على اي اساس تختار الهامستر ؟؟؟

[ولد بوظبي]

السلام عليكم
يوم الواحد او الوحده يقرر انه يشتري حيوان اليف شو اول شي يخطر فباله :confused:
عصافير, ارانب, اسماك , ولا قطط مممممم يمكن كلب او سلحفاة :p
على اي اساس اخترة الهامستر ؟ اللون عجبك او الحجم او يمكن يكون السعر او الشكل
ممكن اعرف على اي اساس اخترتو الهامستر؟؟؟؟ :) :) :)

[رعوود]

موضوع جميل اخوي

وراح ابتدي


انا اخترت الهامستر بناء عالظروف

لاني ماقدر اربي كلب او قطو

ومابي طيور واسماك لانه عندي


ربيت ارانب واستمتعت معاها وقلت بجرب شي جديد

وبعد البحث شفت الهامستر

خصوصا ان مناعته ضعيفه ما ينقل امراض وما يسبب حساسيه واخوي عنده حساسيه والحمدلله ما تاثر بالهامستر

وما يبي له مكان كبير

والاعتناء فيه سهل مره

وشكله حلو والوانه متنوعه تختار الي تبي

وسعره مناسب

وانصح اي احد يبي يربي حيوان وما عنده مكان او عنده حساسيه انه يربي الهامستر وراح يستمتع معاه


وثانكس

[ولد بوظبي]

مشكوووووووووووووووووور عالمشاركه الحلوا (:
والله يخليلك الهامستر

[قطة الأحلام]

شكرا على الموضوع الحلو
أنا كنت ابي اربي حيوان ماقيد ربيته وكان اخوي راجع من المدرسة قلي تبين تشتري هامستر صديقي يبيع قلتله كيف شكله وقلي شكله وفي اليوم الثاني وانا اقلب بالتلفزيون شفت تقرير عن الهامستر وعجبني وقررت اني اشتري هامستر واكثر جذبني للهامستر انو جميل.وشكرا لك على طرح الموضوع:)

[ولد بوظبي]

شكرا على مشاركتج يا قطة الاحلام (:

[tigre2007]

موضوع روعـــــــــه .....

انا اخترت الهامستر لاول مرة على اساس جمالو لانو مرررررة ظريف

ثانيا على اساس محيطي

ففي الشقق ليس لك متسع لتربية. كلب او قط

تالتا على اساس سهولة التربية

و بس

تحياتــــــي

[ولد بوظبي]

مشكور يا تايقر على مشاركتك الطيبه (:

[ولد بوظبي]

يلا يا شباب عطونا فكره عن سبب اختياركم للهامستر (:

[عسولي]

موضوع جميل جدا

بصراحه انا ماكره الحيوانا بس المشكله ان ولدي هو الي يموت يموت بالحيوانات واي حيوان تتوقعونه يحب يربيه فكان يحب الهمستر جبت له ارنب معجبه الى مصارت الظروف وجابه بنفسه
كان عندهم حفل بالمدرسه وكان معه فلوس اشتراه بنفسه زعلت عليه
بس بعدين لقيت الهمستر افضل من الارنت والدجاج والبط والاسماك والسلاحف والحمام والعصافير
وغيرها
المهم الان جاء دوري دخلت هذا المنتدى وتثقفت من بعض الاعضاء العمالاقه حتى انا الي ادمنت عليهم


وصار اختياري وتركيزي على الالوان النادرة

اشكرك مره ثانيه على الموضوع الجميل
بس ودي اعرف وجهت نظرك

[ولد بوظبي]

مشكور يا عسولي عالمشاركه الحلوا
و من وجهت نظري انه الهامستر حيوان هادي و ما ياخذ مكان فالبيت يعني تقدر اتقول نفس العصافير ......
بعدين انا ربيت تقريبا وايد انوع من الحيوانات الاليفه وفكرة فالهامستر لاني حاب اعرف عنه اكثر و اجرب تربيته (:

[dr_mido]

موضوع حلو ويسلمو عليه انا اختار الحيوان الي بيعجبني ويكون اهدء نظيف مسالم يعني من هاذا القبيل

[jojo111]

بصراحة انا اللي شدني للهامستر مثل ما قالوا اخواني
انه مناعته ضعيفة وفي نفس الوقت حبيت انوع
لاني تقريبا ربيت جميع الحيوانات الاليفة
ومن وجهة نظري ان الهامستر افضل حيوان ربيته بجانب فرسي او حصاني

[ولد بوظبي]

مشكورين على مشاركتكم الطيبه (:

[عبود كازابلانكا]

انا عن نفسي كان خاطري اشتري قطه صغيرونه

لكن الاهل عارضوا هالفكره وقالوا القطه يبي لها مكان

ومانبغاها في البيت لأنها تنجس المكان وكذا من هذا القبيل

انا ماكنت اعرف الهامستر لكن صدفه يوم كنت داخل محل لبيع السمك والطيور

وحصلت هالهامسترات كانت محطوطه في حوض كبير اشويه وتلعب وتنطط وحبيتها

وقررت اشتريها وشريت فعجبني فيها مرحها خفتها ألوانه الحلوه وبعد ماتحتاج لمكان

كبير لتربيتها قفص صغيرون يكفيها و لما الاهل شافوهم ماحد اعترض لأن قفص الهامستر

بيكون في غرفتي بروحي ....



مشكور اخوي ولد ابو ظبي على طرحك المميز لهذا الموضوع

تقبل مروري
عبود كازابلانكا

[...هاوي...]

علشان شكله والوانه وايد حلوه

[ولد بوظبي]

مشكووووور يا عبود وهاوي عالمشاركه الحلوا (:

[قطوطة العيناوية]

حبيت يكوون عندي حيووان مدلل له مناعة قليلة لنقل الأمراض وعشان شكله حلوو ومختلف عن الفار وله مميزات عديدة:rolleyes: :rolleyes: :rolleyes: :rolleyes: :rolleyes:

[ولد بوظبي]

مشكورين عالمشاركه (:

[*عاشقة القطط*]

اول على الشكل وبعدين اللون وبعدين السعر وبعدين الحجم

انا اذا كنت بشتري كنت سويت زي كذا

يعني هذا اكثر شيئ يهمني بالهامستر

وطبعا انا كتبتها بالترتيب