مجموعه اسئلة عن الزواحف

[W7SH_K.S.A]

السلام عليكم ورحمة الله وبركاتة


انا عندي مجموعة اسئلة متنوعه أتمنى من الجميع مساعتدي في معرفة الأجوبة الخاصة بها



1/ ماهو أفضل نظام غذائي لصغار التماسيح ويساعد على نموها بسرعة ؟ وماهو الأفضل الإضائة الطبيعيه أو الصناعيه لها وهل ينفع اللمبات العادية او لازم المخصصه للزواحف ؟



2/ طريقة التمييز بين الذكر والأنثى في الثعابين خاصة الأنواع الحبيبة على قلبي هع ( الأصلات - البوا - الكورن والميلك والكينق وماننسى أبو السيور والناتريكس ههههههههه <<ماخلى شي :D

ورجاء ما ابغى احد يقول صعب تفرق بينهم :cool: << أكيد في طريقة نقدر من خلالها نفرق !!


3/ ممكن تذكرون لي اسامي الثعابين اللي تتغذى على البيض ؟





4/ بعد تزاوج الأفاعي هل يتم فصل الذكر عن الأنثى حتى تضع البيض ولا عادي يبقى معها بنفس المكان ؟





وسلآمتكم




وسامحوني على الأسئلة الطويلة :)

[|| PyTHoN ||]

1/ ماهو أفضل نظام غذائي لصغار التماسيح ويساعد على نموها بسرعة ؟ وماهو الأفضل الإضائة الطبيعيه أو الصناعيه لها وهل ينفع اللمبات العادية او لازم المخصصه للزواحف ؟

كل يوم وكلهم لحم ني دجاج سمك و يفضل الحوض يكون
كبير ، الإضاءه مو مهمه حط اللمبه العاديه ، اليوفي مو ضروريه تقدر
تشمسهم و خلاص ..

2/ طريقة التمييز بين الذكر والأنثى في الثعابين خاصة الأنواع الحبيبة على قلبي هع ( الأصلات - البوا - الكورن والميلك والكينق وماننسى أبو السيور والناتريكس ههههههههه <<ماخلى شي
ورجاء ما ابغى احد يقول صعب تفرق بينهم << أكيد في طريقة نقدر من خلالها نفرق !!

صعب تفرق :D
امم شوف اول شي تمسك الذيل بالمقلوب و بإيدك اليمين الجسم
و اليسار الذيل ، صوب فتحة الشرج اضغط لي صوب الذيل بعدها بالعكس
و نزل الجسم ، ان طلع شي مثل عودين هذا ذكر لو ولا شي انثى ،
و ممكن بعد من الذيل تلاحظ الذكر ذيله ضعيف و عند فتحة الشرج تلقى
الي كأنهم اظافر طوال الأنثى العكس ذيل امتن و قصير و الظفرين صغار
و مدببين ، لكن كثير مرات راح تغلط بينهم ^^

3/ ممكن تذكرون لي اسامي الثعابين اللي تتغذى على البيض ؟

African egg eater و الكوبرا و الباقي ما اعرفهم
أغلبهم سامين و ما ينفعون للتربيه ^^

4/ بعد تزاوج الأفاعي هل يتم فصل الذكر عن الأنثى حتى تضع البيض ولا عادي يبقى معها بنفس المكان ؟

افصلهم و بعد ما تبيض شيل البيض من الأنثى
عشان تضمن ما يصير للبيض

[مهووس الحيوانات]

ما بزيد على كلام بايثون شي

لكن هذا الفيديو يوضح الطريقة اللي تكلم عنها :

-

uus2TXdQmwo

[W7SH_K.S.A]

جزاكم الله الف الف خير على هيك معلومات :)


بس أخوي بايثون ماتلاحظ ان اطعام التمساح يومياً مضر شوي بالتمساح لأن اللي انا اعرفة ان التمساح ياكل كل يومين ويعتبر هذا احسن نظام لتغذيتة حسب خبرتي البسيطة ؟ ومنكم نستفيد


وكمان عندي سؤال اللي هو متى يبدأ عمر البلوغ عند الأصلات والثعابين عامه ؟

[العقرب الامبراطوري]

جزاكم الله الف الف خير على هيك معلومات :)


بس أخوي بايثون ماتلاحظ ان اطعام التمساح يومياً مضر شوي بالتمساح لأن اللي انا اعرفة ان التمساح ياكل كل يومين ويعتبر هذا احسن نظام لتغذيتة حسب خبرتي البسيطة ؟ ومنكم نستفيد


وكمان عندي سؤال اللي هو متى يبدأ عمر البلوغ عند الأصلات والثعابين عامه ؟

بالنسبة لل Caimans الاطعام مرة كل يومين او اربع مرات اسبوعياً

بالنسبة للبايثون الذكر من 6 الى 18 شهر
و الانثى من 12 الى 36 شهر

طبعاً اكيد كل حية تفرق :o

[|| PyTHoN ||]

^

أتوقع التمساح الي عندك هو تمساح النيل
انت تقول انه تبيه يكبر بسرعه ، الأكل العادي اوكي يكون يوم و ترك
لو تبيه يكبر أسرع توكله كل يوم بس اقل بشوي

بالنسبه للأصلات أي نوع عندك ؟

[W7SH_K.S.A]

مافي غير النيلي المتوفر بالسعوديه :cool:



بالنسبه لسؤالي عن الأصلات انا مهتم فقط بالبول بايثون والبورميس بس انا عممت على جميع الأصلات والثعابين عشان اوسع من افق معلوماتي :D


وماننسى حبيبنا العقرب من الشكر :)

[العقرب الامبراطوري]

مافي غير النيلي المتوفر بالسعوديه :cool:



بالنسبه لسؤالي عن الأصلات انا مهتم فقط بالبول بايثون والبورميس بس انا عممت على جميع الأصلات والثعابين عشان اوسع من افق معلوماتي :D


وماننسى حبيبنا العقرب من الشكر :)

بورميس تقريباً 3 سنوات
بول بايثون من 3 الى 5 سنوات

[النمر الأبيض]

أظن ان الاخوان ما قصروا معاك وما عندي زود على كلامهم