انا هاوي جديد

[swordfisher]

كيف حالكم يا منتدي يا جميل فعلالالالالالالالالالالالالا
اولا انا مبتدي في تربيه السمك
لسه هجيب الحوض انهارده وكنت فاكر اني هقدر اجيب السمك كمان معاه
بس لما قريت نصائحكم وموضاعتكم لاقيت ان الموضوع عايز صبر شويه

انا عايز بس اعرف حوض 60 سم ممكن اربي فيه كام سمكه وانواع السمك؟؟؟؟
انا شوفت السمكه الفايتر وفعلا نويت اجيبها ان شاء الله

[kholio619]

حوض 60 سم ممكن تحط فيه في حدود 30 سمكه حجم 2 سم مثلآ او اكثر او اقل كما تحب

وانواع السمك دي كما تحب انت وليس كما نحب احنا

وذا حبيت تعرف اي استفسار اتفضل

[swordfisher]

شكرا اخي علي ردك الجميل
انا عارف ان ممكن احط اي نوع سمك انا عايز اربيه و لكن انا لسه مبتدئ
يعني معلوماتي اقل من القليله

اريد ان اعرف هل ممكن تربيه انواع اخري غير السمك في الحوض
مثل سلحف برمائي ؟ لاني شوفت سلحف برمائي عند بائع السمك

وسؤال اخير اخي الكريم
السمك اللي بتنفخ جسمها واظن علي جسمها شوك ما اسمها ؟

شكرا ليك

[kholio619]

لو عايز اقولك علي مجموعه ممكن مثلآ تحط

( 6 تايجر + 4 جوبي + 4 سرد + 4 مولي + 4 بلاتي + 2 جرامي + 6 نيون تترا + 5 كات فيش )

( 4 انجل + 4 جوبي + 4 سرد + 4 مولي + 4 بلاتي + 2 جرامي + 6 نيون تترا + 5 كات فيش )

( 4 فانتيل + 4 جوبي + 4 سرد + 4 مولي + 4 بلاتي + 2 جرامي + 5 كات فيش )


وذلك لآن : -
لان التايجر بيعض ذيل الفانتيل و الانجل .
و الفانتيل سريع والآنجل بطئ يحب الهدوء .
والفانتيل لو كبير هياكل النيون تترا .


- الي ينتفخ بطنها ! ازاي يعني السمكه بتتحول من عاديه لمنفوخه وفيها شوك !!! انت شفتها في حوض ميه عاذبه دي ؟


- انت منين ؟

[خبير الحيوانات جميعا]

انا عارف السمكه اللى بتتكلم عليها اللى بتنفخ جسمها بس دى عايزه ميا مالحه وليست عزبه وبعدين صعب تلقيها وعوزه حوض كبير ودى بتعيش فى المحيطات:eek: اما بلنسبه الى الكائنات الاخرى ففى القواقع او الحلزون الاصفر والنباتات المائيه
والسلحفاه البر مائيه متعش مع السمك عشان بتبقى عايزه متطلبات اخرى.القواقع الصفراء

[swordfisher]

شكرا يا جماعه علي ردكم
انا من مصر يا اخي خوليو وبجد شكرا علي مجموعه السمك معلومه هتفيدني كتير

[swordfisher]

طيب وبخصوص الفايتر يا خوليو بيعيش مع ايه ؟

[Lonely Hunter]

اوووله

بتذبح السمج ياخوليو عليه

بتصير زحمه .. الحوض 60 مو متر

بما انك مبتدئ حدك 10-15بس على حسب حجم السمك , على شان ياخذون راحتهم

لاتكثر


الفايتر بيعيش مع السمك المسالم

اما السلحفاة اذا تبي تاخذها .. اخلك اللي صدفتها طريه و ليس الصلبه

لان الطريه مسالمه ماتسوي شي

اما الصلبه بتعضض السمك ليمه تذبحهم

و اذا تبي نصيحتي .. لاتاخذ قولد فيش , لانه بسرعه يوصخ الماي مايخلي لك كرستالي مثل الانواع الثانيه

[swordfisher]

يا اخواني بجد انا فرحان لاهتمامكم بموضوعي
وان شاء الله كل معلومه ذكرت هتبقي في الحسبان

عندي طلب بس صغير انا بدور في المنتدي علي صور لانواع السمك
هل فيه موضوع هنا بيضم صور مختلفه للسمك ؟

[Lonely Hunter]

ادخل على المواضيع المثبته

و بتلقى اللي يسرك ان شاء الله

[swordfisher]

شكرا يا هنتر انا فعلا ببحث في مختلف المواضيع

[Lonely Hunter]

عندي ملاحظه

لاترد على المواضيع القديمه ... لانها قديمه , انتهت صلاحية الرد عليها

احنا مانبي المواضيع القديمه تزاحم اليديده ..عدل ^_*

[swordfisher]

اصل فيه صور للمواضيع مش ظاهره وانا عايز اشوف انواع السمك

[usama_brhm3]

اوعي تجيب اكثر من ذكر فايتر واحد لانعم يتشاجرون مع بعضهم

[swordfisher]

شكرا اخي اسامه

[usama_brhm3]

اي خدمه ايها الصديق الجديد

[swordfisher]

شكرا جزيلا لكم جميعا

بس عندي سؤال
دلوقتي حوض 60 سم احط فيه كام حبايه مزيل كلور المايه؟؟

[swordfisher]

لررفع ......................

[kholio619]

مش مهم ان مساحه الحوض 60 المهم بيشيل كام لتر ؟

يعني طوله كام وعرضه وارتفاع الميه

بمعني ( الطول × العرض × الآرتفاع ) ÷ 1000 = كمية الماء بالتر

يعني لو مثلآ طلع 50 لتر حط فيه حوالي 20 حبه

اما عن موضوع الفايتر فأنها سمكه ليس لها دور في الحوض بمعني انها سمكه في حالها وملهاش لزمه من الآخر كدا هي شكل علي الفاضي

انا عندي بس حاطتها في كأس بقالها كدا شهور ديكور فقط لكن في الحوض مبفضلهاش

وأي سؤال تاني اتفضل

[swordfisher]

ربنا يباركلك يا استاذ خوليو
انا هشوف كم لتر الاول

سؤال هو حضرتك متعصب ليه كده :)

وبخصوص الفايتر عندك حق انا فعلا اشتريت واحده وحاططها في ابريق زجاجي من امبارح
مشكور جداااااااااااا يا خوليو