مساعدة بخصوص قص الأظافر وبرد المنقار

[OVO]

السلام عليكم شباب ...

سؤالي بسيط وهو ياشباب متى أعرف أن أظافر الطير تحتاج لقص ومنقاره يحتاج لبرد؟ وكم الفترة التقريبية بين كل قصه وقصه وبرضه الفترة بين برد المنقار وبرده مره ثانية؟

بصراحة ماقد قصيت في حياتي يعني تنصحوني أقص بنفسي وألا أوديها للمختصين .. وبرضة وش الأدوات المستخدمة يعني استخدم نفس القصاص الخاص بنا حنا بني البشر وألا لازم أدوات خاصة بالطير؟؟

برضه سمعت إنه إذا قصيت للطير بنفسي يكرهني أو ماشابه مع العلم إنها كويسه معي وموالفة وحبوبه فما ابي اخسر ثقتها فيني.

معليش طولت عليكم لكن الله يجزاكم بالخير ع النصح والإرشاد

[طلع لي قرون]

اخوي ..

في غيري كثير يفهمون اكثر مني ..


بس نصيحتي لك ..

خلي المنقار لا تسوي فيه شي ..


اما الاظافر ..

جيب مبرد .. ويفضل يكون قوي ..

اذا طيرك اليف بتقدر تبرد له ..

المهم .. توقف الطير .. وتمسك الظفر .. طبعآ تمسكه من النص وحاول ما تعور الطير ..

من هنآ تقدر تبرد له بنفسك ..

ابرد جزء صغير بس .. وابدآء بالثاني لين تخلصها كلهآ ..

بعدين وقف الطير على يدك .. صدقني ما بتحس فيه ..

وانا اشوف برد الاظافر افضل من قصهآ ..


والله اعلم ..

وبالنسبه للمنقار ..

روح اي محل طيور .. طبعآ يكون كبير وعنده كل شي ..

قوله ابي العصا الي يحك فيها الببغاء منقاره ..

هي بتكون زي المجثم بس عليها زي قطع الحجار الصغيره لاصقه بالعصا ..

طبعآ الطير لمى يجي يوقف عليها ويحك منقاره كعادته راح يبرد بنفسه .. وهو عاد بيبرده على كيفه .. :D

ومفيده بعد للأظافر يوم يوقف عليها ..

<< بصورها لك افضل

[999 سالم]

ماتعرف لاتسوي فيه شي وده لمختص

وتعلم منه

[OVO]

الله يعطيكم العافيه اخواني وبالنسبه لكلامك اخوي طلع لي قرون لقيت اللي تقصدها بس ماهي عصا لا صبّه على شكل ستاند تثبتها في القفص على شكل بيضاوي وسطحها من الجهتين خشن حبات حجار صغيرة جدا ً .. مكتوب عليها لبرد الأظافر والمنقار بس ماشريتها
يعني لو الواحد يشتريها ينسى شيء اسمه قص وبرد والا لازم برضه من فتره لفتره تقص وتبرد له بنفسك؟

شاكر ومقدر لكم اخواني

[طلع لي قرون]

http://im12.gulfup.com/2011-11-30/1322644818511.jpg (http://www.gulfup.com/show/Xp10beydmurk44)

مثل ذي ..

وممكن في اشكال تختلف بس هذي الي اعرفها ..

والبرد لابد منه .. بس من فتره لفتره ..

[OVO]

الله يعطيك ألف عافيه أخوي

بس فتره وفتره يعني كم ؟؟ شهر ؟؟ شهرين ؟؟ أقل أكثر ؟!!

ومشكور مره ثانيه

[خالد84]

السلام عليكم

اخوي ابعد عن المنقار ولا تفكر انك او حتى بيطري يبرد المنقااااار ياخوي بالنسبه للظافر مالها وقت محدد انت راح تعرف بنفسك يعني لما تشيل الطير وتحس ان اظفر الطير بمجرد ان حط رجله على ايدك اذا حسيت انهم طوال ويجرحون الايد وده بيطري وخل يقصهم لك بس الا المنقاااار لا تسوي فيه شي وشكرا

[soso2004837]

بصراحه انا ابرد اظافر طيوري ومنقار بالمبرد اسهل وامن
وحتى وديته محل طيور قال افضل برديه من القص
فاحس اسهل ولا اخاف اني اجرح الطير

[OVO]

الله يجزاكم بالخير ياخوي وانتي يا اختي ويعطيكم العافية على نصايحكم ويبارك لكم بطيوركم

ماقصرتوا