مشكله مع كلبي

[rakon]

السلام عليكم

يا جماعه انا كلبي بلبيت يلحقني مثل خيالي مو هذي المشكله
المشكله انه مرات يكون الباب مفتوح مايطلع ومرات يروح ويطلع انادي لا حياه لمن تنادري ولا كأني موجود وانادي !!
ولو كنت برا وهديته كمان يروح ولا يدري عني شنو الحل معاه ؟؟
مع العلم انه صارله عندي سنتين تقريبا

[كـش مـلك]

اخوي أنا ابي أسألك سؤال انت في البيت تناديه يجيد ولا ما يجيك

وهل انت تطلعه في نزه كثيير

والكلب اذا كان في نزهه يكوون بـ الليش ما ينفك منه الليش مهما يصير

والحل ::..

افتح الباب وخلك ماسكه بـ المقود ولا شفته راح لـ عند الباب

خلك وياه والحقه وانت ماسك الليش

اذا وصلت عند الباب شد اليش على ورا بسرعه راح يوقف الكلب وقول له الأمر الي تبغاه استوب وقف اصبر اي شيء

وعطه مكافأه وقول له قو او اي كلمه انت تبيها عشان يمشي اهو ما راح يسمع الكلام في البدايه لكن بعدين ما راح يطلع برا البيت الا لين تكون انت يمه وتقول له ستوب بعدين قو

اتمنى اني افدتك ولو احد عنده طريقه ثانيه يا ليت يقولها ويفيدنا

[Abo_fahed]

وعليكمـ السلامـ ورحمهـ الله وبركاتهـ ..

يعطيك العافية يـ كش ملك على المبادرة الطيبة كما عودتنا

--

rakon

انا كان عندي جرو كنت مسوي له مثل الغرفة ولها باب عشان ادخله فيها وقت النوم

الجرو في الأيام الأولى كان يدخل لحاله داخل ويلعب

مع الوقت اكتشف اني اصكر الباب وراه

وصار بعدها مايدخل !!

وحليت المشكله بالتدريب بعدين راح اتكلم فيه

المشكله بالموضوع .( ليش الجرو ماصار يدخل مثل أول ).

جوابها بسيط »» لانه اكتشف اذا دخل داخل ماراح يقدر يطلع


فـ الي ابي اوصله لك يالغالي

المشكله انه مرات يكون الباب مفتوح مايطلع ومرات يروح ويطلع انادي لا حياه لمن تنادري ولا كأني موجود وانادي !!

مع العلم انه صارله عندي سنتين تقريبا

انت تتكلم على كلب عاش معاك لمدة »» سنتين

يعني عارف كل باب في البيت وين يوديه

يمكن لما تبطل له الباب ومايطلع »» تكون في وقت النهار والجو برا حار

والكلب يبي يقعد داخل يدور البراااد

ومرات لما يطلع برا يكون الجو حلو وماعنده مشاكل ويمكن اشتاااق للطلعه

ويمكن ورا الباب الي تفتحه له غرفه تصكر عليه فيها

فـ الكلاب ذكيه لاتستهين بذكائها

فـ حفظ الفكرة

والحــل .:

انك تشجعه لما تناديه ويكون بـ ايدك شي الكلب يحبه مثل لعبة / أكل / مكافئة

ومو كل مره تعطيه اللعبه / الأكل / المكافئة

لازم تكون في مرات مايحصل شي فيها بس انت أشر له واووهمه ان معاك شي

أو خله يشوف المكافئة مثلآ ولما يجيك مسح عليه والعب معاه

--

ولو كنت برا وهديته كمان يروح ولا يدري عني شنو الحل معاه ؟؟

هذي النقطة تحتاج معرفة فصيلة كلبك

لو كان هاسكي فهذا شي طبيعي فـ كلاب الهاسكي تحب التنقل والركض بعييدآ

ونادرآ ماتلقاها تمشي مع اصحابه من غير ليش

فـ نصيحتي .:

الحين كلبك عمره سنتين المفروض ماتطلع معاه الا ويكون لابس ليش

وأيضآ أضيف جواب أخوي كش ملك

والكلب اذا كان في نزهه يكوون بـ الليش ما ينفك منه الليش مهما يصير

والحل ::..

افتح الباب وخلك ماسكه بـ المقود ولا شفته راح لـ عند الباب

خلك وياه والحقه وانت ماسك الليش

اذا وصلت عند الباب شد اليش على ورا بسرعه راح يوقف الكلب وقول له الأمر الي تبغاه استوب وقف اصبر اي شيء

وعطه مكافأه وقول له قو او اي كلمه انت تبيها عشان يمشي اهو ما راح يسمع الكلام في البدايه لكن بعدين ما راح يطلع برا البيت الا لين تكون انت يمه وتقول له ستوب بعدين قو

[rakon]

شكرا شكرا

علم
يعطيكم العافيه

[درابيل]

موضوع رائع ومنكم نستفيد

اللي انا اعرفه في كلاب عنيده مثل ما قال ابو فهد مثل الهاسكي وغيره

و تحياتي

[Musab Pro]

الله الله على الابداع .. ايضا هناك نقطه صغيره ودي اوضحها .

الكلب لما يطلع برا يقل عنده التركيز .

لان الجو الخارجي يعتبر ديستراكشن قوي للكلب ( تشويش ذهني )

واللي حاصل معك الحين انك تدرب الكلب داخل البيت على امر come

وهو ينفذه بعبقريه و تميز ... لكن لما تعرض الكلب لاي ديستراكشن فهو يبدا يتشتت

ويبدا يفظل الاستكشاف على القدوم لك . لانك مثل ما قال ابو فهد راح تدخله داخل البيت

و عند هذي النقطه راح تنتهي الرحله الممتعه اللي هو يتمتع فيها خارج البيت .

لذلك انصحك يا اخي الكريم انك تبدا تدرب الكلب شوي خارج البيت

عشان تعرف كيف تتعامل معاه في وجود ديستراكشن .. والتدريب يكون تدريجي

استخدم ليش طويل .. وبعدين فك الليش .. وارجع ركبه مره ثانيه و بعدين فكه

عشان يعرف الكلب ان لبس الليش لا يعني الدخول الى البيت

او لا يعني نهاية الرحله الجميله .

جرب انت بنفسك تطلق له العنان .. تقووله go ahead رووح انبسط و يكون تحت المراقبه

ترجعه بالوقت اللي تبيه .. تكافئه بالاكل او المسح عليه او اللعبه و تطلقه مره ثانيه .

كل هذا الموضوع تدريجي و بالنهايه ستجد كلب يستمتع جدا معك خارج المنزل

وتحت السيطره التامه .

و انت بعد راح تنبسط لانه مبسوط .. راح تجد انك تعامل كلبك كأنه طفلك و راح توسع عليه الصدر .

تقبل مروري .