ساعدوني شاكه ان الكتن فيها صرع!!!

[charm]

السلام عليكم

عندي كتن عمرها شهرين قبل يومين تفاجأت وشفتها بحاله غرييييييبه وعجزت قدامها:(

وديتها البيطري للاسف ماعجبني كلامه ابدا وطلعت من البيطري رحت صيدليه وكان فيها دكاتره بيطريين كل واحد قالي كلام
انا اول شي شكيت ان شي في اذنها اليمين سبب لها اختلال في التوازن
والدكتور قالي ممكن فايروس فالمخ واعزليها وممكن تعدي امها وخواتها واخوانها ولازم عزل لان فايروس المخ معدي!!!!
وكتبلي اموكسيسلين والبيطري الثاني قالي لو فايروس بالمخ ايه دخل الاموكسيسلين!! و ايه نوع الفايروس قلتله الدكتور ماقالي
وكان البيطري الثاني موافقني على موضوع الاذن وقال ان اذا هي مختل توازنها ممكن شي في اذنها
ومع العلم ان الدكتور مافحصها ابدا وانا قلتله اذا محتاجه اشعه خلنا نسوي قالي لأ
وعلى اساس اني اوديها بيطري ثاني افضل من هالبيطري وما قدرت اروح لا امس ولا اليوم بس احتمال كبير اليوم اللي هو الخميس العصر بأذن الله اقدر اروح بس ابيكم تساعدوني وتقولولي شفيها
اليوم طبعا هي منسدحه ماصارت تلعب ولا شي وانا اوكلها بيدي:(
وامس نفس الشي لانها مو قادره توزن نفسها وتوقف عدل صرت اوكلها بيدي بس المصيبه المااي ما اعتقد انها شربت يمكن شربت بغيابي عنها
لانها لما تنام انا اطلع واخليها وارجع لها كل شوي اشوفها اذا نايمه
انا خايفه تموت:( هذا فيديو لها يبين جزء بسيط من حالتها
http://www.youtube.com/watch?v=kEd-360fzfw

[mr.زاجل]

هذا الموضوع راح يفيدك


الصرع عند القطط اعراضه وعلاجه

http://www.2zoo.com/vb/showthread.php?t=240473

_منقول:o:o:o:o:o:o:o:o:o:o_________________

[دلوعةقطوتي]

وعليكم السلام ورحمه الله وبركاته
الله يشفيها شكلها مره يحزن استني لاتعطيها اي دواء قبل ماتعملي لها فحوصات دم واشعه
وتاكدي من حرارتها واذانها من جوا
واكليها زبادي مع عسل طبيعي العسل سبحان الله شفاء واقري عليها
وطمنيني ايش يصير معاك

[اخت امل]

الله يشفيها لك يارب

[باغيرا]

وعليكم السلام ورحمة الله وبركاته
الله يعينك
جدا وضعها حزيين
للاسف الداكترة كلامهم هاليومين ماينوثق فيهم لكن ايش طالع بيدنا غير ندعي لله
المهم انتي شوفي دطتور ينصح به في منطقتك
وكما ذكرت الاخت دلوعةقطوتي ربي يعطيها العافية
انه تاكليها زبادي بالعسل الطبيعي
والله يشفيها لك يااارب

[جبلية]

ااوووووووووووو

يالله شكد صعبت عليه

الله يشفيها

مثل مقالولك غيرى البيطرى احسن

[charm]

هذا الموضوع راح يفيدك


الصرع عند القطط اعراضه وعلاجه

http://www.2zoo.com/vb/showthread.php?t=240473

_منقول:o:o:o:o:o:o:o:o:o:o_________________

الله يجزاك الف خير
ايه انا شفت هالموضوع من زمان عشان كذا قلت شاكه
لاني بحثت وشفت فيديوات للي فيهم صرع يختلف عن حالتها
هي تلف كذا على نفسها بس مو دايم بعدين لما تصحى ما توزن نفسها وتمشي على جنب واحد اللي هو اليمين وتنام على هالجنب
فا انا شاكه انه صرع مو متأكده وان شاء الله انه مو صرع
عندي احساس ان شي في اذنها سبحان الله الاذن تخل بتوازن الانسان فمابالنا الحيوان:(

[charm]

وعليكم السلام ورحمه الله وبركاته
الله يشفيها شكلها مره يحزن استني لاتعطيها اي دواء قبل ماتعملي لها فحوصات دم واشعه
وتاكدي من حرارتها واذانها من جوا
واكليها زبادي مع عسل طبيعي العسل سبحان الله شفاء واقري عليها
وطمنيني ايش يصير معاك

امين يارب الله يسمع منك
اذنها صارت وصخه سوده طبعا هذا اللي انا اعرفه انه قمل
وانا كنت انظفها يوميا لكن من تعبت ما قدرت انظفها عشان كذا اقول ممكن اذنها
وبخصوص الفحوصات عندنا دكاتره حسبي الله على بعضهم مامنهم فايده اقوله بسوي لها اشعه يقول لأ ما تحتاج
تدرون وش قالي
قال يمكن فيها بو رقيبه تعرفو شنو بو رقيبه؟ هذا مرض يصيب الطيور وش دخل هالمسكينه:(
عندنا مستشفى زين لكن بعيييد بينه وبين الخفجي يمكن 30 كيلو او اقل
وانا بحاول اليوم اوديها
ومكلف مكلف جدااااااااااااااااااا لكن مو مشكله اهم شي تطيب وبطمنكم ان شاء الله
والاكل الحمدلله انا أوكلها بيدي تاكل حمدلله بس بحاول اعطيها الزبادي مع العسل
مشكوره حبيبتي على اهتمامك

[charm]

الله يشفيها لك يارب

امين الله يجزاك خير

[charm]

وعليكم السلام ورحمة الله وبركاته
الله يعينك
جدا وضعها حزيين
للاسف الداكترة كلامهم هاليومين ماينوثق فيهم لكن ايش طالع بيدنا غير ندعي لله
المهم انتي شوفي دطتور ينصح به في منطقتك
وكما ذكرت الاخت دلوعةقطوتي ربي يعطيها العافية
انه تاكليها زبادي بالعسل الطبيعي
والله يشفيها لك يااارب

الله يجزاك الف خير
ايه والله بعض الدكاتره ما يهتمون لكن عندنا مستشفى كل الدكاتره اللي فيه ايطاليين
ارحم من الدكتور اللي رحتله
ان شاء الله بوديها لهم يشوفونها واطمنكم بأذن الله
امين يارب عسى الله يشفيها

[charm]

ااوووووووووووو

يالله شكد صعبت عليه

الله يشفيها

مثل مقالولك غيرى البيطرى احسن

ما شفتي حالتي وانا اوكلها تقطع القلب والله كأنها طفل اول مره ياكل واعطيها الاكل بيدي حبه حبه لانها مو قادره توقف عدل
الله يشفيها يارب مشكوره حبيبتي الله يجزاج خير

[charm]

ياجماعه بس بعرف انا شنو هالحاله ابي احد مرت عليه هالحاله يطمني
انا عندي قطاوه غيرها واجد عمرهم ما مرضو عندي
واحس هذي جاتها عين ماصلت على النبي
وخايفه حيل على الباقي:(
والله اني متحطمه نفسيا

[M-E-S-D-K-W]

الله يشفي لك اياها والله تقطع القلب بس انتي اهتمي فيها و وكليها زبادي و عسل و انشالله تطيب *

[دلوعةقطوتي]

ياجماعه بس بعرف انا شنو هالحاله ابي احد مرت عليه هالحاله يطمني
انا عندي قطاوه غيرها واجد عمرهم ما مرضو عندي
واحس هذي جاتها عين ماصلت على النبي
وخايفه حيل على الباقي:(
والله اني متحطمه نفسيا
انا اتوقع شي بالاذن وبما انو فيها جرب ممكن هو السبب
انتي اقري عليها قرأن القرأن كله شفاء اقري وامسحي على جسمها ودايما استودعيها الله

[charm]

الله يشفي لك اياها والله تقطع القلب بس انتي اهتمي فيها و وكليها زبادي و عسل و انشالله تطيب *

امين الله يجزاك خير

[charm]

ابشركم وديتها ودخلت المستشفى
عندهم لي بكره
الدكتوره نظفت اذنها وفحصت عيونها وداخل فمها
وسألتني اذا معاها اسهال وقلتلها لأ
وشافت حرارتها مافيها الحمدلله
قالت ممكن حايشها جفاف!! وممكن نقص بالسكر!!
وممكن فايروس ولو فايروس مانقدر نسوي لها شي غير المضادات
اشياء واجد بصراحه الدكتوره ايطاليه والانجليزي عندها مو 100% وانا كذلك يعني تتكلم معاي انجليزي بأكسنت ايطالي فا توهقت شوي معاها
لكن جاوبتها على كل شكوكها والحمدلله كل اجاباتي كانت ايجابيه يعني بعدت الشك عن موضوع الصرع الحمدلله يارب
الحين هي عندهم بكره بتردلي خبر عقب الفحوصات
وان شاء الله اطمنكم
اشكر تفاعلكم فديتكم كلكم

[دلوعةقطوتي]

الحمدلله انو مو صرع
ان شاءالله يكون شي بسيط ويتعالج متابعه معاك وطمنيني عنها

[سومة السمسومة]

خير إن شاء الله

ترجع بالسلامه شوفت الفيديو والله حاجه تقطع القلب

[charm]

الحمدلله انو مو صرع
ان شاءالله يكون شي بسيط ويتعالج متابعه معاك وطمنيني عنها

ان شاء الله هم المفروض يتصلون علي اليوم وما اتصلو
فا بكره بتصل عليهم وان شاء الله اتطمن واطمنكم
مشكوره فديتك

[charm]

خير إن شاء الله

ترجع بالسلامه شوفت الفيديو والله حاجه تقطع القلب

الله يسلمك حبيبتي انتي
وهبقى اطمنكم ان شاء الله بس لا تنسوها من دعواتكم

[رنوشة]

يا قلبى عليها بجد حزنت والله يارب يطمنك عليها وتخف فى اقرب وقت الحيوان بيكون شئ قررييب جدا من البنى ادم :(

[تشي جيفارا]

اتمنى لحيوانتك جميعا الصحه والعافيه اهتمي فيها المسكينه وخصوصا الايام ترا ايام خير وفضيله واحتسبي الاجر بهتمامك فيها الله يخليها لك

[charm]

يا قلبى عليها بجد حزنت والله يارب يطمنك عليها وتخف فى اقرب وقت الحيوان بيكون شئ قررييب جدا من البنى ادم :(

الله يجزاك خير
اكيد كلهم قريبين على قلبي واحبهم كأنهم عيالي

[charm]

اتمنى لحيوانتك جميعا الصحه والعافيه اهتمي فيها المسكينه وخصوصا الايام ترا ايام خير وفضيله واحتسبي الاجر بهتمامك فيها الله يخليها لك

مشكور الله يجزاك خير
وانا والله مهتمه فيهم حيل واحبهم لكن هالحاله اول مره تمر علي
عموما هي الحين فالمستشفى وان شاء الله بكره اتطمن عليها وارجعها البيت اذا حالتها ما تحتاج انها تقعد عندهم

[snow kitten]

ها رجع الكتن ان شاء الله يكون رجعلك بالف صحة و عافية يا رب

[charm]

ها رجع الكتن ان شاء الله يكون رجعلك بالف صحة و عافية يا رب

لا والله اتصلت فيهم والدكتور كان دوامها الصبح وقالولي خلاص تقدرين تاخذينها اليوم
بس للاسف ماعندي سياره والمكان جداً بعيد عن بيتنا
فا بكره بأذن الله الصبح اخذها واشوف الدكتوره واعرف نتايج الفحص واطمنكم

[امال شاعر]

الله يطمنك عليها بحق هادي الايام الفضيله

ويريح بالك ويكتبلك الاجر ان شاء الله عليكي بالاستغفار والدعاء

[charm]

الله يطمنك عليها بحق هادي الايام الفضيله

ويريح بالك ويكتبلك الاجر ان شاء الله عليكي بالاستغفار والدعاء

شكرا يا قلبي الله يجزاك الف خير

[charm]

طلعت القطوه امس
بصراحه تضايقت حيل لما شفتها مع ان المستشفى من افضل المستشفيات البيطريه بالكويت وغالي حيل وبعيد جدااااااااا يعني الواحد يتعب ماديا ونفسيا على ما يوصل هههه
الدكتوره طبعا قامت تسولف على راسي تقول اللي صارلها ممكن يكون نقص بالفيتامينات انتي شتوكلينها!!
قلتلها عن الاكل قالت ممتاز بس نوعيلها قلت انوعلها فا حسيت انها كانت تبي تشوف اذا انا مو قاعده اعطيها اكل كافي بتقولي السبب الاكل ويوم شافت ردي قامت تهز براسها
انا انصدمت بصراحه وعطتني كابتين جرعات للقطوه مع العلم ان القطوه ما كان فيها اسهال!
لما جيت خذيتها لقيتها وصخه من ورا وزفيتهم قلتلهم انا جبتها نظيفه ترجعلي نظيفه وشعرها نااااااااشف مادري شالسبب!!
زبدة كلامها ان القطوه ممكن لاحظو انه ممكن يعني معناته انهم لا فحصوها فحص تمام ولا شي
ان ممكن نقص بالفيتامينات بما انها صغيره ممكن انها ما تاكل عدل مع ان شهيتها كانت تمام بعكس لما جبتها الحين ما تاكل عدل
وقالت عطيها 4 وجبات باليوم ولا تخلين الاكل عندها بس نظمي الاكل 4 مرات
ويمكن هي من الجوع تبلع الاكل ما تمضغه وتستفيد من الفيتامينات
وسألتها عن اذنها قالت لا مافيها شي بس عطيها oridermyl مره فاليوم
قلتلها يعني فيها التهاب قالت لأ ولما خذيت الفاتوره مو كاتبين فيها فحص ولا شي
يعني ماتدري اذا فيها التهاب والا لأ لانها ما فحصتها
الززززززززززززززبده اني منقهره لاني ما طلعت بشي مفيد من وراهم ولا فهمت شنو فيها :(
انتو شرايكم؟

[artos]

روح عند دكتور ثاني

وثالث ورابع

[charm]

روح عند دكتور ثاني

وثالث ورابع

المشكله ان هذا افضل مستشفى عندنا يعني ما بعد هالمستشفى مستشفى
وانا كنت رايحه لمستشفى قبل لا اروح لهذا
هذاك ما فكر يفحصها وسوالي فلم عليها
وهذا بالعكس ممتازين جدا وانا متعامله معاهم كذا مره و حتى الدكاتره من النوع اللي فعلا يهتمون
لكن مدري وشجاهم على قطوتي هذي بالذات
يمكن كلام الدكتوره صحيح انه نقص فيتامينات لكن انا ما اقتنعت فيه
وغير هذا قطوتي الحين خفت شهيتها حيل:(
ما تاكل نفس اول
معقوله هذا تأثير الكابتين!!