نداء الى الاخ سكرولايهنون الباقين

[الكاسكو تومي]

اول شي انت فعلا بطل ومحترف ياسكرماشاءالله عليك وماتوفيك اي كلمه و ماتتصورفرحتي يوم

الخطه نجحت :88: حسيت ربع الهم انزاح لان وقتي كله يضيع عليه وامي اصبحت تكرهه لهسبب

واذا نجحت باقي الخطه واصبح ياكل اكل منوع من نفسه امي راح تدعيلك مو انا بس

حتى الاعضاءاللي طيورهم عنيده مثل طيري راح يستفيدون ويدعون لك

الحين ابيك تعلمني وتكمل باقي الخطه كيف اخليه ياكل

1- الخضروات المهمه مثل الفلفل والجزروالخس والجرجيروالطماط حاولت فيه يومين مارضى ياكلهم مع انه ميت عطش حتى الرزوالدجاج

بعدين رحمته وعطيته قطعه صغيره برتقال اكلها بعدماكان يكرهه بجنون بسبب الما ءاللي يتتطاير منه(وماادراك مالعطش)ههههه :Dوبعدها رجعت وعاء الماء والعصر اليوم عطيته قطعة تفاحه والا الان معطشته وحاطه عنده فلفل وطماط وجزرمبشور دخلت عليه عشان اعطيه دوارالشمس لقيته مالمسهم ويوم شافني ضغط ع الجزربفمه عشان بس تنزل موية الجزربفمه بعدين رماها بس مااكلهم

2-عندي 3اكياس منوعه من الحبوب البلجيكيه والفواكه المجففه من النوع الغالي كيف اخليه ياكلهم جربت كل الطرق ومانفع ا

النتيجه من الخطه(صارياكل التفاح والبرتقال) لمايعطش فقط وانشالله هذي البدايه

[الكاسكو تومي]

قولوماشاءالله الحمدالله فيه تقدم اليوم اكل الطماطه :12: بماان طيري الاحظ انه ماياكل بالنهارواذا

مااكل مايشرب فأنا شلت المويه عنه من الساعه 10الصباح

وهوماشرب من الساعه 5ونص الفجرقبل ماينام حطيت عنده خس وملفوف وع الساعه 12 دخلت ا

اغيره الاكل برضوه مالمسهم وقدمتله 3مكعبات صغيره طماط طبعا من العطش مصمص فيهم بعدين

رجعت له الماءوصارمثل اللي ضايع بالصحراءوشاف له واحه:D

بحاول فيه لحد ماياكل الخس والجزروالفلفل ياانا ياهو

[الكاسكو تومي]

اليوم وضعه مو عاجبني ابدامن الساعه6الصباح رفعت عنه المويه وبعدالظهرعطيته تفاح ومارضي ياكله ابدا واذا اعطيته بيدي ياخذها ويرميها على طول ومااكل من الليل دوارالشمس عطيته فول سوداني مااكله ع المغرب اكل حبتين دوارالشمس وايضابيكون تم 12 ساعه بدون شرب يعني عطشان مارضي ياكل الفاكهه عطيته برتقال وكمثرى ولما اعطيه يرميهم وبرضوه سلقت له قطعه صغيره كوساوبطاطس وجزر قلت يمكن طفش من نوع الاكل وماكوه فايده خبروني ايش معناة سلوكه هل فيه شي او فهم الخطه ويعاند

[الكاسكو تومي]

بعد14ساعه وهو عطشان امس جلست احاول فيه مارضي ياكل الفاكهه جلست اسولف عليه ولاول مره يسوي

هالحركه معي طلع مثل التصفيره صغيره وبصوت واطي واشياء مثل البيبي مو مفهومه توقعت يبي يتكلم لاني

من شهوروانا انتظره وخاب ظني لاني يوم كررت عليه كلمة ماما عشان ينطقها سكت وكأنو الكلام موعاجبه او

مايبيني القنه الكلام

فجأءه جاببالي انويشكي لي بسبب عطشه وطيران واعطيه المويه وبعدها سكت سولفت معه ولا فيه امل انه

يكررنفس الشي وبعدها اكل شوي دوار الشمس

[الكاسكو تومي]

واليوم نفس الموال من يصحى يصوم لحد اذان المغرب وقتها يبدى ياكل كم حبه دوار الشمس والباقي عند النوم و

الفواكه ماعاد اكلها موعارفه سبب تصرفه

[فتّو]

اهلين اختي

آسف على خطمتي :)

ولكن الباين عليك انك بتجبرينه على الأكل أو الشرب

لاتستعملي معه الغصب في كل شي مو بس الاكل

شيلي عنه الأكل والمويا

وبعد 5 ساعات حطي له ذره طازه من محلات الذره أو انتي سويها

بس خليها ساده بدون زبده وملح

الذره تحتوي على مويا بداخلها

يعني 2 في واحد وبنفس الوقت على حسب كلام خبير الطيور اللي عندنا

لما سألته قال الذره فيها عناصر غذائيه متعدده مهمة جدا جدا والأهم انها [ فاتحه للشهيه ]

وعادة الببغاوات اذا شاف الذره مايمسك نفسه يطب عليها على طول


وخليك يوم أو يومين تراقبينه من بعيد بدون ماتقربي منه

وان شاء الله ترجع شهيته أفضل من أول

[الكاسكو تومي]

الذره عودته عليه يعني بالليل اذا مالقى غيرها ياكل اللي بداخلها ومو مره يحبهاوانا ابيه ينوع بالاكل والحبوب موبس دوارالشمس وذره اهوعادي يجلس يومين مسويهااذا مالقى دوارالشمس
وشكراعلى مرورك

[سكر]

هلا ميمو ,, اشكرك في البداية على كلامك الطيب الله يسعدك

وبصراحة نسيت بداية الموضوع ليتك علقتي على نفس الموضوع او حطيتي رابط الموضوع الاول

لكن بشوف وش الموضوع الاول وبشوف وش الخطة اللي مشينا عليها وارد لك

بس في كل الاحوال لا تتعبي نفسك كثير مو شرط ينوع كل يوم

حلو انك تعطيه شي جديد كل اسبوع وجبة او وجبتين والباقي حبوب عادية او اللي يحبه هو

وربي يوفقك

[سكر]

هذا رابط الموضوع

http://www.2zoo.com/vb/showthread.php?t=240223 (http://www.2zoo.com/vb/showthread.php?t=240223)


على العموم اهم شي وقت ماتعطيه الاكل تبعدي عنه شوي وتخليه لحالة يستكشف الأكل وماتبقي على راسه

وقفتك عنده تخليه يرمي الأكل ومايركز الا معاك انتي




ثاني شي جيبي علبة مناديل فاين فارغه وانزعي البلاستك الشفاف اللي يجي في وسطه,, وحطي جواته الأكل اللي تبغيه ياكله

واعطيه اياه بأرضية القفص وخليه

أو جيبي اي سنتوب او سنكولا فاضي وحطي جواته الأكل وقفليه تقفيل عادي,, لاتشقية كثير عشان تحطي الأكل

وارميه له بالقفص وخليه ينتف فيه وبياكل اللي جواته من اكل


وبلغيني بنفس الموضوع هذا لاهنتي


تحياتي

[الكاسكو تومي]

انا يأست منه خلاص ماعمري شفت طير يعاند على حساب نفسه :64:

بعدماشرب ع الساعه12بالليل رفعت عنه المويه وع الساعه 11الصباح طلعته برا ع الستاندوالساعه 12حطيت خضاربعلبة المناديل مثل ماقلت لي ورجعته ع القفص لوحده بالغرفه تركته نص ساعه رجعت ماتحرك من مكانه فوق العصا اخذت حبة دوارالشمس وقربتها عنده ولما فتح فمه رميتها بالعلبه وهو يشوف عشان يفهم ان داخل العلبه اكل طلعته فوق القفص وبجنبه العلبه وتركته اكثر من نص ساعه ولافكر يتحرك بنفس المكان جالس قهرني دخلته بالقفص وحطيت الخضاروكم حبه دوارالشمس والفاكهه بوعاءالاكل وطلعت بعد3ساعات وشوي رجعت له لقيت رامي حبة الفاصوليا ومااكل شي غير كم حبة دوارالشمس
مع انوله اكثر من 16ساعه لااكل ولاشرب وعادي عنده


بعدين طلعته بالحوش وفكيت العصا عشان يجلس بأرضية القفص وينتبه للعلبه المره هذي جربت علبه العصيروكل شي سويته قدامه عشان يعرف بداخل العلبه اكل وتركته لحد المغرب ولافكريقرب عندها طفشت منه وعطيته ذره واكل شوي قدامي ماعنده اي مشكله


هل طيري غبي ومايستوعب:(

او اذاشريت طيرثاني ممكن يغاروياكل

[Prof.a.m.g]

الســـــــلام علـــيكم ,,

أعتــذر لصاحبة الموضوع ..

بس ممكن يا أخ سكر ترسل لي رقمك برسالة خاصة (( للضرورة )) أو أي وسيلة اتصال ممكنة
وشكــــــــــــــــــــــــرآ

[الكاسكو تومي]

؟ ؟ ؟ ؟ ؟

[سكر]

الســـــــلام علـــيكم ,,

أعتــذر لصاحبة الموضوع ..

بس ممكن يا أخ سكر ترسل لي رقمك برسالة خاصة (( للضرورة )) أو أي وسيلة اتصال ممكنة
وشكــــــــــــــــــــــــرآ


هلا فيك ياغالي

ايميلي موجود بملفي بالمنتدى تواصل معاي وابشر

تحياتي

[سكر]

اختي

طولي بالك في التعامل مع ببغائك

ولاتستعجلي النتائج

اعتقد ان ببغائك ذكي جداً، ومن ذكائه انه يعرف اذا تركتيه شوي انك بترجعي له

ويصير طول الوقت يترقب جيتك ويراقب الوضع لين تجين


كثرة مراقبتك له وتغيير وضعه وعدم تركه وقت كافي بوضع ثابت يخليه غير مستقر نفسياً ومتوتر ويضن الضنون


ابي منك تحاولي توقفي عن التدريب معاه لمدة كافيه حوالي اسبوع

لا تحتكي فيه نهائياً، حتى الاكل خلي غيرك اذا امكن يعطيه.

ولاتعطيه غير الاكل اللي يحبه.

اما الخضار والفواكة اذا احد بيعطيه فليكن قليل جدا

يعني ربع تفاحة تعطيه نصها

او ورقة خس صغيرة

فقط للتجربة


بالنسبة لعلبة المناديل المفروض ترميها باسفل القفص وتنسيها ولا تراقبيه ابد

اتركيه براحته ولا تستعجلي يمكن ينزل يستكشف ويمكن لا المهم لا تحسسيه بمراقبتك وتترقبي كل شوي وتشيكي،،

قد تجبر الخيل للنزول الى النهر ولكن لا تستطيع ان تجبره على الشرب


في الاخير يا اختي غطي قفص الببغاء في الليل بغطاء او لحاف حتى ينام، واحذري من مضايقته لما تغطيه

اتركيه يشعر بالامان كل ماغطيتيه بالغطاء

واذا كل شوي تكشفي الغطاء راح تفشل المهمه حتى لو كشفتي الغطاء مرة او مرتين في الليله راح يفقد الامان.


ملاحظة: بعد ردي السابق اشوفك استعجلتي وبسرعه تبغي النتائج مغ انع ما مر الا نص ساعه من انتظارك او ساعه

والمفروض يمر اسبوع



وسامحيني على التأخير لكن بحاول ارد بأقرب وقت


تحياتي

[Prof.a.m.g]

هلا فيك ياغالي

ايميلي موجود بملفي بالمنتدى تواصل معاي وابشر

تحياتي

طيب مشكور أضفتك على الماسنجر

إيميل Yahoo

[سكر]

طيب مشكور أضفتك على الماسنجر

إيميل Yahoo

راسلني ياعسل ع الايميل لان دخولي الماسنجر نادر

تحياتي

[الكاسكو تومي]

اشكرك يااخ سكرلمتابعتك وهذايدل على طيبك
راح اردع كلامك بشكل نقاط


_مافهمت قصدك بتوقيف التدريب اذاقصدك ع الاكل اللي بداخل العلبه اهي بس مره سويتها

_كيف مااحتك فيه اخاف يزعل وهو يشوفني قدامه مااكلمه ولا اشيله ولا احك له راسه لانومن الصباح اطلعه عند التلفزيون مكان جلستنا وغيركذاانا اشتاقله كثيراذا طلعت فكيف بصبراسبوع بدون مااقرب منه ايش الفايده من هالشي

_اذا غطيته بيكون حرعليه وهو مايحب الغطاءعلطول ينفش ويخاف وهو ينام لوحده بغرقه مظلمه هل لازم من الغطاء

_وانا اللي فهمته من كلامك انه من اول مايشوف العلبه راح يستكشفها وياكل اللي بداخلها هذا اللي واضح من كلامك

بس بالمحاوله الثانيه مااستعجلت تركته اكثر من 3ساعات وماتغير شي

وهو بالعكس عادي ياكل قدامي هذااللي اشوفه وهو من النو ع اللي مايتحرك واذا نزلته ع الارض

يمشي شوي بس ويوقف مايحب يتحرك او يتمشى

[سكر]

هلا فيك اختي

والعفو ماسوينا شي

بالنسبة لعدم الاحتكاك اسبوع مايضر

اما العلبة فمو ضروري يستكشفها خلال ثلاث ساعات يمكن يوم او يومين ويمكن مايستكشفها نهائيا بس لابد من المحاولة


اللحاف مو شرط يكون سميك

غطيه بأي شي المهم انه بالداخل مايصير يشوف احد ويضن انه في مأمن عشان ياخذ راحته في الاستكشاف والنوم والهدوء


وفي الاخير اتمنى تراجعي كلامي الأول وتطبقيه بالطريقه اللي تناسبك موشرط تمشي عليه بالحرف


تحياتي

[الكاسكو تومي]

اعذرني بس مارديت ع تساؤلاتي 1-ايش الفايده اني مااحتك فيه اسبوع من باب اني اتحمس اكثر

2-وبرضوه انا قلت انه ينام بغرفه لوحده هل لازم من الغطاء