كاسكو ولا مو كاسكو : وشرايكم فيه !!

[*حامي الحيوان*]

السلام عليكم


اخباااركم شبااب ان شاء الله بخير


اولا باركولي وصلني طير مزيون


وحاب اسالكم كم سؤال !!


يقولون هذا الطير مو كاسكو اسمة تبنه !!؟

شكله شكل كاسكو افريقي ولكن فيه ناس قالولي اسمة تبنه

يعني والله مشكلة كانك تشتري خيشة رز ويطلع فيها خيار !!



عموما ابي اسمة شنو بالضبط

وشرااايكم فيه زين ولا لا .. لان يقولون انه يتدرب ويتعلم بسرعة

وايضا قالولي انه مايكبر حجمة صغير مقارنة بالافريقي


عموما انا شريته بـ 60 دينار يعني بحدود الـ 800 ريال


هل يسوى سعرة ولا لا .. للعلم الي شراه لي قالي انه شاريه على اساس كاسكو


وهاذي شوية صور له

http://store2.up-00.com/Nov11/uHk58971.jpg (http://www.up-00.com/)

http://store2.up-00.com/Nov11/Wi858971.jpg (http://www.up-00.com/)

http://store2.up-00.com/Nov11/xQJ58971.jpg (http://www.up-00.com/)

http://store2.up-00.com/Nov11/TLE58971.jpg (http://www.up-00.com/)



ويعطيكم الف عافية


::
::

[ٌابوعمر]

هاذا نوع من انواع الكاسكو واسمه تمنه وطير ذكي تمام مثل الكاسكو العادي بس الفرق الحجم ولون وشكله فرخ ما شاء الله الله يبارك لك فيه ويتربى بعزك

[*حامي الحيوان*]

مشكوور يابو عمر توني قرات ان يسمونه الغيني بعد !!

يعني انت تنصحني اخلية عندي ولا ارجعة

واشتري نووع ثاني

الي عرفته انه مثل العادي تماما ولكن الفرق بالحجم وايضا انه عنيد جدا !!

[O.habeeb]

اولا 1000 مبروك
ثانيا هذا نوع من انواع الكاسكو واسمه تمنه او الغيني الفرق الحجم ولون الذيل

[NohaAbL]

هادا كاسكو و الكاسكو نوعين كاسكو افريقي و كاسكو غيني أو تمنة يعني هاذا كاسكو ما تخاف\ي و مبين صغير بالعمر

[*حامي الحيوان*]

والله يا جماعة

هذا اول يووم له في البيت

ومشاااء الله بظرف يوم واحد فقط

بدأ يصفر في البيت ويركب على القفص ويلعب

وحتى صرت اقرب عنده اكثر بدون مايجعر

ولكن يوجد جعر خفيف اذا قربت زياادة

ولكن بشكل عااام هالطير عاااجبني


وقرأت عنه في مراجع علمية يقولون بأنه مظلوم جدا فى حكم الناس عليه

لانه تقريبا مثل الكميرونى ولكنه ارخص سعرا واقل عصبيه من اولاد عمه

وحتى أنه ممكن يقلد بسن اصغر من الكميرونى



تحياااتي

[*حامي الحيوان*]

والله يا جماعة

هذا اول يووم له في البيت

ومشاااء الله بضرف يوم واحد فقط

بدأ يصفر في البيت ويركب على القفص ويلعب

وحتى صرت اقرب عنده اكثر بدون مايجعر

ولكن يوجد جعر خفيف اذا قربت زياادة

ولكن بشكل عااام هالطير عاااجبني


وقرأت عنه في مراجع علمية يقولون بأنه مظلوم جدا فى حكم الناس عليه

لانه تقريبا مثل الكميرونى ولكنه ارخص سعرا واقل عصبيه من اولاد عمه

وحتى أنه ممكن يقلد بسن اصغر من الكميرونى



تحياااتي

[طلع لي قرون]

ما شاء الله ..


الف مبروك .. ودآم عمره صغير انصحك خليه عندك ..

بيتدرب اسرع وبيكون اليف بوقت بسيط ان شاء الله

[*حامي الحيوان*]

بعد البحث اتضح انه اسمة طائر التمنة او الكاسكو الغيني

واسمة العلمي Psittacus erithacus timneh

وربعنا الله يسامحهم يسمونه تبنه هههههههههه


اذا مو مصدقيني اكتبوا بجوجل ( كاسكو تبنه ) ^_^


مشكلة والله يا أخوان انه فيه ناس ماتحب تقول ما اعرف

لازم يتفلسفوون ويضيعوون المحتااج

يعني انا اصدمووني لما قالوا انه مو كاسكو !!

وعطووني معلومات اتضحت انها كلها غلط بعد البحث


فا عموما الحمد لله انه طلع كاسكو واسمة تمنه مو تبنه

لان هالاسم سبب حالة نفسية للكاسكو

كل الاهل رايحين جايين عليه يا التبنه يا التبنه هههههههههه



ويعطيكم الف عافية وكل عاام وأنتوا بخير ولو انها متاخرة ^_^

[*حامي الحيوان*]

السلام عليكم

اخوااني حبيت اعرف كم عمر هالكاسكو

صورت لكم صورة واضحة للعين

http://store2.up-00.com/Nov11/8G443621.jpg (http://www.up-00.com/)



تحيااتي

[آنآستــآزيآ]

.. ماشــاءاللــه تبــااركـ اللــه .. ولا إلــه إلا اللــه ..

.. نصيحــــــة لا تفــرط فيــه .. طيــر جميــــــل جــدااً وواضــح الإهتمــاام .. وريشــهـ نظيــف وراائــع صرااحــة ..

.. بــس أنصحــكـ إهتــم بـ تغذيتــهـ وإقــرأ معلوومــاات كثيــر حوولــه حتــى تعــرف المزيــد حــوول العناايــة بــه !! ..

.. الطاائــر تــووهـ خــاارجة عينــه مــن الســوااد .. يعنــي عمــرهـ 6 _ 7 شهــوور فقــط ..

.. آنآستــآزيآ ..

[بغبغاء رمادي]

كان عندي واحد منه بس مات :( بس صار اليف معي بسرعه بالرغم كان كبير وكان ياكل من يدي وترك الجعير لكن ما الله وفقني فيه الله يبارك لك فيه اهتم فيه وبيصير رووووووووعه

[*الكاسكو*]

اول مره اشوف كاسكو غيني رمادي فاتح احلامن حقي ماشاءالله..

[ahmad_xx]

مشاء الله الله يبارك لك فيه وشكلة حلو وتوة صغير حافظ علية

[*حامي الحيوان*]

أخوااني

( آنآستــآزيآ _ بغبغاء رمادي _ *الكاسكو* _ ahmad_xx )

مشكووورين جميعا على المشاركة بالموضوع

وعلى افادتي

ويعطيكم الف عاافية

::

حبيت استفسر منكم

أنا حاب ابتدي بترويض الكاسكو

ولكن المشكلة اني محتار بقص جناحة

هل اقص الجنااح ولا لا ؟؟

وقرات ايضا بموضوع متعلق بهذا الخصوص

يقولون بالموضوع أن المعلومة التي تقول بان

الكاسكو يكرهم اذا قصيت جناحة هي معلومة خاطئة


فا انتوا شرايكم هل اقصة بنفسي او شنو اسوي بالضبط ؟؟



تحيااتي

[*حامي الحيوان*]

اخواني عندي استفسار بخصوص القفص

هل تشوفون انه مناااسب ولا اشتري وااحد اكبر ؟؟



يعطيكم العافية

[O.habeeb]

عمره اقل من السنة وبالنسبة للقص والله ما ادري بس اتوقع عادي وحجم القفص مقبول ولاكن لو اكبر افضل فانا حاطط درتي بقفص مثل قفصك والدرة اصغر بكثيير

[kha6ab]

هذا كـــاسكــو ... ونوعه ( تمنه - غيني )

وطبعا هو نفس النيجيري بالضبط .. لكــن الاختلاف فقط ... في الحجم ولون المنقار والذيل

والنــاس ياخذون النيجيري لانه شكله احلى .. وحجمــه أكبــر ..

اما من ناحيه الكلام والذكـــاء .. نفس الشي

وسعـر هالكـــاسكــو تقريبا مناسب

وعمــرهـ .. لسه فــرخ .. ماله عالفطام الا كم شهــر .. يعني عمرهـ مايزيد عن 6 شهور [:



وبخصوص انك تبي تبدلــه .. والله هذا شي راجعــلك ..
بس ترى النيجيري اغلــى من الغيني .. .. ضعف السعــر

[خالد84]

السلام عليكم

اخوي اذا انت مشتري الكاسكو للوناسه والتربيه او هواي ف هذا شي طيب وماراح تفرق معاك بالنهايه الاثنين يتكلمون وثنينهم يتعلمون بس الفرق بالشكل بس من ناحيتي ما احب لا الكاسكو ولا التبنه انا امازوني حتى النخاع وذلك ونصيحه من اخوك اذا مو عاجبك طيرك دزلي رقمك وخل نتواعد بسوق الطيور باجر الجمعه شرط اوديك عند محل تاخذلك كاسكو يصعد ع الايد ياكل من الايد ب 80 دينار كاسكو مو تبنه وشرط فرخ والله لا لي مصلحه ولا داخل جيبي شي مجر هاوي واحب الطيور وشكرا لك والله يوفقك

[*حامي الحيوان*]

أخوي O.habeeb ليش ذكرتني بالدرة !!
كان عندي وحده وعاشت معاي 5 سنوات وبالنهاية ماتت
عموما مشكووور حبيبي على الافاادة

______________

أخوي kha6ab مشكووور على الافادة
وخلاص ماني مبدلة الكاسكو طلع اليف وافضل مما توقعت

______________

وعليكم السلام
أخوي خالد84 أولا اشكرك على الرغبة في مساعدتي
بالنسبة للتبنه او التمنه الي عندي حاليا فهي اوصلتني هدية من قريب لي
وسبب شراء هذا الطير هو أن سعرة بـ 20 دينار ههههههههههه
هو قالي شريته بـ 60 والحين يقولي شريته بـ 20
فا الطير كاان صيدة عرفت شلووون
وبالنسبة للامازوني انا مثلك من عشاقة ونفس الشخص الي اخذنا منه
هالطير كان عنده يلو ناب بس غااالي شوي
فا الحمد لله انا مقتنع بهالطير وطبعا أنا جربت اربي طيور من قبل
ولكن الكاسكو هاذي اول تجربة لي فا محتااج لمساعدتكم


وان شااء الله كلها كم يوم او شهر ويكون الطير تماام



تحيااتي

[O.habeeb]

عذرا اخوي ما كان قصدي

[*حامي الحيوان*]

عذرا اخوي ما كان قصدي

هههههههه لا عادي حبيبي

أمزح معاااك ^_^

بس والله اشتقت حق درتي القديمة



تحيااتي