الرجاء تحديد نوع الكلب ؟؟؟؟

[tigerheart112]

السلام عليكم

ارجو من الاخوان المساعده بتحديد نوع الجرو الي في الصوره الي باخذه مني قالي انه فرنسي جرمه كبير اذا كبر وانه جاي من اوكرانيا ودي تفوديني ايش النوعيه الله يجزاكم خير :)

http://www.2zoo.org/get-11-2011-2zoo_org_3cv86asp.jpg (http://www.2zoo.org)
http://www.2zoo.org/get-11-2011-2zoo_org_0zy3w3zd.jpg (http://www.2zoo.org)
http://www.2zoo.org/get-11-2011-2zoo_org_a3zczc65.jpg (http://www.2zoo.org)

[Octopus]

حاليا الجرو صغير و من صعب تحديد نوعه
و لا زم صور احد الابوين :)

[tigerheart112]

تسلم ما قصرت المشكله ماشفت الابوين الرجال يقول انه جايبه من واحد قصه طويله

[jassim99]

لا تاخذ كلب على انه جاي من الخارج بسعر الكلاب المستورده اذا ماكان معاه الاوراق الكامله تثبت انه جاي من الخارج

و اغلب الكلاب تأتي من الخارج بها مايكرو جب (شريحه الكترونيه تزرع في رقبة الكلب)

خذه للبيطري و خل يشوف اذا في مايكرو جب و يشوفلك المعلومات الي فيها و نوع الكلب و من وين جاي

موفق خير

[Abo_fahed]

تـم نقل الموضوع الى

قسم السؤال والجواب

ونتمنى في المرات القادمة يكون

طرح الأسئلة في القسم المخصص

[عـسول]

الكلب صغير ويصعب تحدبد نوعه

[mkdsh]

:)

والله شوف يالغالي انا اشوفه هجين :) .,

لاكن ماقولك اكيد اكيد .,

لان الكلاب الصغيره اللي عمرها اقل من الـ 4شهور صعب تعرف انواعها .

وموفق ان شاء الله

[choosy]

و الله ياخويي,, الجرو ما يقرب لأي فصيلة اعلمها و الأغلب يكون بلدي

كثير التجار اللي مايخافون الله و يوهم الزبون بأشياء ليست حقيقية

بكل حال الكلب جميل جدأ ما شاء الله

و لو اختلفت نسبة الذكاء بين الفصائل تبقى بمعدل واحد

[Nona999]

السلام عليكم ورحمة الله وبركاته ..

كلامي من كلام الاخوان ..

و اغلب الكلاب تكون احد الابوين بيور والاخرى بلديه فـ يكون الجرو مهجن وانا ماانصح بهذا الشي لان الجينات تختلط وماتكون تتعامل مع جرو جيرمن او جرو ....الخ

بالنسبه لكلامه انه يقول مستورد مافيه كلب يستورد بدون اوراق مثل ماقالك اخوي جاسم ..

وحتى لو فرضنا ان الكلب مو بيور بس انه مستورد على كلامه اكيد فيه اوراق لانه مايجي الا و الكلب تم عرضه على طبيب وتم تشخيص حالته الصحيه وتحديد " نوعه "

فـ انا انصح اذا هو قدم لك اوراق الكلب و اتضح لك الموضوع وكان سعره مناسب لك فـ ليش لا الكلاب بوفائها مو بنقائها ..

ولكن اذا الكلب مشكوك فـ نوعه وهكذا فـ انا انصح انك تدور على كلب مضمون ..

ولك الف شكر ..

موفق

[tigerheart112]

مشكورين اخوان والله لازم نشوف حل لنصابين

الجرو مشالله ما يهدا وذكي اي حركه تلاقيه وقف

[tigerheart112]

معلومه اضافيه يا شباب الجرو منتج هنا من ابوين مستوردين

[Nona999]

طيب اخوي انت تقول ان الابوين مستوردين والجرو منتج هنا معناته ان الرجال يعرف نوعيه كلابه بالضبط و اكيد عنده صور للابوين ..

واحنا مانقلل من الكلب ونقول انه مو كويس بالعكس مبين مشاءلله ان صحته كويسه وحرك

واذا تبي تعرف نوع الكلب ارجو انك تزودنا بصور الابوين لان فيه جراء كثير تتشابه من فصائل مختلفه ..

لك كل الاحترام والتقدير

:)

[tigerheart112]

معاك في الكلام بس الي انا شاريه منه بياع شاريه من واحد وشفته بالسوق وشريت منه صعبه بحاول انزل السوق اذا لقيته بحاول فيه يرجع للي شراه منه يجيب صور انا خايف ضحك علي بس يا ويله

[mkdsh]

بكم شريته يالغالي .؟ .,

[الهولي]

صحيح كلام اخواني
صعب التكهن او تحديد اكيد لفصيلة الكلب الان
عمره صغير شعر الوجه وجسم الكلب ولونه
يصعب علينا تحديده بدقه
وخاص هاذا الشكل غير منتشر ومعروف
مثل الجيرمن او غيرة من الفصايل المعروفه
مافي داعي نكبر الموضوع ونشك في ناس
انهم نصابين او غيره
تشتري من واحد من السوق
وعلى كلامك بياع شراي
اكيد راح تحصل على معلومات ناقصه
وكلب غير واضح في الاصل والفصل
في شي اسمه مربي محترف ومعروف
وله اسعار ليست برخيصه وهاذا الدايم
اللي نبحث عنه الرخيص والمجهول وقال فلان و و
اذا انت مهتم في الاصل والفصل
لازم يكون من مصدر معروف وموثق
انا معاك مو عليك:freind:
وارجو ان وصلت الفكره