مارايكم يقول ان الببغاء يصبح حار ويتكلم بكثرة اذا

[سعيد شعبين]

بعض مربين الطيور يقول اذا اردت ان يكون حار ويتكلم بشكل دائم فلا
تعوده الطلوع على اليد
والبعض يقول لاتطلعه من القفص ابدا
وبعضهم يقول لاتخليه اليف خله طير قفص فقط

ارائكم

[*هاوي البادجي*]

الحرارة مو انت اللي تزرعها بالطير

هو من ينولد يكون حار او لا


والكلام

من ناحيتي انا طيوري اليفين 100% وما يقعدون بالقفص


والكلام بسم الله ماشاء الله

يعني على حسب المدرب بالكلام

اخوك فواز

[ابو تماضر]

انا خبرتي بسيطة
بس أقول إنه على حسب المدرب
هو من يتحكم في شخصية الببغاء

[qwqw1]

انا من راي مب شرط اتخلي في القفص و لا تخلي برا يعتمد ع الطير و ع المدرب واخيرا في بعض اللعيبة حصلو على تمرين مثل ميسي بس ما استوا مثله في النهاية موهبة و نصيب

[ksa-dhoom]

سؤال اخوي انت ترضا احد يسجنك؟
انا من وجهة نظري توسع صدرك مو تحبسه مو تحبسه
وثاني شي ارحم من في الارض يرحمك من في السماء

[بووسلطان]

صحيح كلام الاخوان على حسب تعويد الطير وتربيتك له انا اعرف شخص طيره عنده بالقفص 9سنوات تقريبا او اقل والطير حار بالكلام وممتاز ليه لانه متعود على القفص يعني لو بيطلعه مايبي يطلع هههه تعود على القفص طبعا على حسب التعويد لكن العادة انو الطير يفتل اذا طلعته هذا طبعا بالفطرة لكن اذا عودته يتغير سلوك الطير وشئ اخر مهم هو اذا حاب تخلي الطير يكون صوته قوي وواضح خليه بالقفص يحس نفسه محبوس ويقوم يتكلم بصوت قوي وهذا مجرب طبعا

[BLACK KOKO]

كل طير وله صفاته ووميزاته

ودور المدرب يقتصر فقط على النواحي التغييريه للطير

يعني حرارة الطير فطره فيه من الصعب تنميتها من قبل المدرب

على العكس تماما صفة الكلام .. ممكن للمدرب أن ينميها حسب إمكانياته

أتمنى اكون أفدتك ،،

[مـحـمـاس الـمـنـحـاس]

اخوي سعيد
انا مع كلام اخوي فواز
الحراره مو انت اللي تزرعها بالطير


لكن
يعمد الكثير من المربين او الملقنين الى ترك طيورهم داخل القفص اغلب الاوقات وبالذات وقت التلقين
وايضا يعمدون الى عدم وضع الالعاب للطائر وايضا عدم وضع الطائر في قفص واسع جدا
وذلك لكي لايفقد الطائر تركيزه او ينشغل باللعب
يعني في الوقت اللي بيكون الطير على ايدك بيكون طبعا يلعب معك وينشغل معك ومع المؤثرات الاخرى اللي حوله
ونفس الشيء لما يكون فوق القفص او حتى اذا كان عنده العاب راح ينشغل بها

ولكن من ناحيتي الشخصيه اتوقع ان هذه الفكره خاطئه
وانه كل ما كانت نفسيه الطير مرتاحه اكثر كلما اعطاك اكثر

اتمنى تكون الفكره وصلت وتكون استفدت

[الكاكي]

الغذاء الجيد
والمحافظه على النظافه والاستحمام والتشميس
والعوامل الوراثيه للطير ........................
كلها عوامل تؤثر بحركة الطير ونشاطه
اما بالنسبه للكلام في مقوله ان الطير الغير اليف صوته اعلى (كلام غير صحيح ) لان سبب ارتفاع الصوت عند الطير الغير اليف التلقين من بعيد واكيد راح يكون بصوت عالي وهو يلقط الكلام بدرجة ارتفاع الصوت .
يعني لو لقنت طير اليف بصوت عالي راح تحصل على صوت عالي .

[عوكل الجن]

الموضوع قوي ويبغاله ابحاث صرااااحة على الموضوع هذا ليش ما نسأل الغرب مو يعرفون كل حاجة هما

[*هاوي البادجي*]

عوكل .. انت تدري الحين شنو قاعد تسوي انت حطمت كل اعضاء المنتدى ومنهم انا الغرب وش الفرق بيننا وبينهم

مافي فرق عندهم عقول وحنا عندنا عقول وفي بعض الاعضاء يفوقون اكبر خبير غربي


اتمنى انك ما تحط النفوس مره اخرى


ولك احلى تحية

[عاشق اللأحساس]

السلام عليكم حسب رأي المتواضع
أن أذا كان بداخل القفص أو خارجه لا تعني شيئ
الامر كله يعود الى الطير والمدرب وبلأخص
الطير أذا كان مرتاح وعمره صغير يكون زي
الخاتم بأصبعك والله أعلم .
,,,,,,,,,,,,,,,,,,,,,,,,,,,,,,,,,,,,,,, والله ولي التوفيق .

[redabagdadi]

لا يوجد رابط بين ما تقول و حرارة الطير

ا

[الاحمدي2011]

الحراره والذكاء سبحان الله تختلف من طير لطير