مليت اانا مليت ارجو الدخول.....مهم مهم مهم

[ببغاء اخضر]

السلام عليكم ورحمة الله وبركاته
انا من شهر خذيت ببغاء دره انا وفي المحل كان يشيله بايده لكم من جبته البيت ماطاع يركب :eek: ليش مادري:confused: وانا من متى ادربه لكن مليت انا يوم احط له الحطبه الي ادربه فيها مايعض لكن يوم احط ايدي يخلي الدم يشخل ويخااف واييد يخاف :confused:

فارجوكم تعطوني حل لاني بغيت اذبحه امس لو ماقالت لي الوالده اصبر لو ذبحته الحين وانا حاطنه مع انثى الانثى تركب على ايدي عادي لكن هو :cool: :cool: :confused:

فارجوكم تفيدوني ولا بذبحه

وهاذي صور له


http://3rb9.com/uploads/5299d8c6a4.jpg (http://3rb9.com)


http://3rb9.com/uploads/6363a16ea8.jpg (http://3rb9.com)

[Pussy Cat Lover]

اهلين اخوي بغيت اقولك مافي شي يصير بيوم ولليله المسأله مسألة وقت وصبر انا يوم كان عندي ببغاء كان يسوي لي نفس الشي بس اي حيوان تبغى تعوده على شي لازم اولا اتجوعه واذا جوعته خله يطلع على يدك وياكل منها شوي شوي الين يتعود عليك ذله بلأكل بس مو تموته جوع واذا ذبحته ذنبه برقبته لانه حيوان ومايدري وش السالفه اجل لوصار عندك كلب او قط وش كنت راح تسوي..زي ماقلت لك مسألة وقت وصبر

[ببغاء اخضر]

مشكور عالمرووور اخوي بس مب راظي يطلع على الايد

[Mr. MeMo]

اخي ببغاء اخضر

اول شئ تقوم فيه تعزله عن الانثى نهائيا
ولا يشوفها و بعد ثلاث ايام على الاقل

افتحله القفص و خله يخرج من نفسه
و بعدها حاول معاه و قولنا النتيجه

و ان شاء راح تتوفق

[ببغاء اخضر]

مشكور عالمرووور الطيب
وانشالله بنعمل على المطلوووب

[كاسكو البحرين]

طيب خاطرك على الطير يا ببغاء اخضر :D لاسوي لنا جريمة قتل :(

هذا شيئ طبيعي جداً والطير متعلق بصاحبه ويحتاج فترة لحد ما يتعود عليك
وعن نفسي انا كنت املك درة انثى وأليفة معاي بشكل ممتاز ولكن وحشية مع أسرتي وإذا اخلي الطير يتمشي في الصاله ومن يجوف أحد من عائلتي على طول نفش ريشة وهجم للعض (تقول ديك باكستاني) :D

اصبر الطير هو أليف بس محتاج يتعود عليك فقط :)

مع السلامة

[ببغاء اخضر]

مشكور كاسكو البحرين عالمعلومات وما قصرت

[نصور!]

اخوي ببغاء اخضر

مثل ماقال لك Mr.MeMo ما لك الا انك تعزله عن الانثى

هذا هو الشور واكسبه بالاكل المفضل له بحيث تطلعه بيد وتأكله بالثانية

ودمتم سالمين .. دمتم >>>>>>> متأثر بأفلام الكرتون :D

[ببغاء اخضر]

مشكور اخوي وانشالله بسوي كل الي قلتوه لي
والحمدلله الحين قام يستجيب واقدر اشله ومايخاف كل هاذا من فضلكم ومشكورين وانا فصلت الانثى والحمدلله الحين هادي مب متوحش مشكووووووووووووووووووووور كل من ساهمم ومابنسي لكم المعروف

[مدرب الأفريقي]

ماحبك الطير

[الوردة صفا]

أنا بعد هاي مشكلتي

[سعودي]

الله يوفقكك

[ببغاء اخضر]

لالا الطير يحبني مب نفس ماقال اخوي مدرب الافريقي لا بالعكس حبني والحين قام يستجيب وانشالله بنزل لكم صور او فيديو وانا شالنه

الورده صفا مشكوره عالمرووور وحاولي تخلينه يكسب محبتج وتمي اكثر شي امسحي على منقاره
سعودي مشكووور عالمروور

[@ زمزم @]

اخي ببغاء اخضر

اول شئ تقوم فيه تعزله عن الانثى نهائيا
ولا يشوفها و بعد ثلاث ايام على الاقل

افتحله القفص و خله يخرج من نفسه
و بعدها حاول معاه و قولنا النتيجه

و ان شاء راح تتوفق

اسرع حل لمشكلتك وللتذكير جرى التحديث بحكم انها مشكلة تواجه معظم المربين

[المستمتع]

السلام عليكم الله يعينك على الدره
الحقيقه انا عندي دره وهو يعض بقوه وعضته تطلع الدم غالبا
لكن فيه مشكله في الدره انه قبل ما يطلع على اي مكان لازم يتمسك بمنقاره اول وانت إذا اعطيته يدك عشان يطلع لاتخاف إذا شفته يحط منقاره على يدك لأنه هذي غريزته لكن لما تبعد يدك راح يعضها لأنه يبغى يمسكها
لكن إذا كان يتعمد يعضك إذا اعطيته اصبعك او يدك فأنا انصحك تحط على اصبعك شطرطون الفلوس
وتخليه يحاول يعض بعد فتره راح ييأس (لأن الشطرطون يزلق منقاره) وان شاء الله يبطل عض
وانا مجرب ولكن لا تيأس
وعذرا على الإطالة

[ببغاء اخضر]

مشكوره على الرد زمزم

ولكن المستمتع ماقصرت والله يطول بعمرك والحمدلله في تطور لحد الان

مشكور كل من ساهم ومادري باي طريقه ارد الجميل