كاسكو يتصنع الامساك !!

[تشآرلي]

السلام عليكم

اخواني الاعزاء

اواجه مشكله غريبه نوع ما

عندي كاسكو عمره 8 شهور

كان بالاول ينزل الي نهاية القفص ويلعب ببرازه

وكنت اول مااشوفه اروشه

لحد كنت اروشه يوميا لمدة 4 ايام

وبعدها رفعت الشبك السفلي وانتهت المشكله

لكن تبين معاي شي اخر

الطير يحبس برازه طول ماهوا موجود بالقفص خايف اني اروشه

الين انا اطلعه من القفص واقوله ( ككه ) يتبرز ( اكرمكم الله ) بشكل كبير واحيانا من كثرته يخرجها على طريق دفعتين

غيرت القفص ومازالت الحاله متواصله بحيث مستحيل يتبرز وهوا داخل القفص

الا لما يكون بالاستاند

أجيبه بحضني يلعب معاي بالساعات ومستحيل يتبرز الا على الستاند

وهذا بسبب كنت اصايح بصوت عالي لو سواها على الفرش وارجعه للقفص واطلع من عنده

هل الاحتباس او الامساك الي يتصنعه الطير يضره ؟؟ وكيف اخليه يرجع لحالته الطبيعيه

للعلم : يحتبس برازه اكثر من 12 ساعه

صرت ادخل بالليل وهوا نايم اصحيه واطلعه علي الاستاند واول مايطلع يتبرز ( اكرمكم الله ) وبعدها

ارجعه مره اخرى للقفص واحيانا كل 5 ساعات

جربت وتركته بالقفص يوم كامل تبرز ( اكرمكم الله ) لكن بعد مرور 14 ساعه من دخوله القفص

[ProOoF]

حياك يا ابو خالد

بالغرب هالأمر مستحب والكل يسعى له

لكن صحيح إذا الشي زاد عن حده أنقلب ضده وانا معك إنها مشكله

والطير تأثر من ردة فعلك حسب وصفك

جرب ربع تفاحه ونظف القفص وخلال أربع ساعات تقدر تحكم

و إن شاء الله أنه يتعدل بالتوفيق



......................

سبحانك يارب

[تشآرلي]

أشكرك اخوي على الرد السريع والافاده

بحاول اجرب معاه مثل ماذكرت

والي يقلقني اكثر انه يتعصر لما يتبرز ( أكرمكم الله ) فما ادري انه شي طبيعي او شي ثاني

بحاول ادرج فيديو اليوم ان شاء الله

[الكاكي]

ابو خالد
كل عام وانت بخير
مادام الطير ماتغير سلوكه
مافيه خوف اعطيه فواكه او اي طعام فيه سوائل (الطير له فتره على الحبوب والمكسرات )