الله يحفظ اطيوركم

[amh1450]

السلام عليكم
انا عندي سؤال واتمنى الي يعرف الاجابه لا يبخل على
انا شريت جوز كروان وقعد عندي شهر ونص وبعدين مات الذكر
لاني كنت حاطهم في الحوش وكان الجو حار وماكنت منتبه انى المويه
في المشربيه مخلصه زين لحقت على لانثى والحين دخلتهم في البيت في البراد
وشريت ذكر ثاني وصارله اسبوعين وهو في وادي ولانثى في وادي سؤالي كم المفروض
المده الي يحتاجونها عشان يتوالفون مع بعض ولانثى دائما تصفر والذكر بعض الاحيان يرد وبعض الاحيان ساكت مع العلم انا حاطهم في قفص كبير والبياضه معهم وبديت احطلهم بيض مسلوق وهل حركات يعني اكل متنوع وذا فيه احد عنده نصايح او توجيهات لا يحرمنا منها واسف اذا طولت عليكم بس حبيت يكون الشرح واضح

[FrEe LeGeNd]

اول شئ اخوي تاكد من الجنس انهم ذكر وانثى

وتاكد ان مافي احد منهم فرخ يعني لسى ما بلغ او جاهز للانتاج

ويفضل ان الذكر يكون اكبر عمر من الانثى عشان ما تتحكم فيه

و انا الان مثلك

عندي ذكر وشريت انثى له

لاكن حطيت الذكر بالقفص لحاله والانثى لحالها
وخليت القفصين مقابله لبعض

وفي الصباح احط القفصين ملاصقين لبعض الى الظهر

عشان يشتاقون لبعض هههه

واعطيهم اكل وخضروات هالفتره وشريت لهم فتمين عشان الانتاج

وبخليهم على هالحاله لمدة اسبوع

بعد ما يمر اسبوع ان شاء الله
بحطهم في القفص الكبير والقفص الكبير فيه بياضه

وان شاء الله يتوالفون

طبعا كل هذا الي فوق من قرائتي للمواضيع ومساعده من بعض الاعضاء يعطيهم العافيه

وعقبال يارب تشوف احلى انتاج

[ابو ريمان]

..::..::.. بالفعل كما قال الأخ الفاضل ( free legend ) ..::..::..
..::..::.. التأكد من جنس الزوج , والتأكد من اعمارهم ..::..::..
..::..::.. ومن ثم فصل الزوج لمدة اسبوع ,, راح تشوف نتاائج افضل بكثير ..::..::..

ملاااحظه اخوووي ,, اذا مااستطعت تمييز جنس الزوج او معرفة العمر ,, نزل الصوره للزوج
راااح نفيدك ان شاء الله

[amh1450]

مشكورين اخواني على المعلومات
وانشاء الله انزل صور في اسرع وقت ممكن