Abo_fahed ورفآقه تعالو ابيكم بكلمة رآس

[hilale 4ever]

:D

أخباركم شباب ان شاء الله بخير ؟


ندخل فالموضوع ;)

أنا كلبي بيوصلني بعد اسبوع ان شاء الله ( هدية )

ما أعرف نوعه

كل اللي اعرفه عنه انه كلب دلع وعمره شهرين وأسبوع تقريبًا :88:

نجي للمطلوب منكم الحين :cool:

اول شهر له فالبيت وش اسوي له


{ التدريبات؟ - البيت حقه من وش يتكون ؟ - الأكل وش يآكل ؟ - الطلعات اطلعه والا لا ...... الخ }


وأي شي غيرها ؛ّ

ابي باختصار وش اسوي له من الـ ( أ ) لـ (ي) خلال اول شهر :D

يآآليت محد يمر عالموضوع بدون ما يفيدني حتى لو بشيء بسيط ;)

[Octopus]

الكلاب تحب للمشي و بنسبة ل الاكل في مواضيع في الفهرس العام و كذلك الامر مال صنع البيت :)

و اتمنا منك ارفاق صور للكلب و تساتهل الهدية العيد :):)

و المهم ارحب بك و بكلبك الجديد :)

[Abo_fahed]

السلامـ عليكمـ ورحمهـ الله وبركاتهـ

احنا الحمدالله بخير عساكـ بخير يالغالي ..؟

--

أنا كلبي بيوصلني بعد اسبوع ان شاء الله ( هدية )

ما أعرف نوعه

يتربى بعزك ويوصل بالسلامه ان شالله

صوره ونزل الصور وبنفيدك بنوعه ان شالله

--

كل اللي اعرفه عنه انه كلب دلع وعمره شهرين وأسبوع تقريبًا

اهم شي تأكد انه مطعم واذا ماكان مطعم لازم تطعمه

التطعيمات تبدي في هالعمر

--

اول شهر له فالبيت وش اسوي له

إول شي لازم تعرفه ان كلبك دلع يعني زينة »» Pets

وكل كلب يدخل للبيت الجديد في ترتيبات تسويها بس لازم تكون

صبور وتذكر ان الكلب ذكي بس مو نفس البشر يعني بيكون محدود

وتذكر ان الكلب مايعرف يتكلم ولا يفهم الكلام

بس يفهم ان هذي الكلمة وراها مكافئة وهذي الكلمة معناتها وراها معاقبة

وكل هذا يكون بالتكرار والتكرار والصبر والصبر

الترتيبات بالترتيب كالآتي .:

1 - Socializing »» تنشئة كلبك حتى يصبح اجتماعي .:

جعل الجرو اجتماعي عن طريق التعرف على الناس الجديدة سواء افراد الاسرة إو اصدقائك حتى لايصبح الكلب

عدائي أو خجول أو خواف بزيادة وكل هذه الاسباب تعود الى التنشئة الخاطئة

2 - Housebreaking »» يفهم نظام البيت .:

وهي ان تضع جدول زمني ووقت للجرو تقعد معاه

واعطاؤه الاكل بانتظام

وابتعد عن بالضرب او فرك انف الجرو عند العقاب

بل مكافئته والثناء له واللعب معاه عندما يحسن التصرف

3 - crate training »» القفص :

وهو ان تستخدم قفص للجرو اذا ماكنت تقدر تشرف عليه في اكثر الاوقات

ويمكنك استخدام القفص كعقاب للجرو عند »» العض ، التبرز في المكان الخطأ

ولاتنسى ان يكون القفص مريح ومناسب لحجم الجرو

ولا ينفع ان تحبس الجرو في القفص لمدة تزيد عن بضع ساعات

ويفضل انك تخلي القفص بالمطبخ او داخل البيت عشان يكون تحت نظركم

خاصة انه صغير بالعمر

ويفضل انك تستخدم كلمة معينة عند ادخاله للقفص حتى يتعود عليها مثل »» Inside

وكلمة عند اخراجه من القفص مثل »» Outside


مع الوقت بمجرد نطقها راح تشوف الكلب يتوجه للقفص

وطبعآ لاتنسى مكافئته عند الدخول والخروج في البداية

وبعدين بين فترة وفترة »» عشان مايظن ان القفص حبس

4 - vaccination »» التطعيمات :

وهي التطعيمات المهمة للجرو والتي تبدأ بعمر الـ شهرين

ويفضل ان توديه للبيطري عشان يعطيه التطعيمات

5 - Leash Training »» تدريبات الليش أو المقود

هذا تدريب مهم تبدي معاه من عمر الـ شهرين مافيه مشكله

راح يتعبك في البداية بس انت في البداية خله يتعود على الطوق لمدة اسبوع

بعدها جيب الليش وكل ماتلبسه وتشيله لازم تكافئه بنفس الوقت عشان يفهم ان الليش معاه

جوائز

واذا تعود على الليش راح ترتاح في امور كثيره وراح يسهل عليك التحكم فيه وخاصة وقت التدريبات

--

وباقي التدريبات بتحصلها بقسم التدريبات .:

في مواضيع مثبتة مفيدة .:

http://www.2zoo.com/vb/forumdisplay.php?f=39

كتاب تـوزو من تأليفي فيه أمور مفيدة .:

http://www.2zoo.com/vb/showthread.php?t=227887

فيديوات من تصويري الخاص حق تدريبات الطاعه المبتدئة بيفيدك .:

http://www.2zoo.com/vb/showthread.php?t=232832

--

تذكر دائمآ .:

1 - كافئ الكلب وشجعه اذا عمل شي صح

2 - ابدآ ابتعد عن العقاب الجسدي مهما كان خطؤه

3 - ابدآ لاتصلح خطأ الكلب اذا ماصدته بنفس الوقت لانه ماراح يفهم

--

وتحياتي يالغالي ،،

[vampire-TW]

عيني عليك باردة يا ابو فهد الله يحفضك تفضل اخوي
http://www.2zoo.com/vb/showthread.php?t=232347

[Nona999]

:D

أخباركم شباب ان شاء الله بخير ؟

ندخل فالموضوع ;)

أنا كلبي بيوصلني بعد اسبوع ان شاء الله ( هدية )

يوصل بالسلامه..

ما أعرف نوعه

كل اللي اعرفه عنه انه كلب دلع وعمره شهرين وأسبوع تقريبًا :88:

نجي للمطلوب منكم الحين :cool:

اول شهر له فالبيت وش اسوي له

انا افضل انك تستغل الفرصه بتجهيز مكان للكلب اي > مكان نوم الكلب ,, مكان قضاء الحاجه ( يكرمك الله والقارئين ) ,, تشتري احتياجات الكلب ( مشط ,, طوق ,, ليش ..الخ ) تقراء مواضيع عن كيفية التعامل مع الجراء وتربيتها وخاصه ان الشتاء قادم ولازم توفر المكان الدافئ له <


{ التدريبات؟

التدريبات تبدأ من عمر 3 شهور وهي تدريبات الطاعه وضبط الكلب ( اذا بيتم تربيته داخل المنزل )..



- البيت حقه من وش يتكون ؟

بيت الكلب لازم تتوفر فيه اشياء اساسيه ..

- دافئ فـ الشتاء و بارد بالصيف ..

- التهويه وهذا شي اساسي ..

- النظافه وهذا اهم اهم شي ..

- يفضل دخول اشعة الشمس ويحميه من الحر والمطر اذا نزلت امطار ..


- الأكل وش يآكل ؟

دائما ننصح بـ دراي فود يخص نوع الكلب + دجاج مسلوق او لحم مسلوق او كبد مسلوق

- الطلعات اطلعه والا لا ...... الخ }


يفضل انك تطلعه عشان يكون كلب اجتماعي ومايخاف من الناس
وأي شي غيرها ؛ّ

ابي باختصار وش اسوي له من الـ ( أ ) لـ (ي) خلال اول شهر :D

يآآليت محد يمر عالموضوع بدون ما يفيدني حتى لو بشيء بسيط ;)

الرد بالموف

لك فائق الاحترام والتقدير

موفق

[hilale 4ever]

vampire-TW
Octopus

هلا فيكم ومشكورين ع المرور الحلو ;) وأول ما يوصل الكلب بصوره وأنزل الصور ان شاء الله ..



Abo_fahed

الحمد لله بخير دامكم بخير :)

-
المكافئة وش تكون ؟

اذا كانت بسكوت مثلاً ما اتركه يآكل البسكوت الا اذا سوى شي حلو ؟

وعطني كم مثال للمكافئات من الاشياء اللي تحبها الكلاب اذا ماعليك امر ;)

ومشكور عالمعلومات المفيدة #

عندي كم سؤال ع الطآير !

الكلب نآبح فآخر الليل !! كيف اسكته ؟

البيت حقه بيكون فالحوش ( سور البيت ما هو داخل البيت ) حراراة الجو بتاثر عليه ؟

وأرضية البيت اخليها بلاط والا احط تراب والا جرائد .... الخ ؟

كم مرة اسبحه فالاسبوع ؟

و آسفين تعبناك معنا :rolleyes:

[hilale 4ever]

الرد بالموف

لك فائق الاحترام والتقدير

موفق

مشكورة ي َ الغآلية عـ المرور العطر :shy:

عندي تعليق

بيت الكلب لازم تتوفر فيه اشياء اساسيه ..

- دافئ فـ الشتاء و بارد بالصيف ..


هذي صعبة شوي :D

ياليت تعطيني مثآل ;)

انا مفكر اسويه من الخشب والمكان اللي هو فيه بيكون فيه ظل :rolleyes: وبرد الرياض ما هو بذاك الزود ان شاء الله ما يأثر عليه ;) المشكلة الحر :D

{ التهوية وأشعة الشمس بسيطة اقدر اسوي فتحة من فوق واسدها متى مابغيت }

[Abo_fahed]

المكافئة وش تكون ؟

قطعة لحم ، قطعة جبن ، قطع نقانق ، المكافئات المخصصة للكلاب الموجودة بالمحلات اسمها Treats

--

اذا كانت بسكوت مثلاً ما اتركه يآكل البسكوت الا اذا سوى شي حلو ؟

عليك نور شكلك مدرب متقاعد ;)

--

وعطني كم مثال للمكافئات من الاشياء اللي تحبها الكلاب اذا ماعليك امر

ذكرتها في الاجابة فوق

--

الكلب نآبح فآخر الليل !! كيف اسكته ؟

في البداية راح ينبح

اتركه ولا تقوله حتى Oshh

لانك اذا قلت له راح يعرف ان النباح يلفت نظرك وبيزيد ولا راح يسكت

وبمجرد انه يسكت لمدة خمس دقايق تروح تكافئة وتمسح عليه

مع التكرار بيفهم

واذا كبر الكلب ماراح ينابح الا قليل

--

البيت حقه بيكون فالحوش ( سور البيت ما هو داخل البيت ) حراراة الجو بتاثر عليه ؟

كلبك دلع يعني اكيد بيكون ذو شعرر كثيف

اكيد يحتاج مكيف وخاصة ان جسمه صغير فـ راح يتأثر بسرعه

ويفقد جماله وشعره وصحته

--

وأرضية البيت اخليها بلاط والا احط تراب والا جرائد .... الخ ؟

الارضية يفضل تكون اسمنت

--


كم مرة اسبحه فالاسبوع ؟

مره في الشهر افضل شي

واذا كان يلعب كثير مرتين بالشهر فقط

--

حاضرين يالغالي واي استفسار لاتتردد

[hilale 4ever]

عليك نور شكلك مدرب متقاعد ;)

--

لا تخليني اتحمس واقلب كلب الدلع كلب بوليسي :D

--


كلبك دلع يعني اكيد بيكون ذو شعرر كثيف

اكيد يحتاج مكيف وخاصة ان جسمه صغير فـ راح يتأثر بسرعه

ويفقد جماله وشعره وصحته



ان شاء الله بحط له مروحة لكن مكيف صعبة شوي !


--
الارضية يفضل تكون اسمنت



طيب البلآط ما ينفع ؟

--
مره في الشهر افضل شي


واذا كان يلعب كثير مرتين بالشهر فقط

والله كان واحد لاعب علي وقايلي مرتين فالأسبوع :D بغيت اسويها بس الحمد لله سالتك خخخخ :freind:



حاضرين يالغالي واي استفسار لاتتردد

مشكور ويعطيك الف الف عافية

واذا وصل الكلب ان شاء الله لي رجعة :12:

[Abo_fahed]

واذا وصل الكلب ان شاء الله لي رجعة

لك رجعة غير هذي بعد !!

هههههههههههه

امزح معاك

يوصل بالسلامة ان شالله

وبانتظار الصور

[Nona999]

مشكورة ي َ الغآلية عـ المرور العطر :shy:

عندي تعليق

بيت الكلب لازم تتوفر فيه اشياء اساسيه ..

- دافئ فـ الشتاء و بارد بالصيف ..


هذي صعبة شوي :D

ياليت تعطيني مثآل ;)

انا مفكر اسويه من الخشب والمكان اللي هو فيه بيكون فيه ظل :rolleyes: وبرد الرياض ما هو بذاك الزود ان شاء الله ما يأثر عليه ;) المشكلة الحر :D

{ التهوية وأشعة الشمس بسيطة اقدر اسوي فتحة من فوق واسدها متى مابغيت }

لا شكر على واجب ..

مثال ان تكون غرفته متوفر فيها مكيف اذا امكن اقلها فيه مكيفات تعبيها مويه كل ساعتين او اكثر تقريبا لان الكلاب ماتتحمل الحر خاصه كلاب الزينه ..

و اذا بتسوي له خشب حاول يكون رفيع عن الارض عشان ماتوصل له الحشرات والغبار و ماء ..

وبـ النسبه للبرد لاتنسى الشتاء جاي و بردنا جاف يدخل بالعظم وكلبك صغير لازم تنتبه له..

والخشب يدفي لاكن افضل تجيب له اللي يسمونه شراع لونه ازرق يمكن تعرفه اذا اشتد البرد تغطي فيه بيت الكلب ( وتخلي له فتحة تهويه ) يدفيه او مايكون بيته فـ مجرى الهواء ( وقت الشتاء فقط ) عشان مايدخل عليه هواء بارد..

و يفضل تحط مخده صغيره او نشارة خشب او فرشه صغيره او ممكن العابه ..

للمساعده فقط :

الارضيه اكيد بتكون خشب يفضل بالبدايه تحط مشمع ارضيات و فوقه نشارة خشب اسهل لك بالتنظيف ..

ولك فائق الاحترام والتقدير ..

موفق

[hilale 4ever]

.

و يفضل تحط مخده صغيره او نشارة خشب او فرشه صغيره او ممكن العابه ..


بحطها ان شاء الله بس المشكلة بيوصخها كل يوم لأنه ما يعرف يروح الحمام و أنا ابيه يتعلم على لعبته ما ودي اغيرها كل يوم أو يومين ما يفضل اخليها الا ان يتعلم يروح الحمام ؟


للمساعده فقط :

الارضيه اكيد بتكون خشب يفضل بالبدايه تحط مشمع ارضيات و فوقه نشارة خشب اسهل لك بالتنظيف ..

آسف لكن ما فهمتها { مشمع ارضيات } << وش هذي :D

{ وفوقه نشارة خشب اسهل لك بالتنظيف } <<<< قصدك زي الفرشة ؟ وأسحبها كل يوم عشان انظفها ؟



الأسئلة بالأخضر ومعليش ترى ما أفهم فبيوت الكلاب وكمالياتها :(:D

[hilale 4ever]

لك رجعة غير هذي بعد !!

هههههههههههه

امزح معاك

يوصل بالسلامة ان شالله

وبانتظار الصور

هههههههههه ردد يآ ليل ما اطولك :D

وأول ما يوصل بناخذ لك كم لقطة ان شاء الله وننزلها :cool::88:

[Nona999]

بحطها ان شاء الله بس المشكلة بيوصخها كل يوم لأنه ما يعرف يروح الحمام و أنا ابيه يتعلم على لعبته ما ودي اغيرها كل يوم أو يومين ما يفضل اخليها الا ان يتعلم يروح الحمام ؟

اخوي لو تلاحظ قلتلك يفضل انك تحط مشمع ارضيات و فوقه نشارة خشب..

عشان لو وصخ الكلب ( الله يكرمك ) يسهل عليك التنظيف و مايتوصخ البيت ولا الكلب ..

وانا افضل تحط الاثنين نشارة خشب و احد العابه عشان مايزعجك بالنباح او عضاضه
وينشغل فيها طول ماهو فـ بيته ..

واقصد بـ مشمع ارضيات اللي مثل هذي ..

http://www10.0zz0.com/2011/09/05/13/457326349.png (http://www.0zz0.com)

وفيه منها الوان و اشكال كثير ..

http://www10.0zz0.com/2011/09/05/13/576590500.jpg (http://www.0zz0.com)

تقيس مساحة بيته وتاخذ عليها تحطها و تحط النشاره فوقها ..

و كل يوم عرض البيت للشمس ( اذا الكلب مو موجود داخله ) عشان ماينطبخ من الشمس ..

وكل اسبوع تقريبا نظفه كامل اي ( تغير النشاره كلها + تطلع مشمع الارضيات وتنظفه وتعقمه زين وتعرضه للشمس وترجعه لبيته وتحط نشاره خشب جديده )

حفاظا و وقاية للكلب من الامراض ..

لك فائق الاحترام والتقدير ..

موفق