يلونابي ينزف من عنده الخبره يسعفنا

[طارق الهولندي]

http://im17.gulfup.com/2011-09-25/1316960344531.jpgالسلام عليكم ورحمة الله وبركاته
ياجماعة الخير عندي يلوناب مجروح والجرح أعتقد انه كما قال لي أكثر من واحد أنه عباره عن فطريات مو بجرح عادي والطير 24 ساعه ياكل في رجله ويجرح نفسه زيادة
السؤال للي عنده( خبره) ماهو العلاج المناسب لأني إلى الأن قالولي أكثر من علاج منها بخاخ لونه أزرق ومطهر (اليود) وزيت زيتون واليوم جاني واحد يقول أفضل علاج هو خل التفاح تضيف معه ماء وتحطه على الجرح لأن الخل يقتل الفطريات ..واليود ينشف الجرح واحترت وش العلاج الصحيح .. الي عنده خبره مع ((( التجربه))) يقولي ومشكورين مقدماً

[==مشغول ==]

ارفق صوره عشان يفيدونك الخبراء

[طلع لي قرون]

ان شاء الله يطيب ..

ننتظر اهل الخبره

[ProOoF]

لا إله إلا الله

الله يشافي طيرك بس يبيله شغل ماهو بسيط والله

بالبدايه ما بيفيد معك إي شيء طالما الطير يستطيع الوصول لرجله

أنتبه من المواد المضره للطير ماادري وش اكتب لك

بس لو طيري أول شيء أسويه أخليه يتأقلم ع الطوق المانع كبداية ثم اعالجه من الي فيه

شوف بيطري جيد قد يعطيك علاج نافع ( مهما بلغت خبرتنا لابد نقف عند امور تخص المختصين )

أسأل الله ان يشافي طيرك - والله أعلم


.....................

سبحانك يارب

[Triple H]

احسن طريقة شغل باله معاك
حط له مسجل اصوات العصافير
وشمسه ساعة خمسة او خمسة ونص العصر
امسح جسمه وراسه 10 دقايق كل ساعتين اوساعة

[يوفاوي الكويت]

الله يشفيه يارب

انا اخاف ان الطير يقطع رجله

انا انصحك اول شي تشتري له طوق او تصنعه له
علي شان ما يعض الرجل

طريقه صنع الطوق سهله

تجيب ورقه الاشعه وتحط صحن دائري وتقص الاشعه علي مقاس الصحن

وتعمل دائره بنص الدائره الي عملتها وتقصها بالمقص

وتحاول تحطها برقبه الطير

وان شاء الله بسويها لك مقطع فديو باقرب وقت

بس للاسف ما عندي اشعه حاليا

وانصحك انك تروح لبيطري مختص وفاهم

اتوقع فيه عيادات بيطريه

[GiVeN©Hy]

لحق على طيرك وروح لاقرب بيطري وان شاء الله ماقدامه الا العافية

[مكاوي اصيل]

الله يعينك يالغالي طبعا الطير ياكل رجله من الفطريات ولازم تحطله طوق . مثل ماقلولك الشباب

واتقرب بيطيري والله يكون في عونك بس اهم شي ......... الطوووق لاتنساه ومن ثم عاااالجه

[طارق الهولندي]

الله يجزاكم خير جميعا وبالنسبه لخوي يوفاوي انتظر المقطع بفارغ الصبر

[كاري]

السلام عليكم
مثل ما قال الاخوان الاعزاء بخصوص الطوق
ولكن اخي العزيز اتوقع يجب تعقيم المنطقة بمواد معقمة مخففه بالماء واعطائه المضادات الحوية التي تساعد على سرعة الالتأم وتحميه من الالتهاب واتمنى الشفاء العاجل