تعبت من الامزوني :(

[dreamer1988]

السلام عليكم
اهلين يا اخوان و اخوات << جديد بالمنتدى
انا ربيت كاسكو من زمان قبل 10 سنين تقريباً عاش حق ستنين و اطريت اسافر و سيبته عند الجيران و رحعت من السفر لقيته ميت :( و حزنت علية حزن لدرجت اني تركت الهواية هذه ..

قبل كم اسبوع شوفت عند واحد من خوياني درة لقيت نفسي كل يومين رايح عندة العب معاها :12: :freind: المهم اتحمست و قبت خليني اشتري لي كاسكو و اتفاجأ بالاسعار النار في المحلات بعدين قلت خليني ادور في النت و انا بدور وقعت في المنتدى و سجلت بعد ما جلست تقريباٍ يومين و انا اقرى في المواضيع و اتعلمت على معلومات كثيرة منها كاننت بغبغائات الامزون التي سحرني جمال وتناسق الوانها و قدرتها على الكلام ( للأسف كنت اشوفها احسبها درة امريكي من زمان -ـ- ) المهم شريتلي واحد بلوفرونتد من المرتبة الثالثة عمره من 6 الى 8 شهور يوم رخت اشترية ماشاء الله علية حركي ، مايجعر و يطلع ع اليد و الكتف بس جيبته البيت مسوي اضراب ع الاكل و الشرب و متسمر في قفصة و لا ليه حس في البيت بعد يومين كنت برة البيت و اول ما رجعت لقيته قاعد يلعب و يتشقلب في القفص فكيت الباب و حاولت اخرجة في الاول كان يرجع ع ورى لما قربت يدي منه سار يفك فمة و يقربة بشويش بهددني انه يعض تركته و فكيت القفص من فوق بعد نص ساعة طلع و قاعد يلفلف فوق القفص حاولت اعطية فصفص اطلعه ع يدي ... بعدها بيوم صحيت لقيته ع الارضية في الصالة و بيحول يطلع القفص مو قادر لانه اجنحته مقصوصة و لاحظت انه اكل و شرب ( برازة الله يكرمكم اخضر و فية شويت بياض متماسك و احيان اشوف زي الموي البيضة اتوقع انها بول ) قربت منه و مديت يدي رفع رجلة :) قربتها و طلع و جرحني باظافيره و لما قربته من قفصة راح اعطياني عضة توقف شعر الراس و نط ع القفص انا الوضع اوكية ممكن يباله يتعود زيادة ع البيت

-الي قالقني واحد من اصحابي قلي ما يكون اخرص لانه ما يتكلم و لا يجعر و لا يفر و لا اي صوت ؟

0 اليوم جيبت القفص قدامي ( انا حاطة فوق التلاجة عشان يراقب البيت ع راحتة ) و فتحتة و جلست ع اللابتوب طلع و قاعد يستهبل فوق القفص بس نفس الشي بدون اي حس او نسمة صوت حاولت اجرب طريقة العسل مو راضي يعض و لاحظت انه فمه مفتوح شوية و لسانه يتحرك فوق و تحت ما يوقف عن دي الحركة الا اذا حولت اطلعه ع ايدي ؟

-اتصلت ع الي شريته قالي انه هو متعود انه ما يجعر ؟

و آسف ع الاطالة

[جعفر السامرائي]

وعليكم السلام ورحمة الله وبركاته
اهلا وسهلا بك معانا بالمنتدى الجميل ، وان شاء الله تفيد وتستفيد

اول شيء : مبروك عليك الطير يا اخي ، البلو فرونتد شيء جميل وممتع.
ثاني شيء : لازم تخليه يتعود على البيت وعلى جو البيت مدة لا تقل عن 10 ايام ، وبعدها تبدأ تروضه اذا مو اليف وتدربه اذا هو اليف.
ثالث شيء : خلينا نشوف صورة منه حتى نتأكد انه بلو فرونتد مو اورنج وينجد ، لانه هالاثنين كثير يتشابهون.
رابع شيء : نعم هنالك ببغاوات (صم وبكم) لا تسمع ولا تتكلم ، حاول تناديه شوفه يلتفت لك ام لا ، واتخبأ عنه وناديه ، شوفه يحاول يبحث عن مركز الصوت ام لا. وان شاء الله الامور تتحسن معاك

سلامي

[يوفاوي الكويت]

مبروك الطير

اخوي ممكن صوره للطير

والطير جديد علي المكان خله يتعود عليه ولا تكلمه ولا تسوي له شي وبعد اسبوع

حاول تقعد معاه

بس انت الي تغير له الاكل والماي

وان شاء الله تسمع يتكلم باقرب وقت

[dreamer1988]

وعليكم السلام ورحمة الله وبركاته
اهلا وسهلا بك معانا بالمنتدى الجميل ، وان شاء الله تفيد وتستفيد

اول شيء : مبروك عليك الطير يا اخي ، البلو فرونتد شيء جميل وممتع.
ثاني شيء : لازم تخليه يتعود على البيت وعلى جو البيت مدة لا تقل عن 10 ايام ، وبعدها تبدأ تروضه اذا مو اليف وتدربه اذا هو اليف.
ثالث شيء : خلينا نشوف صورة منه حتى نتأكد انه بلو فرونتد مو اورنج وينجد ، لانه هالاثنين كثير يتشابهون.
رابع شيء : نعم هنالك ببغاوات (صم وبكم) لا تسمع ولا تتكلم ، حاول تناديه شوفه يلتفت لك ام لا ، واتخبأ عنه وناديه ، شوفه يحاول يبحث عن مركز الصوت ام لا. وان شاء الله الامور تتحسن معاك

سلامي
الله يبارك فيك اخوي جعفر ، هو اليف بس سوبر خواف :wao: اليوم كملة 3 ايام عندي ..
اليوم اخذت ع الدكتور بس كشف علية ع خفيف قالي خلية يولف عليك و جيبة عشان نقلم اظافره و يبا يفحص فمة و بالنسبة للكلام قالي احتمال انه خايف و جالس يخاصمني ع القفص انه معفن و لازم انظفة زي بيته :shy: طبعاً انا ما نظفته لاني كنت ابا الدكتور يشوف البراز حقة اكرمكم الله و الشي التاني انه ما عندي استاند او قفص تاني احطة فيه ابالوه ما انظفة و قالي اكلة فواكة و بالنسبة للفتيمينات قالي لا تعطية شي الين اكشف علية مزبوط المهم رجعت البيت جيبتلي كرتون فاضي و حطيته فية و جيت اخذ القفص عمنا شكلة بدأ ياخذ ع البيت اول شي سواهـ جري ع غرفة النوم سيبت القفص و رحت خرجته منها عشان المكيف و غير كيدي صاحبي نايم و رجعت للقفص كنت حايس فية بحاول افكة القا صاحبنا هجوم ع سلك الدي اس ال ابعده عن الاسلاك يهجم ع التوصيلة جبيلي الجنان :angry: في الاخير فكيت القفص و غسلت الحديد العلوي بالموية و قرتبلة هو راح هجوم :12: يتسلق و طلعي ع السقف بعدها رحت حوست بالتنضيف و كل شوية ارروح الصالة اراقبة عشان لا يهجم ع الاسلاك و حطيتلة لعبة اشتريتلة هي بس خايف منها .. و الحمد لله خلصت تنظيف و تنشيف و تجفيف و رحت نزلته و ركبتلة القفص و رجعي تسلق و بعدين رحت انظف الحمام الله يكرمكم و عندها المفاجئة :wao: اسمع صوت رقيق :confused: اطالع القاهه يطلع صوت اول مرة اسمع بغبغاء يطلعه زي تغريد الحمام بس صوته واطي الحمد للة مهو اخرص :12: قربته منه جالس يطلع الصوت و انا من الفرحة الي دامت دقيقتين افتكرت انه ما اكل زي 3 ساعات بسرعة حطيتلة الاكل الي اشتريته عبارة عن حبوب و فواكة مجففة و ماشاء الله جلس ياكل و عجبة بعدها شلت شوية في يده و مديتها زي 15 دقيقة جمدني :( و بعدين جيبتلة فلفلة خضراء عشان تجدده دورته الدموية ما رضي ياخذها حطيتها جنبة و سيبته شوية كذه لقيته شالها و دوبة عضها راح رماها من الحرارة :( شوية كده راح شالها و طنش الاكل المجفف انا جيبتلي تفاحة و قعدت اتفرج علية و اكل منها شوية كدهـ و هو يناظر التفاحة جبت سكينة و قطعتلة و صلة و مديتها بيدي قرب بشويش و داقها عجبته و جلس ياكل من يدي خلصها اعطيته و صلة تانية دي المره سوى حاجة غريبة سحبها بقوة و بعدين مسكيها بيدة ( رجولة :o ) و جالس ياكل و هو مبسوط كأني يقلي كل تفاحتك انا اقدر اكل بنفسي :rolleyes: و بعدها حاولت ادفة عشان يخش و اقفل علية لاني بنام و ما اباه يلفلف في البيت بس محزني جالس في نص القفص و لا يبا يتحرك لا يميمن و لا شمال اتوقع عشان الالعاب الي على يمينه و شماله و لا يكون تعبان و مروق :confused: و الصور بحاول ارفعها قريباً

[dreamer1988]

مبروك الطير

اخوي ممكن صوره للطير

والطير جديد علي المكان خله يتعود عليه ولا تكلمه ولا تسوي له شي وبعد اسبوع

حاول تقعد معاه

بس انت الي تغير له الاكل والماي

وان شاء الله تسمع يتكلم باقرب وقت

الله يبارك فيك اخوي يوفاي ، هو شوية خواف :rolleyes: و انا الي بغيرله الموية و الاكل

و هذي الصور
حقت سيلفر << احتمال اغيرهـ :confused:

صلوا على خير البشر اللهم صلي و سلم على سيدنا محمد
بسم الله ماشاء الله عليه

http://cl.ly/2t221n3L0s422b1Q3A1F/2011-09-09_18.07.41.jpg
هذي اول ماجبته كان كئيب شوية

http://cl.ly/1e3F04442N2k410b3S3Z/2011-09-12_01.49.26.jpg
هذي بعد ما اكل التفاحة و عاش حياته

http://cl.ly/1M1G1n2M2K421a3C2C2d/2011-09-12_01.51.02.jpg
هذي وهو مكشر و زعلان عشان قفلت القفص

و على فكرة سويت اختبار السمع و نجح معاه
و لما كان بياكل التفاحة بؤبؤ عينه كان يصغر و يكبر << قعدت اردديدلة اسمي :12: مدري توقعون اسمي بيكون صعب علية أحمد << اربع حروف

[حامض_حلوو]

يتربى في عزك فعلاً بلوفرنتيد جميل بس كأني شايف فلفل شيل منه الفلفل ترا بيضره وخليه يتعود على البيت انا جلس 7 ايام مسوى اضراب وبعدها انواع الازعااج .....

[dreamer1988]

يتربى في عزك فعلاً بلوفرنتيد جميل بس كأني شايف فلفل شيل منه الفلفل ترا بيضره وخليه يتعود على البيت انا جلس 7 ايام مسوى اضراب وبعدها انواع الازعااج .....

مشكور ع النصيحة اخي حامض و حلو
بالنسبة للفلفل انا قريت في مكان في المنتدى انه اقل شي اعطية من مرة لمرتيت فلفلة في الشهر عشان دورته الدموية تتجدد

دحين مسوي قلق مع الالعاب اشيلها تنصحوني و لا اسيبها عندهـ؟

[يوفاوي الكويت]

ماشاء الله تبارك الرحمن

الطير بلوفرنت بس كل الي تسويه انك تخليه بمكان مرتفع وغير له الاكل والماي يوميا

ولا تعطي الطير وجه هالاسبوع ولا تحاول معاه انك تروضه او تدربه بس خليه بالقفص وافتح له الباب

وهو براحته يصعد وينزل من القفص علي شان يحس بالامان

ونصيحه جيب الاب توب واقعد قدامه واشبك ولا تعطي الطير وجه كانك ما تشوفه

وراح تشوف ان الطير يسوي حركات ويصفر يبي يلفت انتباهك له

واذا شفته قام يصفر عطه قطعه تفاحه صغيره كهديه له وتحفيز له

وقول له شاطر وارجع لمكانك كانك ما تشوفه

وان شاء الله تشوف النتايج باقرب وقت

ومو اكيد تشوفها من اول يوم

اهم شي الصبررررررررررررر

[الملكي 937]

افادك الأخوان
تقبل مروري

[جعفر السامرائي]

الحمد لله تأكدت الان اخوي ان الطير لا هو اخرس ولا أصم ، وهذي اهم نقطة والباقي يهون ، وبعد خلاص اعطيه فيتامين من رأيي ، أو انك اذا تحب انتظر الطبيب.
ورأيي تماما من رأي اخونا الحبيب يوفاي الكويت ، شنو قالك سويه معاه وان شاء الله تشوف النتائج الطيبة.

سلامي