انا ما اعرف ولا شئ عن الارانب ممكن تدخلوا؟؟

[فاتـــو]

صحيت قبل امس الا والاقي اربع ارانب موجودين في غرفه فاضيه
استانست وفي نفس الوقت تضايقت الوناسه جت اني بقدر اربي حيوانات جديده
وتضايقت لانو امي اشترتهم علشان لما يتكاثروا نذبحهم
المهم من اول يوم مالين الدنيا بول وبراز اعزكم الله ويسونها على الطعام
اللي بياكلونه وقلت لامي ولكن امي مشغوله ومو فاضيه
لهم صرت انظف لهم كل يوم عن رضا مني بس تعبت
وصايرين يسونها كثير ويملون الدنيا ويخافون مني احاول اقرب منهم
يرورحون في زاويه ويصيرون بحجم ارنب واحد من الخوف
طبعا هم 3 اناث وذكر ومدري وش اسوي معهم وزعلانه على حالتهم اللي ماتسر
ممكن تساعدوني شلون اخليهم يسونها في الكرتونه اللي حطيتها لهم علشان مايملون الدنيا

[رعوود]

اختي فاتو.

الحل بالنسبة للكرتونه

انك لمن تنظفي الوصاخه تبعهم

تشيليها وتحطيها بالكرتون

حتى يعرفو الارانب ان هذا هو مكان قضاء الحاجه

لان الارانب تقضي الحاجه بمكان واحد وتخصص لها زاوية عادة

تقصدري تجيبي كرتونه او صندوق رمل تبع القطط

وتفرشي فيه بعض الرمل الخاص بالقطط للنظافة وعدم ظهور الرائحه

ايضا لا تدعي الارانب على البلاط مباشرة او السيراميك بالغرفة

حاولي تجيبي نشارة خشب او قش او تربة زراعية

وافرشي الارضيه لهم لتقيهم من الاصابة بالامراض

شيكي عليهم لا يكونو مريضين او مصابين بالاسهال ( لانك تقولي بكثرة )

ايضا ماهو الطعام اللي تقدمونه لهم

اذا فقط الخضراوات فهذا غلط ويسبب لهم الاسهال

لازم تجيبي لهم علف الارانب الخاص من المحلات

وتقدمينه لهم مع تشكيل من الخضراوات والفواكه

وتقدري تزوري المواضيع المثبته لمزيد من التفاصيل والمعلومات

موفقه

[فاتـــو]

مشكوره وماتقصرين اختي وان شاء الله بقرا المواضيع واستفيد