كاسكوي مريض

[ملك جمال الطيور ((كاسكو))]

السلام عليكم

عندي ببغاء رمادي ((كاسكو)) طالعله عند أنفه ورمة ( انتفاخ )

وهذي ثالث مرة تطلع له أول مرة وديته للطبيب كانت صغيرة والحمدلله راحت ثاني مرة للأسف ما حصلت الطبيب فكبرت حيل وبعدين لما لقيت الطبيب وشافه قالي ليش خليتي جذي
وشالها بيده من غير بنج وانا اشوف حبيبي (كاسكوي) جدام عيوني يصرخ صرااااخ :(
قلبي عورني وطلع دم من خشمه - ما احب اذكر

المشكلة الحين ردت طلعت له ما ادري شنو السبب

يا ترى منو عنده فكره عن اللي يصير حق كاسكوي والله خايفة أوديه الطبيب ويعوره والمشكلة الانتفاخ قاعد يزيد ماني عارفة شسوي

ياريت اللي عنده معلومة يفيدني

[أسير الأفريقي]

اولا/ الله يشفيه ولازم توديه باسرع وقت لبيطري متخصص مو اي واحد؟
والله العالم ان الورم كيس دهني وسبب الورم .شكلك تاكل طائركك اكل فيه دهون بزياده .


أعتقد أن إمساك هذا النوع من الطيور من الأمور الصعبه نسبيا, ا فهو لا يقبل الإمساك به الأمر الذي يجعله يقوم بالدفاع عن نفسه بعض اليد وبهذا سيكون العلاج بطريق الدهن أو التعقيم الموضعي من الأمور الصعبه.

على كل حال المفروض أن يدهن مكان الحبه يوميا بمرهم للإلتهابات المتواجد بالصيدليات البيطريه وهو يسمى بالدهون الأسود (المرهم الأسود) وهذا يستعمل في حالات الإلتهابات والجرب والغرب والتراكمات الجلديه والإلتهابات الداخليه الجلديه والخارجيه وإن لم تستطع الحصول عليه فيمكنك أن تستعمل مضاد حيوي مرهم من الصيدليات البشريه, ولكن لا أعلم هل يمكنك إمساك الطائر أم لا؟

ومن ثم لا تعطي الطائر إلا الحبوب الخاصه به فقط ولا تشكل في الطعام.

يمكن بالإضافه للمرهم إعطاء مضاد حيوي عام بالمشرب أيضا.

وشكرا




........................ننتظر رجعتك من عند البيطري. وتقبل تحياتي

[bin dubai]

ممكن صور علشان يعرفون الاعضاء شو علاجه والله يساعدك حبيبي

[ولد_البحرين]

اضيف على ذلك

تأكد على نظافة المشرب(وعاء الماء) يوميا .

[ملك جمال الطيور ((كاسكو))]

أسير الأفريقي
صح انا طيري يمووووت على الككاو والبطاط والبيبسي لكن بعد ما طلعت الورمة ثاني مرة قالي الطبيب موزين تعطينه ككاو ووقفت عنه تقريبا لكن ما ادري ليش طلعت الحين
المشكلة إني ما اعرف غير طبيب واحد وماودي اوديه عنده مرة ثانية لأنه ماحطله بنج
تصور شال الورمة بيده من غير بنج وكاسكوي قعد يصرخ <<ياقلبي عورني كل ما أذكر
يقول الطبيب انه البنج موزين
وبعدين راح والدم كان ينزل من خشمه بعدها تجمد وسكر الفتحة وبعد كم شهر انتفخ والحين ماني عارفة شسوي خايفة عليه وهم خايفة أوديه للطبيب

ياترى هذا الشي يصير حق الكواسكو ولا بس كاسكوي ؟


bin dubai
شكرا لمرورك بس مافهمت

[ملك جمال الطيور ((كاسكو))]

ولكن لا أعلم هل يمكنك إمساك الطائر أم لا؟
صعب ما اقدر امسكه

ومن ثم لا تعطي الطائر إلا الحبوب الخاصه به فقط ولا تشكل في الطعام.

ياريت لو توضح اكثر لأني أعطيه بسكوت ومكسرات وبطاط بعض المرات هل هذي الأشياء تضره؟
وكل يوم لازم يشرب عصير

جزاك الله خير

[ملك جمال الطيور ((كاسكو))]

ولد _ البحرين
الحمدلله دايما احرص على نظافته
شكرا لمشاركتك

[الذيب الأبيض]

اللة يشفية لازم اتودينة عند بيطري متخص:( :( :( :( :( :eek: :eek: :eek:

[ملك جمال الطيور ((كاسكو))]

الذيب الأبيض شكرا لك المشكلة إني ما اعرف غير طبيب واحد

اتصلت عليه أمس قالولي هاجر كندا:confused:

ودلوني على طبيب ثاني بس شكله مو ذاك الزود - العيادة مسكرة اليوم بوديه باجر إن شاء الله

الله يستر والله خايفة على طيري

ادعوله بالشفاء

[المستمتع]

الله يشفيه

[أسير الأفريقي]

على كل حال المفروض أن يدهن مكان الحبه يوميا بمرهم للإلتهابات المتواجد بالصيدليات البيطريه وهو يسمى بالدهون الأسود (المرهم الأسود) وهذا يستعمل في حالات الإلتهابات والجرب والغرب والتراكمات الجلديه والإلتهابات الداخليه الجلديه والخارجيه وإن لم تستطع الحصول عليه فيمكنك أن تستعمل مضاد حيوي مرهم من الصيدليات البشريه

[ملك جمال الطيور ((كاسكو))]

المستمتع
جزاك الله خير -
الحمدلله إني تعرفت على المنتدى لأن في ناس تقدر
مو مثل اللي عندي الله يسامحهم - سألت صدقيتي عن طبيب بيطري تضحك وتطنز
يعني ما كأنه (روح) يعني شنو أخليه لين يموت <<بعيد الشر عنه


أسير الأفريقي
أنا رحت اليوم لطبيب اللي دلوني عليه لكن شكله مايعرف شي حتى ما له خلق يشوفه..
المهم عطاني مضاد حيوي أحطه في ليترين ماء - وبعدها إذا ماراحت يشيلها
وماقال عن المرهم بس إنشاء الله بسأل عنه المرة الثانية
وأتمنى ينفع المرهم وتروح الورمة بدون مايشيلها
لكن المشكلة إني حتى لو عطوني المرهم ما أقدر أحطه لأن يخاف

جزاك الله خير عالمساعدة

[بو ناصر]

السلام عليكم ورحمة الله

والله الخوان ماقصروا وشكرا لك اخوي اسير الافريقي

مثل ماقالوا الاخوان اقطع عنه السكريات واهتم بالاكل المخصص للطيور وايضا الموالح لازم ماتعطيه منها لانها تسبب بخروج بعض الانتفاخات وخصوصا فوق جفن الطائر

واعتقد الي يقصده اخونا اسير المرهم هو المخصص للانسان حيث انه يساعد على خروج الدهون من الورم

اتمنى لك ولطائرك السلامة

[ملك جمال الطيور ((كاسكو))]

بوناصر
وعليكم السلام - شكرا لك إن شاء الله أخفف السكريات والموالح لكن صعب أقطعها لأن تعود عليها

وبالنسبة للمرهم شنو اسمه بالضبط؟ وإذا ما حصلته في البيطرية يصير اشتري من الصيدلية البشرية مافي ضرر عليه؟؟