الحقوني

[*القلب الصافي*]

انا موب عارف شو اسوي

تحيدون يوم قالتلكم انه اخوي موب راضي على القطه؟

هو اليوم ياي عندي وهو توه ياء من السفر ومعصب قالي ليش ما بعت القطه؟ قاليتله ما حد راضي يشتريها>>>عشان يسكر فمه

قالي عكها في الشارع ولا انا بشتريها وبعكها

وقالتله انا اصلن ما ابا ابيعها وقام وعصب وسوا مشاكل وانا خوفي

يسويها ويعقها نفس ما عق قطوتنا كويني

والله انا خايف وايد قالولي شو اسوي واهلي كلهم موب مهتمين

فا ما لقيت غيركم اشكيه بليز ساعدوني.

[إفيان]

حاول تعرف وجه نظره ليش يبي يقطها بره ؟

[مجنونه بس حنونه]

عكيها احسن لك

[amel]

أنا من رأيي لما مو راضيين و كلهم ضدك و لو وريتيلهم وجهة نظرك و ما رضيو
بيعيها عشان تتمتع بحياة أفضل من الشارع.

[مخاوية قطاو]

انا اقول بعها افضلها
ومدامه مصر على رميها في الشارع اقول بعها

[شقاوة قطاو]

اذا قطوك اهلك مو راضي بوجوده
شوف احد يبغى القطو من قرايبك منها انك ماتبتعد
عن قطوتك كثير ومنها تعطيها احد يهتم فيها ويرعاها
وبعدين تقدر تتطمن على قطوتك كل ما اشتقت لها

[Lonely Hunter]

بيعها عليه بالغالي ;)

و بالفلوس اشترلك حيوان يرضون عنه اهلك

الباب اللي اييلك منه الريح ... سده و استريح

[Dominique]

والله تبي الصراحة وماتزعل

أنا باطين جبدي اخوانك بصراحة

دام الراس العود موافق يعني ابوك

اهم شكو

شدخلهم؟

الحمدلله اني البجر

خلاص يبا قبل لا يحرق قلبك عليها بيعها حق ناس ثقة ويعتنون فيها بدل لايقطها بالشارع

ترى الاخوان الكبار شوي ملاعين خصوصا الصبيان مافي قلوبهم رحمة مرات على بو حق مصلحتك
.
.
.

[3aloe]

اي والله صح كلامج دومينيك الاخوان الكبار بعضهم ملاعين يسون روحهم يدورن مصلحتك
واهم وينهم وين مصلحتك بس جذيه يبون يبطون جبدك

انا اقولك بيعها احسن لك لانه راح تتعب مع اخوك راح ياذيك ويهددك
واذا تبي ناده وقولي عطني الاسباب الي تخليك ما تبي القطوه وانا اعطيك
الاسباب الي تخليني ابي القطوه ويمكن يقتنع مو كل شي ايي بالهواش .

الحمدلله انا ما عندي اخوان خير شر وحيد بس عندي خوات اكبر مني ثنتين ومالهم
شغل باحد لووووووووووول

[lucy]

خل الوالد و الوالده يتدخلون في الموضوع افضل

[*القلب الصافي*]

مشكورين على المرور

بس انا ما اقدر استغني عنها و هو ما اعرف ليش يبي يبيع القطه

يقول انها تجيب الامراض وتقتل >>>>>>والله مرات احسه انه مينون

يعني القطه شو بتسوي بتيب سكين بتطعني مثلا؟

الحمدا الله والشكر انا الحين بس ابا اعرف كيف اخليه ما يدخل فيني

تراه لوعو جبدي اخواني خاطري اطلع من البيت واشل القطه معاي افففففففففففف

والله صدقج يا دومنيك هذيلا ملاعين و اونه يبون مصلحتي وهم اصلن ما يعرفون شي.

[sisi_moon]

سح سح دخل امك وابوك في السالفه او انت تفااااااااهم وياااه وقوله ليه وماليه ؟؟

وانشالله يقتنع

[3aloe]

شوف دخل امك وابوك بالسالفه قوله اذا ابوي راضي انته مالك دخل بالموضوع
وقول اهيا عندي وماراح تاذيك وبس لا ترد عليه وقول حق ابوك يكلمه
لانه ابوك كلمته تمشي بالبيت وخله يسكته عاد اذا ما سكت
يطلع عاق بابوه وانته حاول وقوله مابي ومن الاشياء هذي
انا امي اول ما رضت والحين رضت عادي ترا كلنا مرينا
بالاشياء هذي مو عبالك بس انت .