هل تطعيم الدود كافي ؟ . . ؟ ــ !.!

[اصطيف]

هل تطعيم الدود بالأبره كل تقريبا شهرين او ثلاث شهور

كافي لتفادي الكلب من الدود ومشاكل الدود والفطريات

او يحتاج لكورس ابر وكورس حبوب ارجوا الأجابة للأهمية

ولكم جزيل الشكر ؛

[Nona999]

السلام عليكم ورحمة الله وبركاته ..


كافي نوعا ما باذن الله اذا تم المحافظه على نظافة اناء طعام وشراب الكلب..

و يمكنك بعد انتهاء الكلب من تطعيماته ان يأخذ كل ثلاث او اربع شهور حبوب للديدان للحفاظ على الكلب من الاصابه بالديدان..

لك فائق الاحترام والتقدير ..

موفق

[اصطيف]

السلام عليكم ورحمة الله وبركاته ..


كافي نوعا ما باذن الله اذا تم المحافظه على نظافة اناء طعام وشراب الكلب..

و يمكنك بعد انتهاء الكلب من تطعيماته ان يأخذ كل ثلاث او اربع شهور حبوب للديدان للحفاظ على الكلب من الاصابه بالديدان..

لك فائق الاحترام والتقدير ..

موفق




شاكر لكي اخت نونا


انا ما عندي مشكلة بنظافة الأناء بس عندي مشكلة بتجمع الذباب على خشم وعيون الكلب

ومكان (الغايط ) وخوفي هذا الشي يسبب له امراض او جراثيم مع اني بنظف القفص كل اسبوع مرتين

مع العلم انوا الكلاب بستراحه يعني صعب متابعتهم بستمرار يعني كل يوم اجلس في الستراحه

ساعتين بلكثير وما ادري وش الحل وارجوا المساعده :o .

وكل عام وانتي بصحة وسلامة ؛ :)

[Nona999]

و انت بصحه وسلامه ..

اخوي الذباب بكل مكان وخاصه ف الاستراحه صعب تمنعهم ..

لكن السؤال هل يتم تنظيف وجه الكلب يوميا ؟ العيون الانف الفم الاذان ،، وهل يتم تمشيطهم يومياً ؟

لازم تهتم من هذي الناحيه ..

ويفترض يكون مكان قضاء الحاجه الله يكرمك بعيد عن مكان جلوسهم و مكان طعامهم وشربهم ..

و لابد مكان جلوسهم يكون معرض للشمس عشان يتعقم و يعرض للهواء و يتم تنظيفه يومياً لان الكلاب تجلس وتنام فيه ....

و ان شاءالله ما تنتقلهم امراض ولازم تهتم بالتطعيمات اول بأول ..

موفق

[اصطيف]

لكن السؤال هل يتم تنظيف وجه الكلب يوميا ؟ العيون الانف الفم الاذان ،، وهل يتم تمشيطهم يومياً ؟


لاااا . . :cool: اجيب فوطه رطبه وامسح وجهه ولا كيف الطريقه ؟

تمشيطهم كل اسبوع مرة او مرتين بلكثير :confused:

ومكان الغايط بزاوية القفص .



وبنسبة للجلوس فيه فرشه داخل القفص

والقفص معرض للهواء والشمس


وسلامتك .؛

واتمنى مساعدتك بموضوع الأهتمام ولكي الشكر والتقدير .؛

[Abo_fahed]

السلام عليكم ورحمة الله وبركاته ،،

ماقصرت الأخت نونا

أخوي الغالي جاوبني بارك الله فيك

ممكن تقول جم أعمار كلابك ؟

بالاستراحة عندهم حارس ينظف مكانهم يومياً ؟

تستعمل منظفات للمكان بشكل دوري

مثل Biotex ؟

هل هناك تكييف لمكان نوم كلابك ؟

هل تطعم كلابك بشكل منتظم ضد البارفو/الديستمبر؟

[Nona999]

الله يعافيك ابوفهد ..

واتمنى الاجابه على اسألت اخوي ابوفهد لانها بتساعدنا وتساعدك ..

وعندي ملاحظه ..

اجيب فوطه رطبه وامسح وجهه ولا كيف الطريقه ؟

ايه نعم اخوي تجيب فوطه رطبه وتمسح وجهه و مو شرط لكن الافضل عشان مايتجمع الذباب

تمشيطهم كل اسبوع مرة او مرتين بلكثير

الواجب تمشيطهم يوميا عشان يتنظف الشعر من الاوساخ و التراب و الشعر الميت والمتساقط ..

ومكان الغايط بزاوية القفص .


لقينا المشكله اخوي مكان قضاء حاجتهم ( الله يكرمك ) بنفس مكان جلوسهم ونومهم ..؟!! وحتى لو كان بزاويه القفص ..

عشان كذا الذباب يتجمع ..

غلط انك تحطه بنفس قفصهم يعني خلنا نتصور وضع كلابك ..

مايتمشطون بشكل يومي ولا يتم تنظيف وجيهم و مكان قضاء حاجتهم ( اعزك الله ) بنفس القفص اللي مايتنظف الا مرتين بالاسبوع ...!

ولا تبي الذباب يتجمع ...؟!

اخوي انا بعطيك طريقه افضل ..

اول شي تسويه انقل مكان قضاء حاجتهم ( الله يعزك ) خارج القفص وبعيد عنهم فـ مكان معرض للشمس ..

بعدين كل ماتجي للاستراحه تطلعهم بالليش على مكان قضاء الحاجه ( الله يكرمك ) فورا لحد ما يخلصون ..

وبعدين تروح تمشط الكلاب كويس وتنظفهم و مو شرط تغسل وجيهم بس يعني نظفها ..

بعدين تنظف صحونهم كويس وتعرضها للشمس شوي و تنظف القفص وترجع تحط لهم الاكل و المويه ..

و شوف اذا بيتجمع ذباب ولا لا..

لان مو شرط تصاب الكلاب بالديدان بس كون مكان قضاء الحاجه ( الله يعزك ) عندهم بنفس القفص هذا غلط ..

لانه يجمع ذباب و ريحه ( الله يكرمك ) و الذباب بيجي ~> على الكلاب و انت تجي~> تلمس الكلاب ~> و تنتقل الجراثيم والبكتيريا لك و..و..و....

و عشان حتى يكون منظر الكلاب وريحتهم كويسه ..:)

و معليش على التقصير ..

موفق



الحل بالموف

[اصطيف]

ممكن تقول جم أعمار كلابك ؟

اعمار الكلاب تقريبا ( 10شهور )

بالاستراحة عندهم حارس ينظف مكانهم يومياً ؟

اي في حارس بس ما ينظف المكان يوميا لو غسل يوميا يبيلنا كل يوم وايت لأن الحزان صغير
تستعمل منظفات للمكان بشكل دوري

مثل Biotex ؟

استعمل مبيد الحشرات الي هو ينرش وبعدين اغسلة بلمويه وبعدها احط المطهر هذا الي علمته الحارس


هل هناك تكييف لمكان نوم كلابك ؟

التكييف بلمروحه المائية

هل تطعم كلابك بشكل منتظم ضد البارفو/الديستمبر؟


اكيد .. وعندي دفتر لكل كلب ، اشكرك من الأعماق ايو فهد على اهتمامك وحرصك الدائم

[اصطيف]

شكرا لكي حطيتي النقط على الحروف :)

بنسبه للصحون انظفها واعرضها للشمس :shy:

المشكله نفس ما ذكرتي مكان (الغايط) وتنظيف القفص :mad:

مكان (الغايط) الله يكرمك ان شاء الله راح انقلة بأسرع وقت ومقدور عليه ;)

وراح امسح وجه الكلب وامشط له يوميا انا كنت اشك ان كثرة التمشيط تكره الكلب بتمشيط :(

وبنسبه لعيون الكلب كنت لو لاحظت شي اشيله بيدي :cool:


وشكرا لهتمامك ، والله يعطيكي العافيه لمتابعتك لمشكلتي ؛

[Nona999]

لا شكر على واجب اخوي و احنا بالخدمه ..

تعريض الاواني للشمس تقتل البكتيرياء و الجراثيم اللي ممكن ماتروح بـ مواد التنظيف..

بالنسبه للتمشيط بالعكس كثير كلاب تحب التمشيط و لا تمشط بقوه بحيث ان الكلب يتضايق او ينجرح مشطه بشويش و خاصه من عند البطن..

و اي سؤال ثاني لا تتردد ..:)

لك فائق الاحترام والتقدير ..

موفق

[اصطيف]

اخت نونا ما قصرتي

بسألك عن ابر الدود قد مرت عليكي او لاا ؟

واذا عرفتيها ودي اعرف ايش الأفضل ؟

[Nona999]

اخوي اذا الكلاب مع تطعيمها اخذت ابره للديدان فهذا يكفي واذا مااخذت عطها الابر و تقدر كل ثلاث شهور تعطيهم حبوب للديدان ..

و اذا استدعى الوضع انك تستخدم الابر استخدمها مثلا ( ظهور الديدان من انف الكلب او مع البراز ( اعزك الله ) او نحف شديد )

طبعاً لازم تلاحظ كلابك انها ماتوصل لهذي المرحله لان هذي المرحله متطوره وخطيره ..

دلالات على وجود ديدان ..

قيء او اسهال او يكون لون البراز مائل للون الاخضر ( اعزك الله ) و اذا كان الكلب يأكل اكل كثير بس مايسمن وغيرها من الاعراض

بس هذي اوضحها ..

لكن تأكد من اي ابره ممكن تعطيها لكلابك لا تستعجل بحقن كلابك اي ماده وحتى لو كان من بيطري تأكد انه بيطري متمكن ..

ان شاءالله افدتك ..

موفق

[اصطيف]

ابو فهد اسف على التأخير

بنسبه للمبيد مثل ما ذكرت يا ابو فهد احطه في العصر واطلع الكلاب وارجعهم الفجر يعني تقريبا يوم كامل يبتعدون عن القفص طبعاً هم وملحقاتهم :D


وبنسبه للمطهر هذا طول الله عمرك تقريبا زي الديتول ارشه على الشبك فقط ونفس الشي اخليه يوم كامل

واشكرك يا ابو فهد على اهتمامك ومنك نستفيد يا استاذنا ، تحياتي لك واحترامي وتقديري

لمجهودك الرائع

[اصطيف]

الحمد لله انا اللاحظ بستمرار براز الكلب اعزك الله ما فيه شي

وبنسبه لصحتهم ( عاآآل العاآآل ) الحمد لله

وفي النهاية اشكرك على توضيحك الكامل والشامل على مشاكل الديدان والمحافظه على الكلب

فعلاً اختي العزيزه افدتيني بكل شيء ولكي الشكر والتقدير والأحترام .

:rolleyes:

[Nona999]

مشاءالله تبارك الله ،، دوم تكون صحتهم ممتازه ..

و لا شكر على واجب اخوي .. :)

موفق