اسئلة عن بغبغاء كوري

[بغبغاء رمادي]

سلام عليكم.......

اتشرف بالتسجيل كعضو في هذا المنتدى الرائع واتمنى الاستفادة والفاده في نفس الوقت ولدي بعض السئلة واتتمنى تساعدوني فيها :

انا اشتريت بغبغاء رمادي المسمى بالكوري اوما يعرف بالغيني :confused:

1- اشتريته بسعر 350 ريال سعودي فهل سعره معقول او قليل ام ماذا؟ ;)

2- سمعت من احد اصدقائي بأن هذا النوع سيء وغير مرغوب في البيع والشراء وانحبطت والله :D

3- يقولون ان هذا النوع صعب ترويضة وان روضته فهو مشاكس وغبي ولا يستوعب كثيرا ولا يتكلم كثيرا:(

4- عمره تقريبا 7 شهور فهل ينفع ترويضه وانا اشتريته كهواياه لا من اجل التجارة والله ...:o


وشكراااااااااااااااااااا

[Octopus]

بيفدوك اهل الخبرة لقيت هذه المعلومة بتفيدك

2 ـ الببغاء الغيني أو الكيني: ويمتاز بإنطوانيته، وعناده، وعدم ترديده الكلام بسهولة، فإذا استأنس أبدى ذكاءه وفصاحته، وحجمه أقل من الببغاء الإفريقي، ولونه رمادي، وذيله أحمر اللون

[kemo506]

وعليكم السلام

انا اخوي اول مره اسمع عن الكوري بس الغيني كنت شاريه قبل اسبوع ب 1500 وبعته امس 1600 ^^ مشكلته انه عنيد و الي سمعته انه ما فيه فرق بين الافريقي و الغيني الا الحجم . واما السعر 350 رخيص اذا كان غيني بس وش لون عينه ؟

[twelve]

وعليكم السلام
سعره بين 300 و 400

[كاسيكو جديد]

اخوي انت كاتب بالعنوان ببغاء كوري وبالموضوع ببغاء غيني وثاني شي بالنسبه للأخ kemo506 لعبو عليك بالمبلغ الي شريته اذا كان ما عنده كلام وانت لعبت على الي بعته عليه ع العموم الغيني اذا طق سعره من اربع ميه الى اربع ميه وخمسين واسف ع الاطاله

[kemo506]

اخوي انت كاتب بالعنوان ببغاء كوري وبالموضوع ببغاء غيني وثاني شي بالنسبه للأخ kemo506 لعبو عليك بالمبلغ الي شريته اذا كان ما عنده كلام وانت لعبت على الي بعته عليه ع العموم الغيني اذا طق سعره من اربع ميه الى اربع ميه وخمسين واسف ع الاطاله

هلا اخوي كاسيكو سعر الغيني في السوق الفرخ 900 الى 1000 و الي عندي عنده كلام .. وعلى فكرة انا ما لعبت على الي بعته الغيني ^^

[المكاو الأسترالي.]

اولا:السعر:سعره رخيص بشكل متوسط

ثانيا:الفرق بينه وبين الأفريقي هي

الأفريقي يتكلم بشكل افضل من الغيني

الأفريقي حجمه اكبر من الغيني

جودة الأفريقي افضل منه ايضا

ولكن ليس غير مرغوب

ثالثا: ترويضه:هو صعب ترويض فعلا ولكن تستطيع مع بعض الجهد ترويضه

وبالنسبة للكلام فهو قليل الكلام مقارنة مع الأفريقي

ملاحظة:الأفريقي يكون اذكى من الغيني

رابعا :عمره:يكون ترويضه وتدريبه من 8 الى 9 شهور افضل لأنه في هذا السن يكون متهيء اكثر

اتنمى اني افدتك

بالتــــــــــــــوفيق

[oasa_123]

سعره معقول و هذا هو سعره في السوق الطير سهل الترويض و ممكن يتكلم بس موب كويس في البيع

[black blod]

انا عندي ببغاء غيني .. اخذته وعينه بيضااا على وشك انها تصفرر خلاص .!!

سمعت من كثير انه ترويضه صعب ولاني ماستمعت لهم واخذت بكلامهم

روضته بسهووووله جددن

وسسعره كان 450 لما اخذته

ومن تجربتي معاه اتمنى اني اقتني مثله 10 ..<<لوو مو السكنن بسس .!!!


ببغائي يتكلم .. ويلعب ويصفر

وذكككي ججججدن .. لاحظظت عليه اشياء استغرببت ان ببغاء يفعلها والرمادي عندي وربي انه اغبى منه ((بس يعتمد على الطيرر على فكره ))

ومافي اي فرق بينه وبين الكاسكو الافريقي العادي

الا في اللون والشكل والحجم

على العكس لاحظت ان الغيني مناعته اقوى

لكن شي وااحد غريب

انه مو اليف مع غيري مع ان كل العيله تحاول معاه لكنه يجعر منهم ولا يبغاهم يقربون منه

عادي يأكلوه ويعطوه اشياء لكن لمس لغيري ممنوع هههه <<وعاجبني هالشي مررره


واسف على الاطاله

وانا من عشاق الغيني ^.^ ومبروك عليك الطيرر

[بغبغاء رمادي]

مشكورين أخواني على الافادة بس اللي لاحظته ولله الحمد بدا يألف لي من خلال اسبوع ماشاء الله وبالنسبة للاخ اللي سألني عن لون عيونه عيونه بيضاء خفيف مائل للرمادي الخفيف اقصد المحيط بعيونه طبعا , عموما مشكورين والله انا هدف الهواية لا التجارة ومن جد ماقصرتوا يا اخواني الكرام بس عندي سؤال كيف اعرف اه ذكر او انثى

[عاشق المينا24]

مبروك عليك الببغاء وان شاء الله تنبسط معاه

[بلاك بيري]

اضم صوتي لصوت المكاو الاسترالي

لكن اضيف بأنه انا لي تجربه شخصيه مع هذا الطير الاكثر من رائع وبصراحه كان لديه من الذكاء ما يكفي لان يجعلني في حيره من امري

طير ذكي جدا يردد كلام مفهوم وغير مفهوم نشيط لعوب اليف يفهمني لكن كانت مشكلتي بالحجم وياه حجمه كان صغير واظن انه هذا الشيء الذي يعيبه اضافه لاغمقاق لون الريش

تقبلوا مروري

اخوكم \ بلاك بيري

[بغبغاء رمادي]

مشكور اخوي بلاك بيري على الرد , لكن للاسف الطير مات من بعد اسبوع من شريته الحين عندي افريقي . لكن فعلا الغيني كان ياكل من يدي وهو عندي اسبوع الافريقي الان شهرين عندي ولا يطيقني ومتوحش :)