؟؟؟كيف أتعامل مع فضلات الببغاء خارج القفص ؟؟؟

[شغوف]

السلام عليكم ..
أنا عندي ببغاء غيني ما شالله تروض في جلستين .
وفيه ذكاء الله يبارك فيه .
لكن عندي سؤال :
كثير أقرأ للإخوان اللي يقول الببغاء يجلس يتمشى في البيت ثم يرجع للقفص أو الاستاند .
واللي يقول أول ما يشوفني يطير عندي .
سؤالي : كيف تتعاملون مع فضلات الطيور خارج القفص لأنه لا بد أن ( يعملها ) :D أحيانا على السجاد ، وأحيانا على الكنب وأحيانا على الطاولة .
وأيضا : وش موقف الأهل من هذا التصرف ؟

[شغوف]

يا إخوان ما زلت أعاني من هذه المشكلة
هل يوجد حل ؟

[houston]

الحل منديل تشيلها وبعدها منشفه فيها ماي تمسح الباقي

انا من جذيه خليت الصاله سيرميك ،،، بس الحبيب مايرضي يوصخ اللي علي السجاده ههههههههه

[شغوف]

جزاك الله خير هيوستن ..
ما سمعنا تجارب الإخوان الباقين ..
لأن الموضوع صراحة محير ومزعج خصوصا مع الأهل .

[ووz]

مافي حل يا اخوي الا انك تحبسه في القفص وهذي اعتقد انها صعبه !

وفقك الله

[مسك]

السلام عليكم

موضوع الفضلات ماله حل والله أعلم يمكن في أحد قدر يعلم بس ما سمعت وماأعتقد
أنا ليه عندي ثلات سنين وعجزت أعلمه أنه ما يعمله
بس ما يذكر يعملها الا وأنا فتحتله القفص عشان ينفض جناحه شوي علي الستاند
أحاول أترك القفص والستاند علي الارضية التي غير سجاد بس وأجهز المسحة والمطهر

وهي مو قصة فضلات بس والريش الصغير جدا يتطاير في كل المنزل
الاهل مضايقنا بس مافي سبيل بقي فرد من العيلة ولا أستغني عنه الله يعين

[يوفاوي الكويت]

السلام عليكم

موضوع الفضلات ماله حل والله أعلم يمكن في أحد قدر يعلم بس ما سمعت وماأعتقد
أنا ليه عندي ثلات سنين وعجزت أعلمه أنه ما يعمله
بس ما يذكر يعملها الا وأنا فتحتله القفص عشان ينفض جناحه شوي علي الستاند
أحاول أترك القفص والستاند علي الارضية التي غير سجاد بس وأجهز المسحة والمطهر

وهي مو قصة فضلات بس والريش الصغير جدا يتطاير في كل المنزل
الاهل مضايقنا بس مافي سبيل بقي فرد من العيلة ولا أستغني عنه الله يعين

عليكم السلام

انا واحد من الناس الي علمت الطير ان ما يسوي شي الا بالامر

وكان الطير غيني ( تمنه ) وتعلم باقل من شهر تقريبا

مع الصبر والتدريب مافي شي مستحيل

والطريقه كانت سهله بشرط يكون الطير اليف ومروض

اذا كان الطير يبي يخرج الفضلات يسوي حركه معينه

قبل لا ينزل الفضله اشيله واعطيه امر مثلا ككه ككه ويخرجها

وقعدت اراقب الطير واطبق نفس الطريقه

بالاخير والله العظيم اني من اطلعه من القفص واعطيه الامر

يخرج الفضله واطلعه يلعب بالبيت وتعود ما يسويها الا بالقفص

او لما اعطيه الامر

وفيه موضوع لاخوي العزيز غسان الاشقر عن اخراج الفضلات

اعلم بحث وتحصله ان شاء الله

اما قصه الريش الصغير هذا شي طبيعي ويمكن الطير يبدل ريش

اذا كان الريش ابيض من القطن

وكل التوفيق

اهم شي الصبررررررررررررررررررر

[999 سالم]

أما بالنسبه لي أنا أحط تحت القفص قطعة قماش تكون اعرض من القفص

ثم أطلع الاكل والماء وأركبه عكس عشان يأكل ويشرب من برا والقشر والبراز يسقط على القماش

اما اذا نزل يتمشى هنا المشكله بس مايطول يرجع للقفص

[شغوف]

جزاكم الله خير ..
ما قصرتوا ..
يبدو الجميع يعاني مثل ما أعاني وهذا يسليني شوي ..
نجرب طريقة ( يوفاوي الكويت ) ونشوف إن شالله . لعل وعسى .