كلبي ينبح كثيرا بالليل!!!

[أمونه]

السلام عليكم
ياجماعه اعاني مع كلبي في موضوع نباحه في وسط الليل مع انه صار له شهرين بالبيت يعني تأقلم مع الجو ولله صرت ادخله المطبخ لين اليوم الثاني وتعالوا شوفوا العفيسه ومنثر الاغراض على الارض وبس انه اشيل وراه:( ومره حاولت ااطفي ليتات (انوار) الحوش عشان ينام بس ما نفع ابي حل تكفون بليزززززززززززز ا

[speed_line]

سلام عليكم
انتي بليل تربطيين الكلب ولا تتركينه مهدود بالبيت
وثاني شي انتي بليل تعطينه وجبة اكل قبل النوم ولا لاء
مرات يكون جوعان ف يتم يصاوي لين ماتطعمينه
ف الاخوان بيفيدونج اكثر

[sambaby]

اتوقع انه بي يبي يكون معاك هل انتي تقعدين معاه وقت كثير او لا
انا كلبي كذا اذا كان معي في البيت عادي بس اول ما اطلعه يبدا ينبح
مره قريت في كتاب انك لازم تخلين ريحتك في شي عنده غطاه العابه علشان ما يحس بالوحده

[أمونه]

أخليه مهدود بالبيت الساعة 9 بالليل أعطيه الاكل
مره صارت له حالت جنون تم ينابح اكثر من 10 دقائق لمه رحت اجوف كان في أزهيو(صرصور) مجننه

[أمونه]

شكرا اخوي على النصيحه وإنشالة بطبقها

[بو عذاب]

مره شريت كلبه اصغيره فليل قامت اتنابح وايد وكان عندي اكتاب فيه معلومات عن الكلاب قريت ان اذا كان الكلب اينابح وايد حط احذاه جنبه في القفص ماله ساعه عشان ايتذكر يوم كان في بطن امه دقات قلب امه وبيسكت

[AMRO NAIEM ALRAIIES]

انتظر اخى يوم او اثنين وانا ان شاء اللة هافيدك

[أمونه]

شكرا على الاقتراحات وإنشاله بنفذها

[CSI II]

السلام عليكم ورحمة الله وبركاته

اختي اول شي الجلب لما ينابح تعودي انج ماتروحينله نهائيا
لانه راح يتعود مع الوقت مع المنابح راح تروحينله
ومع الايام راح يظل ينابح ساعة ساعتين ثلاث لين يشوفج

والحل مثل ماقلتلج تحطين تحته كمبل " غطا " وترشين عليه عطر .. او ريحة
وكل يوم ترشين الريحة على الغطا قبل لا ينام وتحطين معاه لعبة

تحياتي

[designo]

First of all thank you for your question

How old is your dog? Is he a puppy
Also, you must put inside a crate and let him out 6 to 7 times a day to go play and toilet
Never go to him when he is barking, let hiim bark till he falls asleep

Dogs like being inside a closed area and dark, they feel safe so dont worry about switching off lights, its normal

Also, make sure you feed him outside the crate on time and let him get into a routine. It is not easy but you will see the results after a few weeks

[رياني]

حطيه في قفص صغير واجلسي جنب القفص وانتظري5دقايق وبعدين راح ينبح واذا نبح سو نفسج مايهمج الوضع وكنج ماتسمعينه وخليه ينقع ربع ساعة وانتي جنبه واذا سكت افتحيله الباب
مايستفاد
ان الكلب ينبح ويحس ان محد مهتمله ويسكت

وسلامتكم

[رياني]

وش نوع الكلب؟؟ وكم عمره

[اناهوانا]

حطي له كمامه على اثمه
توجد في المحلات

[schaferhund]

نصيحه اقولها لج او لااي شخص ثاني لا تاخذين الكلام من ناس ماعندها خبره في هذا المجال تبين تسمعين كلام منو ولا منو ! انا انصحج انج تسمعين كلام شخص عندا خبره كبيره لاانج ااذا سمعتي او نفذتي كلام احد ماعنده خبره المشكله راح اتزيد او يمكن الكلب يتعود على عادات سيئه ثانيه والمشكله اتصير مشاكل

[GannaS]

السلام عليكوم انه عندي حل لج خصصيله مكان خاص لنوم او سويله نف المحكر الي اهوه بيت مصقر