الكوكاتو بيموت بسرعه اي حد يلحقني

[البرونزي]

السلام عليكم
مشرفينا الكرام
انا عندي كوكاتو ذو العرف الابيض (غوفن) بس مو اليف
وديته المحل علشان يدربه بس اليوم رحت اشوفه لقيته مريض
هو فيه اسهال اعزكم الله وكله نايم ولا ياكل اي شي
والصراحه خايف يموت خصوصا ان هذا النوع ما تلقاه بسهوله وانا احبه وايد
بالنسبه لعمره تقريبا 10 شهور
وعلى فكره راعي المحل قالي ان عطاه مضاد حيوي شراب
لكنه للحين ما صار زين هاي الكلام من 3 ايام
وبكره انشالله بوديه البيطري
برايكم شنو المرض اللي عنده وخصوصا اني لاحظت ان المحل بارد زياده عن اللازم
ولكن في نفس الوقت ما لقيت افرازات على خشمه ولا عينه
واسف على الاطاله

اخوكم البرونزي

[البرونزي]

محد يبي يرد علي؟؟

[تاكو]

البرونزي
اولاً الطبيب البيطري الجيد هو المساعد الأول بعد الله
بعدين امراض الطيور الصغيره جداً محرجه
لايمكن ان اي شخص قد يفتي دون ان يرى الطير حتى الطبيب
لكنك قلت المحل بارد زيادة هذا طبعاً مضر ممكن اخذ عدوى
وبعدين يكون في علم الجميع ينبغى اخذ الحذر هذه الأيام
وذلك لتتغير الجو وسرعة انتقال الأمراض هذه الأيام
اخي برونزي ارجوك خبرنا على طيرك وماسيحدث معه عند البيطري

[البرونزي]

تسلم اخوي تاكو على الرد
وعلى العموم انشالله بس يستحمل لين بكره وانا بوديه اول ما يفتح البيطيري

وتحياتي لك يا تاكو

[تاكو]

طمني الله يخليك...يابرونزي

[قناص]

الله يوفقك انشاء الله يا اخوي يالبرونزي . .

ونتمنى للطائر الصحة والعافية . . ومثل ما قال عزيزي تاكو يجب أخذ الحيطة في هذه الأيام وهي وقت تقلب الجو . .

وشاكر لك . .

[البرونزي]

افهم من كلامك ان ما نقدر انا نشمس طيورنا هالوقت؟؟
لان عندي كاسكو يوميا اشمسه برع لمدة 15دقيقه اول الصبح

[تاكو]

نعم ابتعد عن التشميس
او قلل المده ويكون في الصباح الباكر
تكون الشمس بارده

[البرونزي]

شكرا لردودكم
واحب اطمنكم ان الطير الحمدلله صار احسن شوي
بس الدكتور قالي لازم يستمر على العلاج
وانشاءالله يكون احسن

وتحياتي لكم

[عاشق الأبيض]

اقول خذه للبيطري
بيكون افظل