سئال عن القطط الصغيرة

[WORLD OF ANIMAL]

انا جبت قطة صغيرة ماعرفش عمرها بس بتاكل زبادى بالعافية من على صباعى او بالحقنة المهم انا ده اول يوم ليها معاى من اول ما سبتها فى البيت وهى تدخل فى ضهر الثلاجة او جواها وتتشاقى بس انا خايف لا تتكهرب وكمان جيت اقعدها جنبى على الكرسى رفضت وتسلقت الكرسى وقاعدة تنونو تنونو جيت ااكلها سابت الاكل ومشيت اديلها ماية برضوا سابتها ومشيت طاب هى عاوزه ايه ؟ :confused:

[شاهستا]

اهلا بيكـ
ضرورى نعرف عمر القطه يعنى اتفطمت ولالا

[WORLD OF ANIMAL]

انا مش عارف عمرها بس هى بتمشى وبتجرى بس بالنسبة للاكل مش بتاكل لوحدها انا باكلها زبادى انا بحط صباعى فى العلبة واطلع شوية عليه وهى تلحس صباعى ومكانتش راضية تاكل من العلبة وبتاكل من صباعى وبعد كدة اتعودت تاكل من العلبة بس مش قوى نص نص تاكل شوية وتروح تمشى وبتترعش شوية مش عارف ده خوف ولا ايه بس لما احكلها راسها تروح تهدء

[دلوعةقطوتي]

اهلين
شي طبيعي لان المكان لسه جديد عليها ماراح تاكل الا اذا انت ذوقتها الاكل ومحتاجه وقت
بالنسبه لدخولها بالثلاجه من خوفها من المكان الجديد بتتخبى انت قفل عنها باب المطبخ لحد ماتكبر وتتعود
راح تظل كم يوم ماتاكل وتنونو لانها مستغربه من المكان وخايفه كل اللي عليك انك تحسسها بالامان

[WORLD OF ANIMAL]

انا خايف لا تكون القطة مش بتاكل اساسا وتموت علشان كدة علطول ماشى وراها لسه من شوية بدور عليها لقيتها داخل ماتور الثلاجة من ورا طلعتها بالعافية وكنت هتكهرب بس هى بتاكل بسيط من ايدى فانا عاوز اعرف هى تقدر تاكل اكل عادى ولالا

[شاهستا]

اكلها جبنه مثلثات بس مش كتير عشان ميسببش اسهال
بيض مسلوق فراخ مسلوقه متقطعه قطع صغيره
لحمه مفرومه
كوسه وبطاطس وجزر مسلوقين وعليهم قطعه فراخ او لحم
واهرسهم بالشوكه كويس عشان تعرف تاكل
دراى فود خاص بالكيتن
سيريلاك بالارز او بالقمح

[WORLD OF ANIMAL]

حيلك حيلك حيلك دانا اكلتها نص علبه زبادى بالعافية ااكلها كل ده ازاى انا حاسسها لسه ماتفطمتش او مش بتعرف تاكل وتشرب لوحدها مع انها بتجرى زى الصاروخ وبتخربش وتعض لسه مخربشانى فى كتفى وانا باكلها بس كانت بتلعب وكل ماديلها صباعى من غير زبادى تعضنى وعورتنى من شوية فى صابعى ههههههه بس انا مش عارف هى بتاكل ولالا

[sohaila]

ما شاء الله
هههههههه
ممكن تكون لسة مستغربة المكان
والرعشة دى لو عند الحنجرة يعنى هى فرحانة
انما لو بالجسم كله ممكن تكون خايفة او بردانه
ربنا يحفظهالك

[WORLD OF ANIMAL]

والله مش عارفه باينلها اتعلقت بيا جامد لانى انا اللى باكلها من اول ما جات وبتلحس الاكل من على صباعى كل ماسيبها فى المنزل بتاعها تنونو لحد ماروح اقعد جنبها تروح تسكت
يلا شكلى مش هنام الليلة دى هههههههه ممكن حد يقترحلى اسامى للقطط الانثى بس تكون خفيفة وجميلة

[raj3een]

والله مش عارفه باينلها اتعلقت بيا جامد لانى انا اللى باكلها من اول ما جات وبتلحس الاكل من على صباعى كل ماسيبها فى المنزل بتاعها تنونو لحد ماروح اقعد جنبها تروح تسكت
يلا شكلى مش هنام الليلة دى هههههههه ممكن حد يقترحلى اسامى للقطط الانثى بس تكون خفيفة وجميلة

الله يخليها لك أقترح إسم ( بامباني)

[WORLD OF ANIMAL]

حلو بس كبير وصعب تحفظة

[شاهستا]

الاسامى كتير جدا
وبالنسبه للاكل انت لازم تدوقها الاكل عشان ترضى تاكل
يعنى تحط الاكل على صباعك زى ما بتعمل كدة
او تفتح فمها براحه جدا وتحط فيه حته صغيرة
وهتاكل ان شاء الله

[أحبك توتو]

خلها تلحس شوية جبن من اصبعك زي ما بتلحس الزبادي ، و اسامي اممم حط صور ليها او قولنا لونها ايه ؟؟

اذا بيضا }} سنو وايت
اذا عسليه }} honey
اذا رمادية }} بينكي ، أوونا
اذا سودة }} انجلكا ، هلجا

[WORLD OF ANIMAL]

هههههه هى مرة عسوله وشقية وتحب اللحم والسمك بس الصورة صعب لانى ما عندى كاميرا كاميرة الموبايل تصويرها وحش جدا بس هى لونها ابيض وديلها اسود وراسها ابيض باسود ببنى وبقعة بنى فى ضهرها هههههه يعنى مخلطة ههههههههه

[فاتـــو]

شوف انت ممكن
اكلها كل اللي تبيه لحم دجاج مسلوق بطاطس جزر
اضرب اللي تبيه بالخلاط وحطهم بالسرنجه
وانا اشوف اسم توفي حلو مرره

[WORLD OF ANIMAL]

مشكورين على الاسماء الجملية والنصائح الاجمل والاروع بس انا سميتها بيسو نسبا الى القطة اللى كانت عندى واتربت معاى بس ماتت للاسف علشان تفكرنى بيها بس مشكورين على مجهودكم معاى