استفسار عن الرياضه

[Ahmed1987]

السلام عليكم ورحمة الله وبركاته
1. شباب أنا عندي جرو جيرمن شيبرد عمره 4شهور
ابقي اعرف شنو انواع الرياضه الي اقدر العبه
او المشي كم المسافه الي اقدر امشيه بحيث مايتعب وله يتعور او يصاب

2. انه جروي مايكل يلعب بلكوره شلوه احببه فيه

او مشكورين وسامحوني على الإطالة.

[Abo_fahed]

وعليكم السلام ورحمة الله وبركاته ،،

1. شباب أنا عندي جرو جيرمن شيبرد عمره 4شهور
ابقي اعرف شنو انواع الرياضه الي اقدر العبه
او المشي كم المسافه الي اقدر امشيه بحيث مايتعب وله يتعور او يصاب

أول شي هذا يعتمد على صحة الجرو الي عندك

اذا كان بصحته اتركه يلعب واذا تعب من اللعب اتركه يرتاح

واذا ماكان بصحته اتركه يرتاح ولاتحمله فوق طاقته

ثاني شي الجراء في هذا العمر مانضغط عليهم

يعني تمشيه لمدة ربع ساعه مرتين في اليوم كافي

وبخصوص الرياضة تقدر تسبحه في البحر أو المسبح


حياك الله

تحياتي لك

[Musab Pro]

ممكن تلعبه لعبة الشد ،، عن طريق قطعه قماشيه تسحبها على الارض و تخليه يطاردها ..

ولما يمسكها تسحبها شوي و هو بيحاول ياخذها منك .

ممكن ترمي له الكره و تخليه يلحقها ..

لكن ما فيه مسافات معينه .. انت اول ما تشوف الكلب جلس .. تاكد انه تعب و وقف اللعب بشتى انواعه .

اما بالنسبه لحب الكلب للكره هذا يعتمد اعتماد اول على البري درايف حق الجرو .

وثانيا يعتمد على التحفيز و كمية الاثاره اللي انت توفرها للكلب .

انا لا اجزم انك عن طريق هذا التمرين سوف تحبب الكلب بالكره ،، ولكن جرب حضك ،، ظبطت مع ناس كثير

تخيل ان قطعه القماش او الكره (فأر)

وحاول تحركها حركه تشبه حركة الفار .. واجعلها صعبة المنال (كل ممنوع مرغوب)

بالبدايه خل الكلب يشم الكره لكن لا يطول على طول اسحبها وابدا معاة اللعبه .

لا تطول باللعب ،، خل اللعبه كلها دقيقتين بعدين خله يشوفك وانت تاخذ الكره و تمشي .

حاول ان مكان التدريب يكون خالي من الاشياء الثانيه اللي ممكن تجذب انتباه الجرو .

عشان ما يخليك انت و الكره و يروح يستطلع حاجات ثانيه .

اتمنى لك التوفيق.

[Ahmed1987]

مشكورين
اهيه تحب تلعب بقطعة القماش وايد بس الكوره خفيف
اليوم اخذت له عظم للعب بس بعد ماتلمسه ولا تعطيه اي اهتمام
*وتسلمون وان شاء الله ماكون ثقلت عليكم

[Abo_fahed]

لا يالغالي لاتقول ثقلت

بالعكس كلنا نحرص على تقديم المساعدة

اهيه تحب تلعب بقطعة القماش وايد بس الكوره خفيف

استعمل الطريقة الي قالها لك مصعب

وتقدر تضيف عليها شي بسيط في انك

تحذف الكرة بإتجاه الأرض

حيث ان الكرة راح تصعد وتنزل

ولازم تكون بشكل مفاجئ بحيث ان الجرو يستغرب منها

ويحاول يلحقها ويصيدها

وبعد اللعب تشيلها وتضع الكرة في مكان

مايقدر يوصل له الجرو

ولازم يشوفك وانت تخبيها

حتى يشتاق للعب فيها

وبخصوص القماش انتبه لاتشد عليه

فهو الآن في مرحلة نمو الأسنان الدائمة

ويفضل انك تؤجل هاللعبة الى بعد شهرين تقريباً

وتكتفي بالعضاضات

اليوم اخذت له عظم للعب بس بعد ماتلمسه ولا تعطيه اي اهتمام

ابتعد عن العظام الي يكون سعرها رخيص

راح ارسل لك اسم محل عندكم في البحرين

تقدر تمر عليهم وتسأل عن العظام الموجودة عندهم

وتحصل عندهم كيس في قطع عظام صغيرة تقريباً > 12 قطعة

ممتازة جداً ومجربة > شخصياً

تحياتي

[Ahmed1987]

تسلم يالغالي او ماقصرت
ردودك بتنفعني وايد لأني اول مره إربي كلب او محتاج لمساعدتك او مساعدة باقي الاعضاء واصحاب الخبره .