استشارة عن جرو جيرمن

[أبو نوح]

السلام عليكم ..

تحية طيبة لأعضاء ومشرفي هذا المنتدى الرائع

اخواني عندي جرو جيرمن شيبرد عمره شهر ونص اخذته من يومين

الجرو هادئ جدا باستثناء لو قربت منه او محاولة للمسح على رأسه يحاول العض
حتى لما جيت انقله عندي تعبت معه ونقلته بصعوبة
الشي الثاني انه اغلب النهار يكون لحاله هل هذا عادي ؟
اليوم لما دخلت كان هادئ بس لما جيت انقل له اكله بدى يركض ويحاول يعض ثوبي ورجلي بطريقة كأنه يلعب بس بأسلوب غريب كأنه يهاجمك حاولت ارده ويرفض حتى اني بغيت اضربه عشان يخليني .. حتى لما يطلع له احد الاصدقاء يسوي معهم نفس الاسلوب !!
فهل السبب من هذا هو الملل ويبغى يلعب ويتسلى ؟
فكرت اني اجيب له العاب وعضاضات فهل تنصحون بشي معين ؟
وهل يحتاج لحليب ؟ ومتى احطه له بالضبط ؟ يعني بعد الاكل بكم مثلا ؟

وهل ضروري له البيت او القفص ؟

وهل اقدر امشيه وهو بهالعمر او مايحتاج له ؟


تكفون ابغى توجيهاتكم ونصايحكم لاني حاس انه بيتعبني لاني اول مرة اتعامل مع جراوة وخاصة بهالعمر الصغير .. ومشكلة لمسه ومسكه
لان ودي اركب عليه طوق و لِيش ولاعرف كيف مع رفضه ..!
وشكرا لكم ( :

[Abo_fahed]

وعليكمـ السلامـ ورحمهـ الله وبركاتهـ

اخواني عندي جرو جيرمن شيبرد عمره شهر ونص اخذته من يومين

الله يخليه لكم ويتربى بعزكم ان شالله وشنو سميتووه :D

الجرو هادئ جدا باستثناء لو قربت منه او محاولة للمسح على رأسه يحاول العض
حتى لما جيت انقله عندي تعبت معه ونقلته بصعوبة

هذا شي طبيعي لا سيما الجرو بعمر الـ شهرين

فـ الجراء تفضل النوم والراحة

وأما مسألة العض فـ أيضآ شي طبيعي

فـ الجراء دائما تعض بسبب اسنانها

الشي الثاني انه اغلب النهار يكون لحاله هل هذا عادي ؟

شلون يعني يكون لحاله ؟

هل تقصد يروح ويجلس لحاله بكيفه ؟

ولا انكم تخلونه في مكان لحاله وتتركونه ؟

اليوم لما دخلت كان هادئ بس لما جيت انقل له اكله بدى يركض ويحاول يعض ثوبي ورجلي بطريقة كأنه يلعب بس بأسلوب غريب كأنه يهاجمك حاولت ارده ويرفض حتى اني بغيت اضربه عشان يخليني .. حتى لما يطلع له احد الاصدقاء يسوي معهم نفس الاسلوب !!

مثل ماقلت لك يالغالي هذا شي طبيعي

ممكن تذكر لنا نوع الجرو ؟

فكرت اني اجيب له العاب وعضاضات فهل تنصحون بشي معين ؟

طبعآ شي اكيد العضاضات شي مهم واساسي

وتعتبر حل من حلووول تقليل عض الجرو لـ الايدي ، الأرجل ، الاحذية .. الخ

وهل يحتاج لحليب ؟ ومتى احطه له بالضبط ؟ يعني بعد الاكل بكم مثلا ؟

الجرو في هذا العمر اكتفى بحليب امه

فـ هو ليس بحاجة للحليب في الوقت الحالي

اكتفي بالوجبات والتغذيه الصحية

ويفضل استخدام الدراي فود المخصص للجراء

وهل ضروري له البيت او القفص ؟

طبعآ شي اكيد ضروري لأسباب كثيرة

وراح تعرف الاسباب خلال قرائتك هذا الموضوع

http://www.2zoo.com/vb/showthread.php?t=238139

وهل اقدر امشيه وهو بهالعمر او مايحتاج له ؟

بما ان الجرو الى الآن لم يتم تطعيمه فـ يفضل عدم اخراجه خارج المنزل

وتركه يلعب داخل المنزل / الحديقة / الحوش

ويفضل اخراج الجرو للتمشية بعد عمر الـ 6 شهور

تكفون ابغى توجيهاتكم ونصايحكم لاني حاس انه بيتعبني لاني اول مرة اتعامل مع جراوة وخاصة بهالعمر الصغير .. ومشكلة لمسه ومسكه
لان ودي اركب عليه طوق و لِيش ولاعرف كيف مع رفضه ..!

النصائح والتوجيهات المهمة راح تلقاها أيضا بنفس الموضوع .:

http://www.2zoo.com/vb/showthread.php?t=238139

واما مشكلة الطوق فـ الحل راح تلقاه بموضوعي هذا

فيديو يشرح كيفية الباس الجرو الطوق بطريقة فنية وسليمة

http://www.2zoo.com/vb/showthread.php?t=232832

[أبو نوح]

ماشاء الله تبارك الرحمن والله وفيت وكفيت والسموحة اتعبتك معي يالغالي

بالنسبة اني اخليه لحاله .. هو باستراحة مب بيت فنكون موجودين غالبا اخر العصر الى اخر الليل

فلما يكون الصباح والظهر والعصر مثلا لحاله ماعنده احد عادي ؟

واقدر اوديه يتدرب على الطاعة والطاعة المتقدمة قبل سن 4 اشهر ؟


والله يجزاك خير ويعافيك يابو فهد والله ماقصرت

[Musab Pro]

فلما يكون الصباح والظهر والعصر مثلا لحاله ماعنده احد عادي ؟


الكلاب تحتاج اللي يمر عليها بين فتره و فتره خصوصا اذا كانت جراء في عمر شهر و نص

اعتقد تحتاج انك تمرها الفتره الصباحيه والضهر على الاقل .

لازم يتوفر له الاكل و الشرب و التكييف و تتطمن على وضعه .

الجرو في مثل هذا العمر المفروض يكون تحت رعاية و اشراف امه

و بما انك اخذته يجب انك تحل هذا المحل .

بالنسبه لتدريبات الطاعه غالبا الجرو في هذا العمر ما يفهم شي ابد .

لكن ممكن اذا وصل ٣ اشهر تقريبا تبدأ معه تدريب خفيف للطاعه مثل الاوامر الاساسيه

لكن هذا يعتمد على استيعاب الجرو و تأسيس لغه بينك وبينه

فيه كلاب تستطيع و كلاب لا تستطيع يجب ان تعلم عن قدرات كلبك و تواكبها .

اما تمارين الطاعه المتقدمه فهي اصعب بكثير و صعب على الجرو اتقانها .

لانها تحتاج الى تكنيك معين ما يتحمله الا الكلاب الكبيره و الموضوع فيه تفاصيل

كثيره جدا ولكني اريد ان اعطيك زبدة الموضوع ... فكر فقط في التدريبات الاساسيه

اذا بدأ الجرو يستوعب التدريب .