الرجاء المساعده لقطي .. زكمه وعطاس

[anas957]

السلام عليكم ورحمة الله وبركاته
انا من وقت ما ربيت قطي من هوا عمره 3 أشهر الى الان وانا اتابعكم
واستفدت كثير منكم ما شاء الله عليكم
مشكلتي هيا التالي ...
انا عايش في مكة وتعرفو الجو الحار يعني لازم مكيفات :( .. وما يطاوعني قلبي انو اطلع قطي (لولو ) برره الغرفه اللي انام فيها:freind: ... لكن من فتره صرت امنعه انو ينام في الغرفه معايا واخليه ينام في الصاله وفي اماكن دافئه يعني ما فيها مكيف مباشر عليه :64:
وجاته زكمه وعطاس مرتين ... المره الاولى وديته على الدكتور واخد علاجه كورس تلاته ايام ابر ورا بعض ومشي حاله الحمد الله
والمره التانيه نفس الشي ومشي حاله الحمد الله من اسبوع تقريبا
ودحين برضه رجع معاه نفس الشي زكمه بسيطه وعطاس بسيط
لكن لازم يتعالج اتمنى انكم تعطوني الحلول ...
شكرا لكم

[#مايا#]

حط عليه كمادات :)

ولا تخليه قريب من المكيف

واتمنى اني ساااااااعدتك واي شيء اتذكره اكييد حااقوولك


8
8
8

[الخبيرة ناديا]

القطط الصغيره ماتتحمل تقلبات الجو من بروده الى حراره والعكس .

خصوصا المكيفات والسيراميم من اهم اعداء القطط وسبب الامراض.

حاليا اعطيه مضاد بيتاموكس :: الجرعه نصف قطاره كل 12 ساعه لمده خمس ايام .

واكليه زبادي بعسل كثير مفيد له .

ولابد يكون الزبادي دافي .

[anas957]

حط عليه كمادات :)

ولا تخليه قريب من المكيف

واتمنى اني ساااااااعدتك واي شيء اتذكره اكييد حااقوولك


8
8
8

اوكي راح اخليه بعيد عن المكيف وانا مسوي هذا الشي من اول
شكرا لكِ

[#مايا#]

اوكي راح اخليه بعيد عن المكيف وانا مسوي هذا الشي من اول
شكرا لكِ



العفووو

ولا تنسى تطمنا عنها ;)

مااااااااياااا

[anas957]

القطط الصغيره ماتتحمل تقلبات الجو من بروده الى حراره والعكس .

خصوصا المكيفات والسيراميم من اهم اعداء القطط وسبب الامراض.

حاليا اعطيه مضاد بيتاموكس :: الجرعه نصف قطاره كل 12 ساعه لمده خمس ايام .

واكليه زبادي بعسل كثير مفيد له .

ولابد يكون الزبادي دافي .

اختي ,,,
قطي عمره سته سنين .. يمكن فهمتيني غلط او انا ما وضحت عمره هوا معايا من هوا صغير الى الان وكان في الجو البارد في الاردن ما يصير فيه زي كذا
المهم ... عمره ست سنين .. الزكمه بسيطه وعطاس وسيلان من الانف (( الله يكرمكم ))
من بعد اذنك اعطيني الجرعات مره تانيه بعد ما عرفتي العمر
وهل ارجعه على الدكتور مره تانيه ولا لا ؟ واجيب المضاد من الدكتور البيطري ولا الصيدلية اللي جنب بيتي :p

[anas957]

اكيد راح اطمنكم بإذن الله
شكرا لكي ... مايا

[الخبيرة ناديا]

اختي ,,,
قطي عمره سته سنين .. يمكن فهمتيني غلط او انا ما وضحت عمره هوا معايا من هوا صغير الى الان وكان في الجو البارد في الاردن ما يصير فيه زي كذا
المهم ... عمره ست سنين .. الزكمه بسيطه وعطاس وسيلان من الانف (( الله يكرمكم ))
من بعد اذنك اعطيني الجرعات مره تانيه بعد ما عرفتي العمر
وهل ارجعه على الدكتور مره تانيه ولا لا ؟ واجيب المضاد من الدكتور البيطري ولا الصيدلية اللي جنب بيتي :p


اسفه ..افتكرت 3 شهور ..لانك كاتب 3 شهور بالبدايه .

عموما مايحتاج ابدا الى بيطري الا اذا كانت حالته شديده ..وقتها بيحتاج الى ابر مضاد .

حاليا اعطيه مضاد بيتاموكس ملئ قطاره كامله مرتين في اليوم ..صبح ومساء

لمده خمس ايام .

المضاد موجود في الصيدليات البيطريه او عند البيطري

[anas957]

تم إن شاء الله
راح ابدا فيه واردلكم خبر
ريحتوني ,,, الله يحريكم

[anas957]

اعزاائي ...
سويت زي ما انتم ذكرتو
1) جبت الدوا بيتاموكس 1 مل مرتين في اليوم . مرت تلاته ايام تقريبا
2) اعطيته لبن وعسل ... مع انه ما يحب العسل لكن خلطتهم مع بعض ومشي الحال ياكل قليل مو كتير منه
النتيجه :
خف عن اول لكن احس لمن احط شي جنب انفه يشم بقوه وفيه شي بسيط من الاحتقان ... وفي شوية سيلان من الانف
وبعيد عن المكيف وما صار يقرب جنب المكيف
والله ما اعرف ايش اسوي ... دلوني الله يعطيكم العافيه

[دلوعةقطوتي]

الله يشفيه
كمل المضاد ل5 ايام لو ماتحسن كمله ل7 ايام بس اهم شي التزم بالوقت كل 12 ساعه
واكله دجاج مسلوق وابعده عن المكيف وخليك عالزبادي الدافي والعسل جدا مفيد

[anas957]

الله يسعدكم جميعا ويوفقكم جميعا
ويخليلكم قططكم ويحفظها لكم
الحمد الله قطي لولو صار كويس الحمد الله
كملت المضاد زي ما قلتو لثمانيه ايام تقريبا
ودحين صار ميه ميه ما شاء الله عليه
ورجع للعبه وحركاته
شكرا لكم