كم سؤال بخصوص "اسويتي"

[zainab_ali]

http://www.2zoo.org/get-10-2011-2zoo_org_g12rjmh5.JPG (http://www.2zoo.org)
هدي سويتي ...
حابة اعرف شنو نوعها؟؟ او كم عمرها..؟
وفي مشكلة انها دائما تأكل كل اشوي او لو ما اعطيها تلزق فيني لين اعطيها ودائما حليب والأكل الخاص حق القطط لمعلب هل هدا الشي طبيعي ولا كيف....؟
وبعد ما تاكل اتصير عدائية وتتحرك واجد وتشمخني وتنحاش؟؟
انا طعمتها بس دائما تعاطس هل هدا طبيعي؟؟

[الخبيرة ناديا]

اهلين فيك معانا

ماشاء الله عليه

نوعه هجين مابين الامريكي والبلدي

وكل القطط تلعب وتمخش خصوصا الصغيره في العمر ومثل نوعها .

بخصوص العطاس ..طبيعي اذا لم تكن القطه خامله او متوقفه عن الاكل .

[Octopus]

اعتقد عمرها تقريبا شهرين :)

و انشاء الله تشوفين احفادها و عيالها:)

[zainab_ali]

يسلمووو على المرور ولافادة
انا عرفت انه عمرها4 اشهر كيف بالنسبة الى الاكل احدد ليها وجبات لو اعطيها بكيفها

[snow kitten]

نوعها بلدي هجبن

[snow kitten]

بالنسبة للاكل اعطيها
جبنة كيري
بيض مسلوق
لحم
دجاج
سمك مرة واحدة اسبوعيا
حليب
لبن
دراي فوود و حجات كتيييييييييييييييييييير

[#مايا#]

الاكل نوعيلها

جبن \ خضار مع دجاج \ لحم \ سريلاك \ حليب السعودية فقط ! \ رز \ مكرونة \ كوسه مهروسة مع جزر مبشور ودجاج


:")

مايا

[امال شاعر]

الله يحفظها لك هي بلدي هجين وهادا النوع لعوب وزكي جدا

حددي وقت الطعام يعني اعطيلو اربعه وجبات في اليوم وشيلي الاكل بعد مايخلص

هادا ان كان اكل البيت او معلب والدراي فود خليه امامه على طول والماء

لا تنسي التطعيمات

[zainab_ali]

مشكورين
انا طعمتها وديتها بيطري عطوها خمس تطعيمات
جربت اعطيها اكل من البيت ما اتاكل لا طعام القطط لا يجي في كيس وعلى طول تشرب حليب
...لاكن شنو الداري فود؟؟وبالنسبة الى النوع البلدي هل هو ممتاز او خربوطة
وهل اقدر ازوجها من شيرازي

[فاتـــو]

هذي عمرها من 3 الى 4 شهور وباين عليها ضعفانه
اكليها وغذيها ونوعي لها الاكل
الدراي فود هو عباره عن طعام جاف وهو يؤكل جاف
يعني مايضاف عليه شي واغلب القطط تموت فيه
وبالنسبه للقط البلدي فانه من احسن انواع القطط
بالنسبه للعب والذكاء والشخصيه
وبالنسبه للتزاوج انصحك تزاوجينها من شيرازي بنفس اللون

[zainab_ali]

مشكورين على المرور والافادة