الكوكتيل ما يرفع راسه من صحن الاكل

[يوكيكو]

السلام عليكم

شريت البينو صغيرة من يومين
اول ما جبته البيت كان خامل وما ياكل وايد
واليوم ماشالله طول اليوم منكب على الاكل ما يرفع راسه
وبس اشيل عنه الاكل يصير فرارة بالبيت يدور صحنه
شهيته مفتوحة بشكل مو طبيعي
هل في ضرر لو خليته ياكل براحته والا الاحسن اشيله عنه لفترة؟
علما ان من خذيته عظمة الصدر عنده بارزة بشكل غريب فهل ممكن كان يعاني من سوء تغذية؟

ارجو الاجابة من اصحاب البرة وشكرا

[محبة ,الكوكاتيل]

ههههه عآدي سيبها على راحته في الاكل متى ما حست من نفسها انها
شبعت بتشيل راسها من العلبه وياريت تحط صورها عشان
نقدر نساعدك بالعظمه البارزه
مودتي

[فوآز]

هههههههه
ذكرتني مره كنت بالسوق واشوف بادجي ساجد :p رحت لراعي المحل قلتله شفيه هذا ميت ؟؟:confused:
قال : لا هذا فرخ توه شبه مفطوم ومايقدر يكسر الحب وياكل عشان كذا ينزل راسه ويطول على مايفتح الحبه الوحده :D والله واخذته وغريته 3 ايام بعدها قلت خلاص اكل طيور زيك زي باقي الطيور والحمد لله هذا هو منتاز مشاءالله :12:

تأكد اذا اللي عندك فرخ ولا لا وشوفه وهو ياكل اذا ياكل زي باقي اتلطيور ولاعنده صعوبه بالاكل
وبالنسبه لعظمة الصدر الشباب انشالله بيفيدونك :freind:
تحياتي:D

[عاشق الكوكتيييل]

آخـ ـي آلكريـ ـم


آذآ رئيـ ـت آلطـ ـآئــر آعتمـ ـد علـ ـى نفسـ ـه كليـ ـآ فـ ـي آلـ ـآكل..آرجـ ـع لـ ـه آلـ ـآكل ودعـ ـه يـ ـآكل لحـ ـآلــه لـ ـآنه آنفطــم..!

يعنـ ـي غـ ــرره مرتـ ـين فـ ـي آليـ ـووم فقـ ــط ودآئمـ ـآ آجعــل صحـ ـن آلـ ـآكـ ـل في قفصـــه..!


لك
أجمل تحية

[كاليبسو]

السلام عليكم
العظمه دليل سوء التغذيه والله اعلم
وبالنسبه للاكل ساعده بحاجه من اثنين
او سوى الحركتين انا اسويها اذا
جيت افطم طيورى
1-اغره مره الصبااح واترك معه الحبوب والاكل على
ارضية القفص
2-كسر انت الحب باى شى يعنى عطه كم ضربه
بس لا تطحنه يعنى نصف كسره وهو بيكمل الباقى
ولو تسوى الحركتين وتراقبه يكون احسن لا يروح عليك الطير
اتمنى اكون فدتك

[UAE_FOX]

جميع المحلات الي تشترون منها الطيور لا تتطعم الطيور بشكل جيد الا نادر تخلي صحن الحب لمدة اسبوع للاقتصاد والطيور تكو ن منهكة وتعبانة وتمرض في الغالب من سوء التغذية

[يوكيكو]

ابشركم

توه قبل ساعة شال راسه من الاكل وراح ياخذ قيلولة يتراوالي حلجه عوره من التكسير
بالنسبة لأنه ما يعرف ياكل اول يطول فما اعتقد لأنه اشوفه لما ياكل من يدي عادي
وعلى فكرة انا شريته من واحد بالانترنت مو من محل طيور فمستغربة شلون ما كان يأكله زين
وبصور لكم عظمة صدره وبنزلها بعدين

شكرا لجميع الردود

[فوآز]

ههههههههههههه
انهد حيله المسكين الله يعينك طول اليوم محاولات وتلقاه ماشبع
بس هذا بريك نوم عشان يكمل الانش

[كاليبسو]

السلام عليكم
اعطيه الخبز المغمس بالماء قليلا
واعطييه الخس والجرجير من الان
خله يتعود على الخضار وايضاا عشاان
يشبع بسرعه بدون تعب ويشيل راسه
من الصحن الاكل ويتامل فى وجهك انت