ما ياكل لما يطلع من القفص وش اوسوي؟

[أم صدى]

السلام عليكم
كيف الاحوال

حابه اخذ رايكم في الطير حقي

هو كبير ب حمد الله وصلت لنتيجه معاه
يطلع على يدي ويطول واقف على كتفي وما عنده مشكلة
عضه قليل

بس عندي نقاط حابه اسأل عنها

ما يحب احد يلمس ذيله الى الآن
واقدر احط راسه جوا القفص ويندمج لدؤجة انه يغمض عيونه
ياكل من يدي جوا القفص
بس يطلع ينحاش مني وما اقدر الم راسه ولا ياكل مني ولو انه ميت جوع

عنيد هو

وش اسوي برأيكم؟؟

[أم صدى]

الجميل عشر مشاهدات ولا احد رد علي

[waleed11]

الطير اذا طلع من القفص يبغى يتمشى ويتسلى ويلعب ماهو طالع على شان ياكل

واذا تبين تأكلينه برى القفص جوعيه وخلي الاكل الي يحبه بيدك واول مايطلع بياكل من يدك

التجويع الي استخدمته انا من الساعه 8 صباحاً حتى العاشرة مساءً

بس مويه بدون اكل

ومسألة اللمس على الراس انتي حاولي فيه باستخدام العصا فيه طريقه موجوده في احد المواضيع بالمنتدى

[أنامل]

التجويع الي استخدمته انا من الساعه 8 صباحاً حتى العاشرة مساءً

خاف ربك يا رجل 10 ساعات جوع ..

ما يجوز .. والله حرام ..

تأذي الطير ..


أختي بالغالب أنه يكون متوتر بسبب أنه غير متعود على أن يكون خارج مملكته ..

دعيه فترة -قد تطول قليلا- يتحرك ويتمشى داخل غرفتك أو مكان جلوسك وحتماً سيرتاح ..

وضعي له اناء أكله بالقرب منه حتى يعتاد على الأكل في المكان الجديد ..

فقط اصبري وسترين النتائج ..

[هوى روحي]

الطير يكره لمس ذيله او جناحه

[waleed11]

انامل بالعكس ماسويتها الا مرتين على شان ادربه لكن ماضره شي عنده مويه

[أنامل]

انامل بالعكس ماسويتها الا مرتين على شان ادربه لكن ماضره شي عنده مويه

حبيبي وليد ..

والله ليست مشكلتي ضرته أم لا ..

وكم مرة سويتها الله يخليك

السالفة أنه غلط وحرام ..

الآدمي بكل قوته يتعب ويجهد إذا تجاوز 7 ساعات بدون أكل ..

فما بالك بكائن ضعيف كالببغاء ..

أنا أعتقد ومصر أننا نستعجل النتائج ..

فخلال شهر وشهرين تريد طائرك أليف لدرجة كبيرة ..

لدي طائر منذ 7 أشهر -أكاد أقسم- أن لايوجد طائر عنيد لدرجة كبيرة جداً مثله..

تصور لمدة الخمسة أشهر وهو رافض أن يأكل من يدي أو أن يصعد عليها ..

والله ماصعد على يدي إلا الشهر الفائت ولا بدأ يأكل من يدي إلا قبل أسبوعين تقريباً وأصبح يصفر لي كلما سمع صوتي ..

واليوم نضطر لحبسه في قفصه لإزعاجه لنا ومشاغبته لنا عند الأكل أو عند القهوة أو الشاهي ..

أنا أقول

الطيور كالآوادم تختلف منها ما يتأقلم بسرعة ومنها مايحتاج للوقت ..

كن صبوراً ورؤوفاً ورحيماً بطائرك وسيعشقك ..


أم صدى

بخصوص المسح الذيل الأححمر بالغالب لا يحبذ الببغاء المسح عليه كما قال الأخ بالرد السابق..

واعتذر على الإطالة

[أم صدى]

شكرا لكم ما قصرتو
أشكركم على كل الشرح
وفقكم الله ورعاكم

أنا الببغاء حقي من العام وتوني في رمضان قدرت اوقفه على يدي

[أم صدى]

على فكرة يكون جوعان
بس ما ياكل

[أنامل]

على فكرة يكون جوعان
بس ما ياكل

سبحان الله ..

كأنك تتكلمين عن طيري ..

أختي أم صدى ..

الطير مهما كان جائع وهو متوتر أو خائف وغير مرتاح يفقد الرغبة بالأكل ..

أنصحك تراجعين موضوع الأخ سكر :

سُــلَّــم إحـتـيـاجــات الببــغــاء ٍٍٍٍ ٍ (رؤيـة علمية ٍٍ ٍ وتطبيقات عملية) (http://www.2zoo.com/vb/showthread.php?t=174844)

كما قلت اصبري عليه ..

وابعديه عن: التوتر - اخافته بحركات اليد - أو الاقتراب منه بسرعة - الموسيقى الصاخبة

والطيور ترى أن قفصها هو مصدر الآمان لها ولذلك منذ أن تخرج تشعر بالخوف والتوتر ..

اصبري واخرجيه ولا تلقي له بالاً ..

حتى يخف قلقه ..

وسترين النتائج ..

سؤالي:

أي تضعينه بعد اخراجه من القفص ؟!!

[ابوفزاع]

انامل وفّا وكفّا ومن غير قصور بالباقين

[oasa_123]

لتجويع افضل حل

[أم صدى]

انا لما اطلعه أحطه فوق القفص واصير اخذه على يدي ويطلع على كتفي

بس ما يرضى المس راسه يصير عندي ويتنحش

[أم صدى]

انا اكتب لكموهو واقف على كتفي

وقاعد يطقطق على مخي

ويحك في جناحه ويهرش

هل معناته انه متوالف معي طالما انه يوس هالاشياء على كتفي

بس ما زال ما يعطيني وجه ؟

[أم صدى]

ترا يوس اي يسوي بس محولة وانا اكتب