الرجاء تحديد نوع هذه القطة وعمرها وكم سعرها

[Sayo~nara]

السلام عليكم ورحمة الله وبركاته

اشترينا قطة اليوم .. على حسب كلام اللي اشتريناها منه قال انو نوعها شيرازي عبوس خخخ
وعمرها قال 9 شهور ..

بس ابغى خبرتكم .. في تحديد نوعها بالضبط وعمرها .. وكمان هذا النوع كم يسوى له في السوق ؟؟

http://i108.photobucket.com/albums/n12/black_lotes/koree/IMG00851-20110922-0124.jpg

http://i108.photobucket.com/albums/n12/black_lotes/koree/IMG00847-20110922-0117.jpg

http://i108.photobucket.com/albums/n12/black_lotes/koree/IMG00845-20110922-0116.jpg

http://i108.photobucket.com/albums/n12/black_lotes/koree/IMG00841-20110922-0114.jpg

اعتذر عن عدم وضوح الصور .. بس البسه كانت مرررة وسخة وروشناها وماهي راضية تخلينا نصورها ..


واشكركم جزيل الشكر .. جزاكم الله خيرا

[توزر]

وعليكم السلام والرحمه

الصور مو واضحه مره .. لكن اعتقد وبنسبه كبيره ان نوعها " شيرازي مون فيس "

وسعرها يعتمد على عمرها .. إذا كانت أقل من 4 شهور راح تسوى لها تقريباً 1000 ريال .. إذا أكثر ممكن 800 ريال

طبعاً الأسعار هذي هي اللّي مُتعارف عليها .. لكن إذا كانت من محل فـ سعرها بيكون حوالي الـ 1700 ريال
لأن المحلات تبالغ كثيييير فـ السعر !


أما عمرها ماقدر أحدّده لان الصور مو واضحه كفايه .. لازم تعطينا صوره واضحه لجميع أسنان القطه .




* ماششاء الله ححلوه كثير الله يخليها لك ^^

[Octopus]

مع اني اتوقع نوعها شيرازي مون فيس و لكن اتوقع نوعها شنشيلا:)

[ludta]

اذَا كَانَت صَغِيْرَه اعْطِيَهَا 1500 وَاذّا كَبِيْرَه 900
نَوْعِهَا مُوَن فَيَس وَالْلَّه يُخَلِّيْهَا لَك

[waelwaleed]

اول شي ماشاء الله مرررره حلوه
ثاني شي الصورة مو واضحه مره بس باين عليها شيرازي مون فيس
ومبروك عليكم

[أحبك توتو]

اهي شيرآزي هجين شـآنشيللـآ و الله يخليهآ لج

[Sayo~nara]

يعني اختلفت الاراء مابين الشانشيلا والمون فيس .. انا برضو قلت شانشيلا لانو عيونها متكحلة .. بس فعلا شكلها هجين .. والله اعلم .. اشكر الجميع .. بارك الله فيكم على افادتي ..
كنا جايبينها عشان قطنا يتزوج وللاسف شكلو مافي نصيب .. القطة مررة شرانية وتهجم عليه واحنا من كتر دلعنا لقطنا الذكر اللي ما يعرف حتى يضرب النملة .. خربناه بالدلع .. يهرب منها .. بهدلته مسكين .. سببتلو القلق خخخخ

عموما احنا نشك انها حامل .. لانها ماشاء الله تاكل كتير والله اعلم وكمان قرات انو القطة الحامل تكون عيونها متكحلة .. ويمكن دا السبب اللي مخلي عيونا متكحلة وهي مو اصل عيونها كدا والله اعلم .. عموما مالها الا يومين عندنا وبكرة يبان كل شيء ان شاء الله ...

عندي شوية اسئلة ..لو القطة فعلا طلعت حامل هل .. يعتبر هذا سبب هجومها على الذكر ؟؟
ولو كانت مو حامل .. هل هجومها حيخف مع الايام ان شاء الله ؟

عموما اشكر الجميع جزيل الشكر على المرور .. ومع انها قمر على قولكم خخخ يا بختنا فيها إلأا انو شكلنا بنتخلص منها اذا استمرت تهجم على قطنا الذكر المدلع ..

وحتى توضح الصورة اكتر .. صورتها اليوم وحاولت اصور اسنانها ما عرفت ><

http://i108.photobucket.com/albums/n12/black_lotes/koree/IMG-20110921-00712.jpg

http://i108.photobucket.com/albums/n12/black_lotes/koree/IMG-20110921-00722.jpg

http://i108.photobucket.com/albums/n12/black_lotes/koree/IMG-20110922-00734.jpg

http://i108.photobucket.com/albums/n12/black_lotes/koree/IMG-20110921-00723.jpg

http://i108.photobucket.com/albums/n12/black_lotes/koree/IMG-20110921-00708.jpg

http://i108.photobucket.com/albums/n12/black_lotes/koree/IMG-20110921-00700.jpg

http://i108.photobucket.com/albums/n12/black_lotes/koree/IMG-20110921-00706.jpg

وهنا اسنانها ..

http://i108.photobucket.com/albums/n12/black_lotes/koree/IMG-20110921-00707.jpg


تقريبا انا اعطيتها عمر من 9 شهور لـ سنة ويمكن ما تجي سنة ..

بالنسبة لسعرها الجميع افاد انو تقريبا السعر 800 .. بس ناس في منتدى اخر قالو سعرها من 450 لـ 500 ..

دحين ماني عارفة لو بعرضها للبيع بكم احط سعرها ولو كانت حامل كم يصير سعرها ..

اشكركم جزيل الشكر .. جزاكم الله خيرا ^^ ربي يسعدكم افدتوني كتير .. ربنا يخليكم
وكل عام وانتو بخير ..

[توزر]

^

بـ النسبه لـ السّعر فـ الأفضل انّك تبيعينها بـ 700 إذآ مَ كانت حامل لأنّ عمرها 9 شهور وهالعمر مو مفضّل كثير
عند النّاس ، وممكن أيضاً ينزل سعرها بسب عمرها زي مَ قلتلك ..

أمّآ إذآ كآنت حامل فـ ماتقل عن 1000 ريآل ^^




موفّقه ~

[الخبيرة ناديا]

ماشاء الله عليها

نوعها هجين مابين الامريكي والشيرازي

والشانشيلا تختلف اختلاف كبير عنها من حيث اللون والشعر .

عموما قطتك مو حامل ..وهي صغيره في العمر .

من ملاحضتي لانيابها فهي مابين التسعه والعشر شهور ..

وبخصوص السعر يختلف .

ممكن لو اي احد اعجبته القطه حيشتريها لو هي بالفين مايهمه .

لاكن سعرها بالنسبه للسوق الان ..ماتتعدى الخمسميه ريال .

كل التوفيق لك

[snow kitten]

نوعها شيرازي مون فيس و عمرها 9 اشهر
و في السعوديه اظن انها تباع ب 2000 او 1500 لان في السعوديه الاسعار نار

[Sayo~nara]

اشكركم اخواتي العزيزات .. ^_^
ربي يسعدكم .. جزاكن الله خيرا

شوية احترت معاها وما عرفت نوعها بالزبط بالزبط .. لكن الاغلب يقول انها شيرازية مون فيس وعلى هذا استقريت ..

شكر خاص لـ توزر على تواصلها ^^ ربي يوفقك ويحفظ لكي قطتك...

ارجو اغلاق الموضوع وشكرا للجميع على الجهود المبذولة ^.^

[ميـمو]

اختي المقصود بالمون فيس .. شكل وجهها يعني مو فطسه هي عرفتي

يعني هي مون فيس شكل وجهها

وبالنسبه للالوان ف هي هجين بين اثنين

بين الكاليكو
وبين الشانيلا

روحي قوقل وشوفي النوعين وانتي حتعرفي وحتتاكدي لما تشوفيهم
وبالنسبه لانها تهجم عالذكر .. دا شي طبيعي جدا لانها موطالبه تزاوج حاليا

لما تطلب تزاوج وقتها رح توافق انه يتم التزاوج
واقراي عن الموضوع عشان يكون عندك خلفيه لما تجيها دورة الشبق

وبالتوفيق

[الخبيرة ناديا]

كل التوفيق لك

والله يباركلك فيها

يغلق