عندي كاسكو فيه جني

[999 سالم]

سلام عليكم

ياشباب انا عندي كاسكو عمره كبير صار له 4 اسابيع تقريبآ جنني !!

اذا جاع و في الصحن قشر يطير القشر يمين ويسار بمنقاره ويناظرني يبيني احط له اكل

واذا طفش من القفص يبي يطلع يدخل رجله بالاكل ويطير الاكل في الجهه الي انا جالس فيها

انا معلق القفص في الجدار وفيه قفص لطير ثاني تحته ولاحظت أنه يحاول يزرق علي لما اجي للطير

الي تحت أقسم بالله يحاول يدفع الزرق بكل قوته حتى احيانا يحاول ويطلع مافيه شي بس هوا

الفه في منشفه وامسح عليه مايخليني اكمل دقيقه يبعد طبعآ بدون جعير

بيني وبينكم أخوي مره جته فكره انه يمرضه عشان يسهل ترويضه سبحه وحطه قدام المكيف 10

دقايق والله ماحس وجلس يسيف ريشه ومافيه الا العافيه

وش الحل معاه هذا ؟ أجوعه ؟؟ بس هو ياكل من يدي داخل القفص

وش اسسسسوي فيه هذا ؟؟؟

[kitty]

4اسااااااااااااااااااااااااااااااااااابيع بس معك !!!!!!
وتبيه زي الفل معك كيف تجي ذي ...؟؟
اصبر عليه شوي كمان .......خليه يحبك اول عااااااااامله بكل حنان وحب ....
بعدين لحظه انا ما استوعبت اخوك يبيه يمرض ...!!!!!
من جدك انت ...!!!
حرام عليك تتعامل معه بهل شكل ......مهو اسلوب واحد مربي بصراحه ...
طلع الطير وونسه شوي خليه على الاستاااااند يمكن راعيه الاول ماكان يحبسه ابد ...
اشتري له العاب خليه يتسلى فيها .....
والله يحفظه لك

[*هاوي البادجي*]

افااااا حاولت تمرضه واالله العظيم صدمتني. الله يعين الطيور ياريت مخد فكر يصيدهم ويقعدون براحتهم

ما دريت ان في ناس جذي

على العموم الطير كبير

نصيحة من اخوك خله طير قفص ولا تحاول تروضه

لانه كبير

يا ترده او تخليه طير قفص

وهو مو متعود عليك يالغالي

على ما يتعود عليك بيسير زي الفل



ولك احلى تحيه


اخوك فواز

[999 سالم]

4اسااااااااااااااااااااااااااااااااااابيع بس معك !!!!!!
وتبيه زي الفل معك كيف تجي ذي ...؟؟
اصبر عليه شوي كمان .......خليه يحبك اول عااااااااامله بكل حنان وحب ....
بعدين لحظه انا ما استوعبت اخوك يبيه يمرض ...!!!!!
من جدك انت ...!!!
حرام عليك تتعامل معه بهل شكل ......مهو اسلوب واحد مربي بصراحه ...
طلع الطير وونسه شوي خليه على الاستاااااند يمكن راعيه الاول ماكان يحبسه ابد ...
اشتري له العاب خليه يتسلى فيها .....
والله يحفظه لك


ههههههه عاد يليته انمرض والله ماجاب خبر وهو ماله راعي اول الطير صيد جديد

متنقيه من مجموعه عليه رقبه تقول رقبة حاشي ماشاء الله :) بس قليل يصفر

افسحه 4 ساعات في اليوم بعد ماكان مسكر عليه 24 ساعه

بس ياهو صرفية أكل :( بعكس الفرونتد الي مايأكل الا قليل

على طاري الفرونتد مين أقوى عضه الفرونتد والا الكاسكو ؟

لأن دائما أحط أصبعي للفرونتدات في المحلات مايخوف منقارها

أما هذا يخوف جدآآآآآآ

وشكرآ

[آنآستــآزيآ]

.. واللــه يـ الغاالــي أنــت مااخــذ فكــرة سيئــــــــــة جــدااً عنــه !! ..

.. الطيــر يحــس !! وممكــن هــوو بعــد يااخــذ فكــرة سيئــة عنــكـ وخــلاص يتعقــد منهــاا طيلــة حيااتــه ويعتبرهــاا صفــة أسااسيــة مــن صفااتــكـ !! ..

.. نصيحــة حــــــــاوول قــد مــاا تقــدر تهديــه وتوونســه .. بـ إنــكـ تخلّيــه فــي القفــص طيلــة الوقــت بـ مكــاان داافــئ ومــاا تطاالــع بـ اللــي يســوويهـ .. تأكلــه وتنــووع لــه .. وتشربــه موويــة نظيفــة .. ولــوو تقــدر تشتــري لــه لعبــة أفضــل ..

.. وأبــــــــــــدااً لا تفكّــر فــي إنــكـ تمرضــه أو تخلّــي أخــووكـ يسويهــاا فيــه !! لأنــوو هــذاا فيــه تعذيــب لـ الطيــر والتعذيــب حــراام !! ..

.. ولا تستعجــل عشــاان يتعــوود عليــكـ .. بــس خلّــه بـ القفــص بـ الصاالــة أساابيــع يتعــوود علــى جــوو البيــت وخيــر ان شــــــــــــاءاللــه .. ^_^ ..

.. آنآستــآزيآ ..

[هاني25]

عزيزي ماقصرت مع الطير ماباقي شيء وتموته شوف يالغالي الطير مايبيله شيء والله ثم والله لو اوريك الكاسكو حقي وش سوى من بلاوي اول ماشريته تتعجب اول شيء كنت حابسه في القفص وحديد القفص قوي بالحيل والله بعيني اشوفه يلوي الحديد بمنقاره ويقصه نصين ويطلع من القفص وامثر من كذا سوى البيت عندي منجرة خشب يمشي ماخذ راحته وياكل في خشب الابواب بعد مابحثت وقريت في هالمنتدى تعلمت ولله الحمد طريقه ترويضه والحين صار حمامه ماشاء الله تبارك الرحمن ادخل على هالرابط وشوف مقطع الفيديو للكاسكو
http://www.2zoo.com/vb/showthread.php?t=247513

[mffhi]

الله يهديك بس ، انك تمرضة مو حل والله بيحاسبك على هالشي
المنتدى مليان مواضيع عن الترويض وطريقة التعامل مع الطيور الجديدة
كل الي عليك انك تستخدم البحث في المنتدى وراح تجد ضالتك

[ام ماجد]

ياخوي خاف الله في الطير وعامله معامله حسنه واهتم فيه بأكله بشربه وباللعب معاه تؤجر

[999 سالم]

ماهو انا الي حاولت امرضه

أخوي سواها وانا مادريت عنه

سبحان الله الحين تركتو سؤالي عن التجويع وتكلمتو عن التسبيح

صدق انكم تحبو تعيدو الكلام خلاص واحد قال حرام عليك يكفي مو كلكم

[اخت مساعد]

هههههههههههههههههههههه من جد حرام تمرضه

[999 سالم]

مين اقوى عض الكاسكو ولا الفرونتد

[هاني25]

مين اقوى عض الكاسكو ولا الفرونتد

الكاسكو

وللمعلومية منقار الكاسكو اقوى من منقار الصقر

اقرأ هالموضوع

http://www.2zoo.com/vb/showthread.php?t=247419

تحياااااااااااااااااااتي

[محب الحيونات الاليفة^^]

والله حرام عليك تمرضه

[بحر الكلام]

يالغالي نصيحه مني بيع طيرك ازين لك بدل من انك تموته حرام والله عليك

[ابو شيمو]

حبيبي انا مااعيد عليك نفس الكلاام

وقت ماتكون بالبيت خله جنبك ع طوووووووول وشوية شوية بيخليك تمسح ع راسة

زي طير ام صاحبي << لفقها

عندها كاسكو شريير بس بالقفص حلووو تقله رااسك يعيط راسه ع طووول

[ام عبووود]

هههههههههه طير توه ماتعود عليك
انا قعد طيري شهر يالله قدرت اطلعه
على ايدي
وعن المصاريف اي والله خلص اكل البيت

[kha6ab]

تبي نصيحتي


بيعه .. ولا تفكر تربي ببغاوات

[سامي الشريف]

والله حرااااااااام عليك انا ولا مره في عمر رفعت صوتي على طير من طيوري اللي ربيتها
وانت تقول اخوك يحاول يمرضه والله لو انه اخوي لعذبه عذااااب
ماعمره شافه اخليه اللييين يناااام وارش فوقه مويه مثلجه اخليه يعرف ان الله حق
بعدين ياتحسن معاملتك معه ولا بيعه وارحمه

[خيمآآويه]

ههههههههههههههههههههه انا اباااه عطني اياااه احسسه يونّسس ^^ ~

[999 سالم]

ههههههههههههههههههههههه بعض الردود مضحكه وبعضها مقززه

انا ما ادري من وين تفهمون ؟

اقولكم اخوي تقولو لي حرام عليك

خيماويه مايغلى عليك :) بس انا في السعوديه