ارجو المساعدة سؤالين عن الحمام

[$صقر الجنوب$]

السلام عليكم ورحمة الله وبركاتة
1- انا عندي قفص فيه 15 حمامة وحبيت اعرف كم الفترة اللازمة
عشان يتعود الحمام على المكان وافتح له القفص عشان يروح ويرجع
وانا اول مرة اربي حمام وما عندي خبرة فيها
2- كيف اعرف اذا كان الحمام الي عندي ذكر ولا انثى؟

ارجو ان تفيدوني بخبراتكم

[فيوزي]

والله يالغالي خليهم شهر او شهرين او 3
ومن الافضل انك تخليهم يبيضو عندك
واعطيهم ماي مع سكر
ولا تفلتهم كلهم افلت من كل زوج ذكر او انثى
وامكن تحصل طرق غير طريقتي
تقبل مروري

[999 سالم]

هذا قسم الببغاوات أخوي

الحمام يكفيها شهرين او اذا بيض خلاص يتعود

اما معرفة الذكر من الانثى لك رساله

[OVO]

والله ياخوي رجعتني للوراء 12 سنة تقريبا ً .. كنت ما اسمع في شيء اسمه حمام .. قفص فيه 15 حمامه معناته انها عشة .. اسبوعين تعتبر كويسه لكن عشان تضمن إن الحمام مايروح عليك خله شهر كامل لا تفتح عنه وأعتني بأكلة وغير مويته يوميا ً ولو عندك طاسة كبيرة للمويه يكون أفضل عشان يتروش الحمام برضه . في ذا الفترة خلك هادي ولا تجلس تناقز وراء الحمام عشان تمسكه خله ياخذ على الجو ويولف وبعدها لو تبي تلاحقه لين اخر الحارة ماعندك مشكلة .. كنت أحط لحمامي سكر في المويه فيه ناس تقول مامنه فايدة ومايحتاج بس أنا بصراحة كنت احط له سكر طبعا مو يوميا ً لكن بمعدل مره إلى مرتين أسبوعيا ً . نجي للتفريق بين الذكر والأنتى طبعا ً فيه طريقتين الأولى من خلال راس الحمامة الذكر بالعادة يكون راسه أكبر في الحجم من الأنثى .. بس بحكم إنها أول مرة تربي فيها حمام يمكن تكون صعبة عليك تفرق الآن بس مع مرور الوقت راح تعرف الذكر من الأنثى بمجرد النظر .. الطريقة الثانية ياطويل العمر هي من عند أرجل الحمامة من ناحية الذيل إذا حطيت اصبعك راح تلاحظ وجود عظمتين بالعادة في الذكر العظمتين متقاربه يعني اصعبك مايدخل بينها بس في الأنثى العكس تماما ً راح تلاحظ إن اصبعك يدخل بكل سهوله . هذا طبعاً غير إن الذكر يبغبغ ويتميلح عند الأناثي بينما الأنثى حالها حال نفسها نتنظر نصيبها ولا تتشرط .. وإذا حبيت تزاوج بين ذكر وأنثى اعزلهم لحالهم في قفص لوحدهم وبعدهم عن باقي الحمام لمدة اسبوع إلى إسبوعين وبعدين فكهم مع باقي الحمام هذا طبعا ً إذا تبي ألوان معينه وألا إذا تركت الحمام مع بعض راح يتزاوجون اصلا ً من وحدهم.
أتمنى أكون أفدتك وعلمنا بجديدك

[oasa_123]

هنا ببغاوات يا بو الشباب !!