المساعد الشخصي الرقمي

مشاهدة النسخة كاملة : علامات البيض كلها عندي بس مو راضيين يبيضو tell me why

qassem
19-11-2011, 06:14 PM
بسم الله الرحمن الرحيم
السلام عليكم ورحمة الله وبركاته
أما بعد:
انا عندي زوج كوكاتيل وكل علامات البيض عندي وهم
1-دخل الانثى للبياضة بكثرة والذكر أيضا والإطالة في البياضة بالساعات =موجود عندي هالشي
2- انتفاخ عند منطقة الإخراج عند الانثى =موجود عندي هالشي
3-التلقيح=ماعمري شفتهم يتلاقحو يمكن يستحو او يمكن يكون التلقيح داخل البياضه انا دائم اشوف الزوج داخل البياضه مع بضع ولاصين جنب بعض

تكفون ياشباب شفولي حل
nawrooz
19-11-2011, 06:30 PM
ان شاء الله خير
كان عندي مثل الشي خفت عليهنم وكلها اسبوع وجفت اول بيضة وعقب يومين او اكثر جفت ثاني بيضة
فانت لا تحاتي اقل من اسبوع بتجوف البيض ان شاء الله
طير المملكة
19-11-2011, 06:52 PM
الحل بيد رب العالمين ان شاء الله

وما عليك يالغالي الا بالصبر والصبر
وان شاء الله الصبر مفتاح الفرج
ومسألة انهم يبيضو هالشيء ياخذ جهد كبير
من الانثى ومشقة وياخذ وقت وخصوصا ان كان المرة الاولى

بس لا تحاتي وعليك بالصبر وان شاء الله قريب راح يبيضون لك
نوع لهم الاكل وعطهم بيض البقسماط وننتظرك تبشرنا بالأنتاج
qassem
19-11-2011, 07:06 PM
انشاء الله الله يسمع منكم بس هذه مو اول مرة لان قالي صاحبهم انهم منتجين من قبل بس انشاء الله يبلغنا ببيضهم
qassem
19-11-2011, 07:07 PM
احم احم اثنيكم بحرانيين تشرفنا ياهلا والله باهل البحرين والله يساعدكم يارب
ابو ريمان
20-11-2011, 07:27 AM
هههه وان بضيف على البحرنيين معلومه كمان لقاسم الغائب عن القسم ,,^_^,,

قاسم مجرد تذكير لك فقط الله يعااافيك لا تكثر من فك البياضه كل شوي
يعني لا تزعجهم كل شوي تفك البياضه وتشوف في انتاج ولا لا

سيب الزوج في حاله وان شاء الله تشوف الخير ,,^_^,,

لكن اخوووي قاسم الله يسعدك بخصوص الانتفاااخ كم يوم وانت شايف الانتفااخ
يعني له كم يوم وهذا الانتفاخ موجود ؟؟؟؟ ارجو الاجابه للضروره


قاسم الله يعاافيك شد حيلك نبي نشوفك بالقسم مثل اول ,,^_^,,
qassem
22-11-2011, 03:48 PM
والله لو الود ودي يا بو ريمان كان يوميا توشفني لاني انا اروح بيت عمتي وادش النت ماعندنا نت ابوي مو راضي بس بحاول وياه وانا حاليا عندي كونكت زاذا ركبنا نت اشاء الله يوميا بدخل وبشارك الظروف ماتسمح وبخصوص سؤال انا يوميا اشوف الانتفاخ اذا كانت الانثى تخرج من البياضه
ابو ريمان
23-11-2011, 07:00 AM
والله لو الود ودي يا بو ريمان كان يوميا توشفني لاني انا اروح بيت عمتي وادش النت ماعندنا نت ابوي مو راضي بس بحاول وياه وانا حاليا عندي كونكت زاذا ركبنا نت اشاء الله يوميا بدخل وبشارك الظروف ماتسمح وبخصوص سؤال انا يوميا اشوف الانتفاخ اذا كانت الانثى تخرج من البياضه



الله يعينك ويقويك اخوووي قاااسم

سؤالي يا قاسم الله يسعدك ما اعطيتني الجواااب

الانتفاخ اللي انت شايفه عند الانثى له كم يوم ؟؟؟؟؟؟
qassem
23-11-2011, 01:49 PM
تقريبا له واحد شهر
عاشق الكوكتيييل
23-11-2011, 03:11 PM
آخــي آلــكريـ ــم


عليـ ــك عـــدمـ آلتطفـ ــل علـــى آلــزووج وفتـ ـــح آلعــش كــل دقيقـه.!!!


وهـل آنــت مـــتـآكـد مـن آن آلطيــوور زووج.؟!!


مــمــكــن صـور لــ آلطيــوور

لك
أجمل تحية
qassem
23-11-2011, 04:16 PM
اخوي انا متاكد 100% انهم زوج شنو انا مو جديد على الكروانات وعندي خبره شوي في التربية لكن في الانتاج او مرة وعندي شوي خبره في تحديد الجنس والعمر لكن اول مرة اجرب انتاج وهذه الصور

http://www.darbalnjah.net/up//uploads/images/darbalnjah-f845b5b869.jpg (http://www.darbalnjah.net/up//uploads/images/darbalnjah-f845b5b869.jpg)

http://www.darbalnjah.net/up//uploads/images/darbalnjah-02c3ef2a66.jpg (http://www.darbalnjah.net/up//uploads/images/darbalnjah-02c3ef2a66.jpg)

http://www.darbalnjah.net/up//uploads/images/darbalnjah-4432373642.jpg (http://www.darbalnjah.net/up//uploads/images/darbalnjah-4432373642.jpg)
qassem
23-11-2011, 04:17 PM
الي عند فتحت البياضه هو الذكر والي على العصا هيا النثيا