بخصوص الغيني افيدوني

[ابو رنـ محمد ـا]

السلام عليكم و رجمة الله و بركاته


للإسف اشتريت ببغاء غيني و لكن لا اعلم عنه شي إلا دفء المكان اهم شي له و لي كم يوم انقله معي لين رجعت لبيتي و حطيته بالمطبخ لدفء المكان لكن اشوف الطير فيه خمول مو زي اول و عزكم الله فيه سهال وش الحل و حبيت اعرف طرق التدريب لانه بعمر حوالي 6 اشهر وحش و الحين هادي راحت عنه الجعره لانه شي طبيعي اول ما جاء لكن ابي ادربه و حبيت تفيدوني بكل الطرق للتدريب للطير و هل الجوع حلو لتدريبه و الا لا ....


جزاكم الله خير الجزاء و جعله في موازين اعمالكم


،،، دمتم بود وتقبلوا فائق احترامي و تقديري لكم

[*هاوي البادجي*]

ياحبيبي انت عالجه وبعدين روضه

روح البيطري

وقوله الحاله يعطيك دواء


ولما يطيب يسير خير


اخوك فواز

[سكر]

هلا فيك ياغالي والف مبروك

كلام اخوي فواز سليم عالجة اول


وفي توقيعي مواضيع ادخل عليها بتفيدك في الترويض


تحياتي

[ابو رنـ محمد ـا]

طيب اخواني للإسف انا في ديره كل البيطره الي عندنا ما عندهم ما عند جدتي ابي اسم العلاج حق السهال بدق على رجال و شرواكم يرسله لي هاليومين ودي الحق عليه بس افيدوني بأسم العلاج او صورة له بارسله له و جزيتم الف خير و مشكورين يالغاليين

[جعفر السامرائي]

اذا الحال كذا ، تقدر تعطيه فلاجيل حق الاطفال ، تقدر تخيله له بالوعاء المخصص للماء ، تخلطه جيدا ، وأفضل شيء تخليه له الصبح قبل ما يجلس من النوم لان الطير لما يقعد الصبح يتوجه لشرب الماء مباشرة ، او انك تحاول تغره بالابرة شوي سي سي واحد لا اكثر ، وتستمر على هالحال لمدة 3 ايام وبعدها ان شاء الله الاسهال يطيب ، انا مجربها على الغيني.
واما طرق الترويض والتدريب بعد عندك مواضيع الأخ العزيز سكر في توقيعه شوفهن واستفيد ، ترا كلنا أغلبنا متعلمين من الاخ سكر :D

سلامي

[ابو رنـ محمد ـا]

يعطيك العافيه اخوي جعفر كم مقدار العلاج الي احطه له بالماء و هل هذا دواء له لك جزيل الشكر اخي

[فيصل المبارك]

الاخوان ماقصرو

بس ياليت تشوف له مكان غير المطبخ لانه اساس المرض

حر وطبخ

عزالله راح فيها الطير


غير مكانه وعطه العلاج الي قالو عنه الشباب


وانشاءلله خير

[wesammm2001]

مثل ما قالو الاخوان اول شي الصحة وبعدين التدريب

[جعفر السامرائي]

مساء الخير عليك وعلى كل الاعضاء الطيبين.

الاخ فيصل المبارك نبه إلى نقطة مهمة ، وهي وجود الببغاء في المطبخ ليس صحيا له.
لان أبخرة الطبخ المتصاعدة ضارة للببغاء ، ممكن تسبب له مشاكل - لا سامح الله - في القصبة الهوائية والتنفس وغيرها وغيرها.
وكذلك للمعلومية الغيني مناعته قوية ما شاء الله عليه ، لكن الاحتياط واجب.

بعد إذن الاخوة الخبراء ..

بالنسبة للفلاجيل ، لازم يكون الدواء مخصص للاطفال - اي انه شراب - وليس حبوب.
تقدر تضع مقدار ملعقتين صغيرة شاي في المشربة ، وتخلطها خلط جيد ، وكل ستة ساعات تجدد الماء.
وتقدر ايضا تستعمل بطل ماء 250 مل لكل يوم ، تخلي فيه 10 سي سي تخلطه بشكل جيد وتخليه بالمشربة.
نقطة لازم تنتبه لها حتى تظمن ان الطير يشرب الماء والدواء ، وقت اللي تنيم الطير في اي ساعة من الليل ، تشيل عنه الماء بعد ما ينام ، والصبح بحدود ساعة 6 ترجعه له ، واحرص على أن لا تتأخر عليه لأن الطيور تصحى قبل الانسان ، لان الطيور اول ما تصحى من النوم تشرب الماء وحتى قبل الأكل ، الا إذا كان المكان مظلم بشكل تام يساعدها على أن تستمر في النوم اكثر. اذا تتبع هالطريقة تستمر مع الطير 5 ايام وبعدها يومين تخليله ماء عادي ويوم الثالث تبدي تنطيه فيتامينات بالاسبوع مرتين فقط ، حتى يعوض عن الفيتامينات اللي فقدها الجسم.
وتقدر تغره سي سي واحد باليوم ، وتستمر عليها ثلاثة ايام .
ولك الاختيار اخي اي وحدة تستعمل.
لكن انا انصح بالطريقة الاولى وليس الغر ، لان اذا الطير ما ياكل من يدك ومو اليف ما راح يشرب الدواء ولو غريته غصب عنه.
ولا تبدأ في ترويضه تدريبه الا بعد ما يطيب من الاسهال وتعطيه الفيتامينات ، حتى يكون جاهز.
ربي يشفيه وان شاء الله يصير اليف وتروضه وتدربه ونشوف له تسجيلات يتكلم.
اعذرني لو طولت عليك
سلامي

[ابو رنـ محمد ـا]

يعطيكم العافيه و ما قصرتوا على مروكم متصفحي و الشكر الجزيل لأخي جعفر ممكن تزودني باسماء الفيتامينات الي تقولي عليها بعد فترة العلاج و انا بكرا بروح الصيدليه و اجيب له العلاج ان شاء الله تعالى و راح اكون لك ممنون

[جعفر السامرائي]

بالخدمة اخي العزيز ، اي نوع مولتي فيتامين مخصص للطيور ينفعه ، او مخصص للببغاوات ، متواجد عند أغلب البياطرة ، وبعض المحلات اللي تبيع الطيور.
وادخل هالموضوع لاخينا العزيز BLACK KOKO الله يجزيه الخير متكلم عن فيتامين

http://www.2zoo.com/vb/showthread.php?t=236616

سلامي