تكفوووون الفززززعة حالاً

[OVO]

السلام عليكم
شباب عندي مشكلة وما ادري وش حلها تكفون اللي عنده خبرة يلحق علية ... أنا عندي دبل يلو هد مرحه وحبوبه .. تركتها العصر وطلعت من البيت رجعت وكانت اوكيه دخلت غرفتي واسمع لها صياح ماعمرها صاحته وبصوت عالي .. نطيت على الصاله واشوفها رافعه رجلها وفاردة اجنحتها وماده لسانها من العطش ومنقارها احمر .. شوي واشوف اثنين من اصابعها مجروحه من عند الظفر وفيه دم وهي جالسه تعضه بمنقارها وتنتف فيه وجالسه خامله وماهي عادتها وتطالع فيني يوم اجيها ومالها حيل تقاوم هاديه جدا ً ...

تكفون يالربع وش الحل في ذا الحاله؟

[فيوزي]

ما تعرف بيطري مفتوح
او الحق عليها الصباح يالغالي
يا اخواني واخواتي ياريت تفيدو اخونا
تقبل مروري

[كرماوي اصلي]

بسم الله

السلام عليكم

على حسب كلامك والله اعلم الطير الي عندك حساس جدا وشكله زعل لانك ماكلمته وخشيت الغرفة على طول وراح ينتف في اصابعه الين طلع الدم على فكرة كانت تصير معي مع طيري الافريقي كان ينتف ريشه لما ما اهتم فيه او ما اكلمه لما اخش البيت

الحل الوحيد لك حاليا اذا لسا فيه دم شيل الطير من القفص وجيب شوية ملح وكبس مكان الجرح شوي شوي واذا فيه معقم حطه بعد الملح واجلس مع الطير شوي وبتشوفه تحسن والله اعلم

تحياتي

كرماوي اصلي

[OVO]

الله يعطيكم العافية اخواني ماقصرتوا على الردود

[فيوزي]

الله يعافيك وطمنا على طيرك