مزرعه مثل كل المزارع لكن يميزها شهرتها
وللمعلوميه انا مرت علي اكثر من 3 اشكال لرسمه رأس الطير بعضها محدده اطراف الرسمه وبعضها محفوره كامله وغيرها
يعني فيه تقليد كثير ولو تبي حجول عليها رسمه راس الطير نفس المزرعه موجوده فالسوق
يعني لاتعتمد على اسم المزرعه وشهرتها ولو انها تطعم الفروخ ضد الامراض زي ماتكرمت كان ما ماتت الطيور عن خلق الله
ارجع واقول ابدء مع طيرك كورسات المضادات ولا تعتمد على صحته الحاليه او على كلام الناس عن المزرعه
(درهم وقايه خير من قنطار علاج)

وبالنسبه لسؤالك الثالث
الطير خله في المكان اللي تستطيع انت تحمل الجلوس فيه
يعني الصاله اتوقع مناسبه ان شاء الله الا طبعاا وقت نوم الطير لأنه يحتاج على الاقل الى8ساعات نوم مريحه
واقصد بمريحه يعني بدون انوار ولا ازعاج تلفزيون او ازعاج اشخاص حتى
واهم نقطه اهم نقطه اهم نقطه
ابعد الطير كل البعد عن تيارات الهواء المباشره (سواء حار او بارد او حتى معتدل) لايكون في مواجهه تيار هوائي حتى لو من مروحه
وانتبه للطير من تغيرات الاجواء المفاجئه
يعني مو تطلع الطير مثلااا يتشمس وبعدها على طول تدخله عن المكيف او العكس
لا يحس الطير بحر مفاجيء بعد بروده او برد مفاجيء بعد حر يعني حاول تتدرج في الموضوع
مثلا لو كنت تبغا تطلع الطير للشمس طبعاا الشمس مايكون الظهر يا اما في الصبااااح الباكر او قبيل المغرب
المهم لو بتطلع الطير الافضل اولا تطفي المكيف اللي في الغرفه اللي فيها الطير وتتركه في نفس المكان بدون مكيف على الاقل نص ساعه قبل تطلعه عشان تتدرج الاجواء من باارد الى معتدل الى حار


واسف على الاطاله

[fawzi]

هلا اخوي الله يعوض عليك بالف خير على الطير الي مات قدر الله وماشاء و افادك الاخ محماس المنحاس وعندي اضافه بالنسبه الي البغبغاوات المنتجه في الخارج الي يطلق عليها اسم الهولندي في الاساس هو افريقي لاكن تم انتاجه في مزارع محميه المشكله ان البغبغاوات المنتجه في المحميات تكون مناعتها ضعيفه لعده اسباب ومن ضمن تلك الاسباب طريقه التغذيه وطريقه انتاج الفروخ وعدم تعرضها الي الشمس لفترات وايضا الشيء المهم طريقه شحن الطيور تكون مخلوطه اي بعض الطيور تكون مصابه بمرض معين ومعدي لذلك تتعرض الطيور وخاصه الصغيره بالمرض والعدوى عن طريق الشحن وتنقل الطيور من منطقه الي اخرى ومعروف عن الافريقي انه حساس واذا تعرض الي اي عدوى ومرض قد لايلاحظ عليه لان الافريقي من البغبغاوات التي تخفي مرضها لفترات قد تصل الي شهور واذا سيطر عليها المرض يكون قد فات الاوان .

[Magican]

مشكورين يا شباب و في انتضار اسم الدكتور علي الخاص

[الكاكي]

هذا الربط يفيدك
http://www.2zoo.com/vb/showthread.php?t=234517

[Magican]

وين الردود

[Magican]

للرفع

[مـحـمـاس الـمـنـحـاس]

تم الارسال على الخاص
واسأل الله ان ينفع به

[Magican]

امس رحت للدكتور و عطاني علبه دوا د سوري اسمه سلفامايسين فيها ٢٠ حبه و قالي كل يوم احط حبه في نصف مشربيه الطير لمده خمسه ايام ( الحبه لما احطها في المويه تفور زي الفوار و تذوب بسرعه و ما تعطي اي بون في المويه)
تركيبه الدواء:
نيومايسين ١٠ ملغ
سلفانيلاميد ١٠ملغ
فيتامين ب١
فيتامين ب٦
فيتامين ب١٢
باراسيتامول ١٠٠ ملغ

مضاد التهابات و اسهالات (للوقايه و معالجه التهابات المسببه من كافه الجراثيم سلبيه و ايجابيه الغرام و العصيات في المعاء التي تسبب الاسهال عند الببغادات و كافه الطيور)
هذا الي مكتوب علي العلبه

وش رايكم بهالدوا ارجو الافاده

ملاحظه الطير اخراجه احيانا قاسي و احيانا لين و النشاط و الحركه ١٠٠٪
نوع الاكل: خلطه ببغاء اسباني ماركه كي كي
ارجو الافاده

[mohanna]

اخي العززيز انا من مربي الهولنديي والحمد لله مامات عندي ولا هولندددي فووق ال7 طيور مربي انا انصحك
اول شي لاتكثرلة موووية واهتم في اكلة لانة فرخخ يعبية حوصلتة مووية ولا ياكل شيل عنة الموية وشربة الصبااح واخر الليل مرتين باليوم بس وحطلة بالمووية مر نبتة شعبية هي ممتازة مضاد حيوي طبيعي وفي حمص وذرة وبزاليا تنباع بالسووق تنقعها وياكلها الطيرر وحطله بيض مسلوووق والطيرر بيصير مثل الحصان وحطة في غرفة مافيها مكيف مافي مشكلة افضلة وشكراااا بس خلي بابها مفتوووح

[Magican]

مشكور اخوي و ما قصرت يعني ما اعطيه العلاج و ايش رايك في موضوع الاخراج اللبن المائي وانت بكرامه هل هو طبيعي

[Magican]

و بالنسبه للاكل الي الحظه انه ياكل بشكل جيد

[mohanna]

اخووي بالنسبة لاخراج اللبن المائي ممكن مرة ولا مرتين ويتغير اما اذا كان باستمرااار فهذاا خطيرررر في دووا يجيك ثلاث ضرووف عندي البيطرين الي جنب السووق منة مضاد ومنة فيتامين ومغذي ممتاز انا مجربة مع كذاا طير فيهن كان فية مثل ماتقوول اخراجة ابيض وسائل والي يكون كانس يعني كسلان فهوو ممتاز وسعرة 30 ريال الثلاثة مع بعض اشتريهن للوقاية او لعلاج وبتدعيلي مثل ماقلتلك الموية لاتكثرها للطير وحطلة مر اذا ماتعرف المرر وخلية يشرب شااي بدون سكر ولا ضافات موية مغلية وكيس لبتون ولا تاكلة خس اكلة بطاطا مسلوق مفيدة جدا وبيض مسلووق وذرة وبالنسبة للدوا السوري الي تقووول علية هو فووار ويجي له رائحة قووة انا ما انصح فية

[Magican]

ممكن اسم الدوا لو سمحت

[mohanna]

ممكن اسم الدوا لو سمحت
والله اسم الدوااا ناسية بس هوو معرووف يجي بودرة تنحط في الموية ضرووف 3 صغيرة قوول للصيدلي بيعرفة وشكرا

[Magican]

شكرا اخوي

[Magican]

جمعه مباركه علي الجميع

[Magican]

يا شباب اخراج الطائر مره جامد و مره لين و انا لليوم اعطيه الدوا الي عطاني الدكتود السلفا مايسين اليوم الحين الثالث و الببغاء ياكل مشكل بذور و فواكه اسباني هل يعتبر اخراجه مره لين (مائي) و مره جامد طبيعي ولا شلون

ملاحظه ما لقيت العلاج الي ذكره الاخ mohaana

[Magican]

up up